Efnisorð
Tegund

Leita eftir efnisorðum

Sýnir 801–850 af 866
Raða eftir:
15. nóv. 2017Menntamál, Mennta- og barnamálaráðuneytið

Evrópsk starfsmenntavika 20. - 24. nóvember 2017

Mennta- og menningarmálaráðuneytið vill vekja athygli á Evrópsku starfsmenntavikunni sem er ætlað að kynna og efla starfsnám á sem fjölbreyttastan hátt. Vikan var haldin í Brussel í fyrsta sinn í nóvember 2016 undir slagorðinu „Discover your Talent". Viðburðurinn þótti takast svo vel að ákveðið var að endurtaka hann í ár og útfæra hann þannig að sem flestir tækju þátt.

08. nóv. 2017Menntamál, Menningarmál, Menningar-٫ nýsköpunar- og háskólaráðuneytið

Ný verkáætlun um máltækni fyrir íslensku 2018-2022

Ný verkáætlun um máltækni fyrir íslensku 2018-2022: Íslenska verði gjaldgeng í stafrænum heimi. Kristján Þór Júlíusson mennta- og menningarmálaráðherra kynnti í dag nýja verkáætlun um máltækni fyrir íslensku á árunum 2018-2022. Markmið hennar er að hægt verði að nota íslensku í öllum tækjabúnaði og í hugbúnaði stærstu tæknifyrirtækja heims.

31. ágú. 2017Fjármála- og efnahagsráðuneytið, Menntamál, Rekstur og eignir ríkisins

Ríkissjóður afsalar íþróttamannvirkjum á Laugarvatni til Bláskógabyggðar

Ríkissjóður afsalaði í dag sveitarfélaginu Bláskógabyggð til fullrar eignar og umráða íþróttamannvirkjum á Laugarvatni sem voru í eigu ríkisins. Benedikt Jóhannesson, fjármála- og efnahagsráðherra, undirritaði samninginn fyrir hönd ríkisins, sem gerður er með fyrirvara um samþykki Alþingis á fjárlaukalögum ársins 2017.

25. ágú. 2017Mennta- og barnamálaráðuneytið, Menntamál

Breiðum samstarfsvettvangi komið á til þess að stuðla að farsælli framkvæmd stefnu um menntun án aðgreiningar

Fjölmenni var á málþinginu „Menntun fyrir alla á Íslandi“ sem mennta- og menningarmálaráðuneytið stóð fyrir 24. ágúst síðastliðinn og fjallaði um framkvæmd stefnu um menntun án aðgreiningar. Á málþinginu voru niðurstöður úttektar Evrópumiðstöðvar um nám án aðgreiningar og sérþarfir teknar til umfjöllunar og umræðu, ásamt hugmyndum um aðgerðir. Ráðherrar heilbrigðismála, félags- og velferðarmála, auk mennta- og menningarmálaráðherra, ávörpuðu málþingið ásamt fulltrúum Evrópumiðstöðvarinnar og fulltrúum helstu hagsmunaaðila.

11. ágú. 2017Mennta- og barnamálaráðuneytið, Menntamál

Hátt í 5000 nemendur í 6. bekk fá afhentar nýjar Microbit smátölvur

Mennta- og menningarmálaráðherra og framkvæmdastjóri Samtaka iðnaðarins afhentu fyrstu Microbit smátölvurnar til nemenda í 6. bekk Hólabrekkuskóla og Austurbæjarskóla fyrr í dag en tölvurnar eru notaðar til að kenna krökkum að forrita. Þetta er annað árið sem Microbit smátölvunum er dreift til nemenda og að þessu sinni fá allir 6. bekkingar í grunnskólum landsins tölvur eða hátt í 5.000 nemendur.

07. maí 2017Menntamál, Mennta- og barnamálaráðuneytið

Ráðist verður í ítarlegar athuganir og greiningar á stöðu framhaldsskólanna um land allt

Kristján Þór Júlíusson mennta- og menningarmálaráðherra hefur ákveðið að ekki verði af sameiningu á rekstri Fjölbrautaskólans við Ármúla og Tækniskólans að svo stöddu. Gerð verður greining á einstökum landsvæðum eða klösum skóla, sem og greining á einstökum skólum með tilliti til styrkleika og veikleika þeirra. Að þeirri vinnu lokinni mun ráðherra ákveða hvort ástæða sé til að ráðast í sameiningar skóla eða gera aðrar breytingar á starfsemi þeirra svo efla megi gæði náms, skilvirkni í starfsemi og þjónustu við nemendur.

05. mar. 2017Vísindi nýsköpun og rannsóknir, Menntamál, Menningar-٫ nýsköpunar- og háskólaráðuneytið

Skrifstofa Alþjóðlegu norðurskautsvísindanefndarinnar

Skrifstofa Alþjóðlegu norðurskautsvísindanefndarinnar (IASC) var flutt til Akureyrar frá Þýskalandi í byrjun þessa árs og verður hún staðsett þar allt til 2021. Mennta- og menningarmálaráðuneytið hefur falið Rannsóknamiðstöð Íslands (Rannís) umsýslu með rekstri skrifstofunnar en Rannís hefur átt aðild að IASC fyrir hönd Íslands frá upphafi.