Efnisorð
Tegund

Leita eftir efnisorðum

Sýnir 1001–1050 af 1495
Raða eftir:
13. apr. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Beinn stuðningur ríkisfjármála vegna Covid-19 töluvert meiri en í samanburði AGS

Vegna fréttaflutnings um samanburð Alþjóðagjaldeyrissjóðsins á umfangi stuðningsaðgerða ólíkra ríkja telur fjármála- og efnahagsráðuneytið rétt að vekja athygli á því að beinn stuðningur ríkisins vegna heimsfaraldurs COVID-19 er umtalsvert meiri en haldið er fram í gagnagrunni sjóðsins um umfang stuðningsaðgerða sem birtur var á dögunum.

13. apr. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins

Léttum lífið - Viðburður um opinbera þjónustu til framtíðar

Hvernig á opinber þjónusta að vera til framtíðar? Miðvikudaginn 14. apríl stendur fjármála- og efnahagsráðuneytið fyrir opnum viðburði þar sem fjallað verður um hvernig bæta megi opinbera þjónustu og létta líf almennings á sama tíma og peningar skattgreiðenda sparast. Yfirskrift viðburðarins er Léttum lífið: Spörum sporin og aukum hagkvæmni með umbótum í opinberri þjónustu.

09. apr. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins

Léttum lífið - Spörum sporin og aukum hagkvæmni

Hvernig bætum við opinbera þjónustu og léttum líf almennings á sama tíma og við spörum skattgreiðendum pening? Hvaða hlutverk leika fjárfesting og áhersla á stafræna tækni í þessum efnum? Hvernig á opinber þjónusta að vera til framtíðar? Þessum spurningum og fleirum verður svarað á opnum viðburði fjármála- og efnahagsráðuneytisins miðvikudaginn 14. apríl næstkomandi en yfirskrift hans er Léttum lífið: Spörum sporin og aukum hagkvæmni með umbótum í opinberri þjónustu.

08. apr. 2021Efnahagsmál og opinber fjármál, Forsætisráðuneytið

Forsætisráðherra ávarpaði ársfund Seðlabanka Íslands

Katrín Jakobsdóttir forsætisráðherra flutti í gær ávarp á 60. ársfundi Seðlabanka Íslands. Í ávarpi sínu fór forsætisráðherra m.a. yfir þær aðgerðir sem stjórnvöld hafa gripið til vegna heimsfaraldurs kórónuveiru. Markmið aðgerðanna væru skýr; annars vegar að verja líf og heilsu fólks og hins vegar að tryggja afkomuöryggi fólks og styðja við atvinnulífið.

26. mar. 2021Rit og skýrslur, Forsætisráðuneytið, Efnahagsmál og opinber fjármál

Launabil og jöfnuður - greinargerðir fyrir Þjóðhagsráð

mars 2021 / Forsætisráðuneytið Launabil og jöfnuður - greinargerðir fyrir Þjóðhagsráð Markmið þessarar umfjöllunar er að styrkja þekkingargrunn fyrir umræðu um launabil og jöfnuð á Íslandi og samanburð við önnur lönd. Hér er ekki ætlunin að taka afstöðu til efnisins heldur frekar fjalla gagnrýnið um hugtök og gögn sem eru gagnleg fyrir umræðuna, draga athygli að styrkleikum þeirra og takmörkunum og veita, eins og kostur er, innsýn í dreifingu launa á Íslandi

26. mar. 2021Fjármála- og efnahagsráðuneytið, Innviðaráðuneytið, Efnahagsmál og opinber fjármál, Samgöngur og fjarskipti, Rekstur og eignir ríkisins

Fjarskiptaöryggi Íslands stóraukið með fjármögnun nýs sæstrengs

Fjármögnun á nýjum fjarskiptasæstreng milli Íslands og Írlands hefur verið tryggð með aðkomu ríkisins. Ráðgert er að taka strenginn í notkun fyrir árslok 2022, en honum er ætlað að stórauka öryggi í fjarskiptasamböndum Íslands við Evrópu í samræmi við stefnumótun ríkisstjórnarinnar í fjarskiptum fram til ársins 2033.

24. mar. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Meira svigrúm heimilað við endurgreiðslur stuðningslána

Lánastofnunum verður heimilt að hliðra endurgreiðslutíma stuðningslána í allt að 12 mánuði til viðbótar við þann frest sem áður var gefinn. Þetta kemur fram reglugerð sem fjármála- og efnahagsráðherra hefur undirritað en breytingin er liður í að aðstoða rekstraraðila sem eiga í erfiðleikum vegna heimsfaraldurs kórónuveiru. Liðlega 1.100 umsóknir um stuðningslán hafa verið afgreiddar að fjárhæð 9,4 milljörðum króna til u.þ.b. 945 aðila.

24. mar. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins

10-12 þúsund bílferðir sparast árlega með stafrænum skilavottorðum ökutækja

Undanfarið hefur fjöldi stafrænna umsókna og ferla bæst við vefinn Ísland.is, upplýsinga- og þjónustuveitu opinberra aðila á Íslandi. Nýlega urðu skilavottorð vegna úr sér genginna ökutækja stafræn sem felur í sér mikinn sparnað á tíma almennings, fyrirtækja og stofnana. Ætla má að breytingarnar spari um 10-12 þúsund bílferðir á ári sem áður þurfti til að ljúka undirritun pappíra.

22. mar. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Fjármálaáætlun 2022-2026: Réttar ráðstafanir skiluðu árangri og björtum horfum

Aðgerðir stjórnvalda vegna heimsfaraldurs kórónuveiru hafa skilað miklum árangri og útlitið fram undan er bjartara en gert var ráð fyrir í fyrra. Ráðstöfunartekjur heimilanna jukust árið 2020 og reyndist samdráttur umtalsvert minni en áætlað var. Þetta eru meginatriðin í nýrri fjármálaáætlun fyrir 2022-2026, sem kynnt er í dag.

19. mar. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins

Undirritaði samevrópska ráðherrayfirlýsingu um stafræna tækni

Bjarni Benediktsson fjármála- og efnahagsráðherra undirritaði í dag viljayfirlýsingu ráðherra Evrópusambandsins og EFTA-ríkjanna um tæknimál. Yfirlýsingin felur í sér vilja ríkjanna til að leggja áherslu á nýtingu stafrænnar tækni í því skyni að ná markmiðum í loftslagsmálum og auka sjálfbærni.

12. mar. 2021Dómsmálaráðuneytið, Fjármála- og efnahagsráðuneytið, Mannréttindi og jafnrétti, Efnahagsmál og opinber fjármál, Forsætisráðuneytið

Tekið tillit til kynjasjónarmiða við ákvarðanatöku

Kynjasjónarmið á flestum þeim málefnasviðum sem fjármálaáætlun tekur til hafa verið kortlögð í stöðuskýrslu sem kynnt var á fundi ríkisstjórnarinnar í dag. Á fundinum var samþykkt að nýta niðurstöður skýrslunnar við stefnumótun og að tekið yrði tillit til kynja- og jafnréttissjónarmiða við ákvarðanatöku. Einnig var samþykkt að taka saman heildstætt yfirlit yfir áhrif COVID-19 á kynin.

12. mar. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Fjárfesting ríkisins jókst á síðasta ári og gert ráð fyrir áframhaldandi vexti

Útgjöld ríkisins vegna fjárfestinga jukust um 5,8% milli ára árið 2020 samkvæmt nýbirtum tölum Hagstofunnar. Ef leiðrétt er fyrir meðhöndlun Vestmannaeyjaferju í uppgjöri er aukning fjárfestingar mun meiri, eða um 12% milli ára. Gert er ráð fyrir að fjárfesting vaxi áfram á þessu ári og að opinber fjárfesting verði öflug á næstu árum vegna átaks stjórnvalda í tengslum við heimsfaraldur kórónuveiru.

05. mar. 2021Forsætisráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins, Fjármála- og efnahagsráðuneytið

Ánægja með þjónustu opinberra stofnana en tækifæri til umbóta

Á heildina litið er almenningur nokkuð ánægður með þjónustu opinberra stofnana. Þetta sýna niðurstöður þriðja og síðasta áfanga þjónustukönnunar Gallup sem lauk í febrúar sl. Ríkisstjórnin vinnur markvisst að því að bæta almannaþjónustu og er könnunin liður í þeirri vinnu.

26. feb. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Tæpir átta milljarðar greiddir í tekjufallsstyrki

Um 1.400 rekstraraðilar hafa fengið um 7,8 milljarða króna greidda í tekjufallsstyrki vegna heimsfaraldurs kórónuveiru. Tekjufallsstyrkir nýtast rekstraraðilum sem orðið hafa fyrir verulegu tekjufalli í heimsfaraldrinum og er markmiðið að viðhalda atvinnustigi og efnahagsumsvifum með því að styðja þau fyrirtæki og einyrkja þar sem tekjufall er meira en 40%.

24. feb. 2021Fjármála- og efnahagsráðuneytið, Auðlindir, Atvinnuvegir, Orka, Efnahagsmál og opinber fjármál, Rekstur og eignir ríkisins, Umhverfis-٫ orku- og loftslagsráðuneytið

Viljayfirlýsing um kaup ríkisins á hlutum orkufyrirtækja í Landsneti hf.

Bjarni Benediktsson, fjármála- og efnahagsráðherra og Þórdís Kolbrún Reykfjörð Gylfadóttir, ferðamála-, iðnaðar og nýsköpunarráðherra, hafa fyrir hönd ríkissjóðs undirritað viljayfirlýsingu við orkufyrirtækin Landsvirkjun, RARIK ohf., Orkuveitu Reykjavíkur og Orkubú Vestfjarða, sem eigendur alls hlutafjár í Landsneti hf. um að ganga til viðræðna um kaup ríkisins á hlutum félaganna í Landsneti hf.

19. feb. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Yfir 7 milljarðar greiddir í tekjufallsstyrki

Yfir 7 milljarðar hafa verið greiddir í tekjufallsstyrki til 1.215 rekstraraðila frá því að afgreiðsla umsókna hófst hjá Skattinum um miðjan janúar. Um 67% fjárhæðanna hafa farið til fyrirtækja í ferðaþjónustu, sem er svipað hlutfall og í öðrum úrræðum sem stjórnvöld hafa kynnt til sögunnar í tugmilljarða stuðningi við fólk og fyrirtæki vegna heimsfaraldurs kórónuveiru.

22. jan. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Mannauðsmál ríkisins

Stefna og viðmið í húsnæðismálum stofnana

Fjármála- og efnahagsráðuneytið hefur gefið út stefnu um áherslur og viðmið í húsnæðismálum stofnana með það að leiðarljósi að tryggja hagkvæma og markvissa húsnæðisnýtingu og ná fram markmiðum um fjölbreytt og sveigjanlegt vinnuumhverfi sem styður við aukna teymisvinnu og samstarf þvert á stofnanir.

08. jan. 2021Rit og skýrslur, Efnahagsmál og opinber fjármál, Rekstur og eignir ríkisins, Covid-19, Fjármála- og efnahagsráðuneytið

Úrræði vegna faraldurs: Aðgerðir vegna atvinnuástands, fólk í viðkvæmri stöðu og gagnvart sveitarfélögum

janúar 2021 / Fjármála- og efnahagsráðuneytið Úrræði vegna faraldurs: Aðgerðir vegna atvinnuástands, fólk í viðkvæmri stöðu og gagnvart sveitarfélögum Úrræði vegna faraldurs: Aðgerðir vegna atvinnuástands, fólk í viðkvæmri stöðu og gagnvart sveitarfélögum

07. jan. 2021Fjármála- og efnahagsráðuneytið, Rekstur og eignir ríkisins, Covid-19, Efnahagsmál og opinber fjármál, Nýsköpun

Skráning hafin á Nýsköpunardag hins opinbera

Nýsköpunardagur hins opinbera verður haldinn í annað sinn 21. janúar næstkomandi en yfirskrift dagsins í ár er Áhrif Covid-19 á opinbera þjónustu: Lærdómar til framtíðar. Um fjarviðburð er að ræða sem hægt verður að fylgjast með í streymi milli klukkan 9 og 11:30. Skráning er hafin en þátttaka í deginum er ókeypis.

06. jan. 2021Fjármála- og efnahagsráðuneytið, Rekstur og eignir ríkisins, Covid-19, Efnahagsmál og opinber fjármál

Fréttaannáll fjármála- og efnahagsráðuneytisins 2020

Nýliðið ár var viðburðaríkt í starfi fjármála- og efnahagsráðuneytisins. Mörkuðust verkefnin mjög af heimsfaraldri kórónuveiru en ráðuneytið gegndi leiðandi hlutverki við mótun aðgerða til að bregðast við efnahagslegum afleiðingum faraldursins fyrir einstaklinga og rekstraraðila og undirbúning viðspyrnu í kjölfar hans.