Efnisorð
Tegund

Leita eftir efnisorðum

Sýnir 1901–1950 af 4412
Raða eftir:
21. jan. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Frumvarp um framlengingu lokunarstyrkja samþykkt í ríkisstjórn

Ríkisstjórnin samþykkti í dag að leggja fyrir Alþingi frumvarp til laga um breytingu á lögum um fjárstuðning til minni rekstraraðila. Frumvarpið felur í sér framlengingu lokunarstyrkja til þeirra sem hafa tímabundið þurft að loka starfsemi sinni vegna sóttvarnaráðstafana og orðið af verulegum tekjum vegna þess. Lagt er til að úrræðið verði í öllum meginatriðum sambærilegt og gilt hefur um fyrri lokunartímabil í faraldrinum.

20. jan. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19

Mælt fyrir frumvarpi um veitingastyrki á Alþingi

Mælt var fyrir frumvarpi fjármála- og efnahagsráðherra um styrki til rekstraraðila veitingastaða sem hafa sætt takmörkunum á opnunartíma vegna Covid-19 á Alþingi í dag. Í frumvarpinu er gert ráð fyrir að einstakir rekstraraðilar geti fengið að hámarki um 10-12 milljóna styrk á fjögurra mánaða tímabili.

10. jan. 2022Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Fréttaannáll fjármála- og efnahagsráðuneytisins 2021

Fjölmörg mál komu til kasta fjármála- og efnahagsráðuneytisins á nýliðnu ári og líkt og árið á undan voru verkefni sem tengdust heimsfaraldri kórónuveiru fyrirferðarmikil. Ráðuneytið gegndi sem fyrr leiðandi hlutverki við mótun aðgerða til að bregðast við efnahagslegum afleiðingum Covid-19 fyrir einstaklinga og rekstraraðila.

06. jan. 2022Fjármála- og efnahagsráðuneytið, Rekstur og eignir ríkisins, Loftslagsmál, Efnahagsmál og opinber fjármál

Mikill árangur af aðgerðum stjórnvalda vegna orkuskipta

Orkuskipti fólksbílaflotans ganga vel. Ísland er meðal fremstu þjóða á heimsvísu í rafbílavæðingu, en stjórnvöld hafa m.a. stutt við kaup á vistvænum bílum með ívilnunum í virðisaukaskatti (VSK). Í fólksbílaflota landsmanna eru hreinorkubílar (rafmagns- og vetnisbílar) og tengiltvinnbílar í umferð nú 11% - þar af 6,5% tengiltvinnbílar og 4,5% rafmagnsbílar.

22. des. 2021Fjármála- og efnahagsráðuneytið, Almannatryggingar og lífeyrir

Tillögur Félags íslenskra tryggingastærðfræðinga um breytingar á forsendum reiknigrunns um lífslíkur staðfestar

Í 14. gr. reglugerðar um skyldutryggingu lífeyrisréttinda og starfsemi lífeyrissjóða, nr. 391/1998, er kveðið á um að við mat á dánar- og lífslíkum skuli nota nýjustu dánar- og eftirlifendatöflur, sem útgefnar eru af ráðherra að fengnum tillögum Félags íslenskra tryggingastærðfræðinga.

15. nóv. 2021Fjármála- og efnahagsráðuneytið, Efnahagsmál og opinber fjármál

Álagning opinberra gjalda á lögaðila vegna rekstrarársins 2020

Ríkisskattstjóri hefur nú lokið álagningu opinberra gjalda á lögaðila vegna rekstrarársins 2020. Álögð gjöld nema samtals 180,3 ma.kr. og lækka um 9,5 ma.kr. á milli ára, en breytingar einstakra skatta eru bæði til hækkunar og lækkunar. Rétt er að hafa í huga að hér er um að ræða svokallað frumálagningu sem getur tekið breytingum síðar.

04. nóv. 2021Fjármála- og efnahagsráðuneytið, Rekstur og eignir ríkisins

Ísland verður þátttakandi í samvinnuverkefni um grænni ríkisrekstur

Ísland er meðal 39 þjóða sem munu eiga með sér samstarf um grænni ríkisrekstur í gegnum vettvanginn “Greening Government Initiative”. Þetta var tilkynnt á loftslagsráðstefnu Sameinuðu þjóðanna COP26 í Glasgow í dag. Þátttakan felst í að deila árangursríkum aðferðum og leiðum til að gera ríkisrekstur umhverfisvænni.

28. okt. 2021Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Mannauðsmál ríkisins

Áskorun stofnana að veita sífellt betri og skilvirkari þjónustu

Áskorun ríkisstofnana felst í því hvernig sífellt er hægt að veita betri og skilvirkari þjónustu og hafa stjórnendur stofnana sýnt mikinn styrk og dug við að halda dampi undanfarin misseri, meðan á heimsfaraldri kórónuveiru hefur staðið. Þetta kom fram í máli Bjarna Benediktssonar, fjármála- og efnahagsráðherra, á árlegum degi stjórnenda stofnana þar sem yfirskriftin var “Stjórnendur sem frumkvöðlar umbóta”.

19. okt. 2021Fjármála- og efnahagsráðuneytið, Efnahagsmál og opinber fjármál

Ísland í efsta sæti alþjóðlegrar lífeyrisvísitölu

Íslenska lífeyriskerfið er í fyrsta sæti samkvæmt alþjóðlegri lífeyrisvístölu Mercer - CFA Institute. Lífeyrisvísitalan er gefin út árlega og byggist á heildareinkunn út frá ýmsum þáttum lífeyriskerfsins. Þetta er í fyrsta sinn sem Ísland tekur þátt í mælingunni, en alls tóku 43 lönd í öllum heimsálfum þátt í samanburðinum. Fast á hæla Íslands voru lífeyriskerfi Hollands og Danmerkur.