Efnisorð
Tegund

Leita eftir efnisorðum

Sýnir 2351–2400 af 2728
Raða eftir:
06. apr. 2019Utanríkisráðuneytið, Annað, Úganda, Malaví, Þróunarsamvinna

Starfshópur skilar skýrslu um mannréttindamiðaða þróunarsamvinnu

Öll verkefni og aðgerðir í tvíhliða þróunarsamvinnu eiga að vera í samræmi við meginreglur mannréttinda og byggja á vönduðum greiningum á stöðu mannréttinda, áhrifum inngripa og öðrum viðeigandi þáttum, segir í nýrri skýrslu utanríkisráðuneytisins um mannréttindamiðaða nálgun í tvíhliða þróunarstarfi. Starfshópurinn sem vann skýrsluna leggur til að mótuð verði heildræn stefnumið um mannréttindamiðaða þróunarsamvinnu og áréttar að mannréttindi verði lögð til grundvallar í þróunarsamvinnu með þátttöku íslensks atvinnulífs.

04. apr. 2019Utanríkisráðuneytið, Öryggis- og varnarmál, Utanríkismál, Fastanefnd Íslands hjá NATO, Sendiskrifstofa

Utanríkisráðherra sótti 70 ára afmælisfund Atlantshafsbandalagsins

Utanríkisráðherrar aðildarríkja Atlantshafsbandalagsins komu saman til fundar í Washington í tilefni af 70 ára afmæli bandalagsins, en hinn 4. apríl 1949 var stofnsáttmáli Atlantshafsbandalagsins undirritaður af tólf stofnríkjum, þ.m.t. Íslandi. Guðlaugur Þór Þórðarson utanríkisráðherra sótti fundinn.

27. mar. 2019Utanríkisráðuneytið, Utanríkismál, Mannréttindi, Mannréttindi og jafnrétti

Óháð félagasamtök lýsa yfir ánægju með framgöngu Íslands

Fertugustu fundarlotu mannréttindaráðs Sameinuðu þjóðanna í Genf lauk sl. föstudag. Þetta var í annað sinn sem Ísland tók þátt sem aðildarríki ráðsins eftir að hafa verið kosið í ráðið í sérstökum aukakosningum í New York 13. júlí á síðasta ári. Mannréttindaráðið afgreiddi 29 ályktanir á fimmtudag og föstudag. Óháð félagssamtök sem starfa náið með mannréttindaráðinu hafa lýst yfir ánægju með framgöngu Íslands,

26. mar. 2019Umhverfi og náttúruvernd, Utanríkismál, Alþjóðasamningar, Náttúruvernd, Skipulagsmál, Utanríkisráðuneytið, Félags- og húsnæðismálaráðuneytið

Ríkisstjórnin samþykkir að Ísland fullgildi Landslagssamning Evrópu

Ríkisstjórnin samþykkti á fundi sínum síðastliðinn föstudag að Ísland fullgildi Landslagssamning Evrópu. Samningnum er ætlað að stuðla að verndun, stýringu og skipulagi landslags ásamt því að koma á fót evrópsku samstarfi um landslag.

25. mar. 2019Utanríkisráðuneytið, Mannréttindi og jafnrétti

Utanríkisráðuneytið hlýtur jafnlaunavottun

Utanríkisráðuneytið hefur hlotið jafnlaunavottun frá Vottun hf. sem er staðfesting þess að jafnlaunakerfi ráðuneytisins samræmist kröfum jafnlaunastaðals. Guðlaugur Þór Þórðarsson utanríkisráðherra og Sturla Sigurjónsson ráðuneytisstjóri veittu í dag viðtöku skírteini þessu til staðfestingar ásamt þeim Önnu Ósk Kolbeinsdóttur mannauðs- og launafulltrúa og Berglindi Bragadóttur stjórnarráðsfulltrúa.

22. mar. 2019Utanríkisráðuneytið, Auðlindir, Utanríkismál, Alþjóðasamningar, Evrópusamvinna, Orka, Umhverfis-٫ orku- og loftslagsráðuneytið

Ríkisstjórnin samþykkir að leggja þriðja orkupakkann fyrir Alþingi

Ríkisstjórnin samþykkti á fundi sínum í morgun tillögu utanríkisráðherra um að leggja fyrir Alþingi þingsályktunartillögu um staðfestingu ákvörðunar sameiginlegu EES-nefndarinnar nr. 93/2017 um breytingu á IV. viðauka (orka) við EES-samninginn. Með þingsályktunartillögunni heimilar Alþingi að aflétta stjórnskipulegum fyrirvara við ákvörðun sameiginlegu EES-nefndarinnar um upptöku svonefnds þriðja orkupakkans í EES-samninginn. Tillagan inniheldur fyrirvara um að áður en grunnvirki verði reist sem gera mögulegt að flytja raforku milli Íslands og orkumarkaðar Evrópusambandsins verði lagagrundvöllur gerðanna endurskoðaður og komi ákvæði hennar sem varða tengingar yfir landamæri ekki til framkvæmda fyrr en að þeirri endurskoðun lokinni.

22. mar. 2019Utanríkisráðuneytið, Alþjóðasamningar, Evrópusamvinna, Orka, Utanríkismál, Umhverfis-٫ orku- og loftslagsráðuneytið

Sameiginlegur skilningur um gildi þriðja orkupakkans gagnvart Íslandi

Guðlaugur Þórðarson ráðherra og Miguel Arias Canete framkvæmdastjóri orkumála í framkvæmdastjórn Evrópusambandsins ræddu hinn 20. mars 2019 þriðja orkupakka ESB, með hliðsjón af einstökum aðstæðum á Íslandi að því er varðar endurnýjanlega orku og orkumarkaði.

22. mar. 2019Utanríkisráðuneytið, Annað, Malaví, Mósambík, Þróunarsamvinna, Úganda, UNICEF, Afríka

Íslensk þróunarsamvinna: Vatnsból fyrir hálfa milljón íbúa

Íslensk stjórnvöld hafa í alþjóðlegri þróunarsamvinnu komið upp vatnsbólum fyrir hálfa milljón íbúa í Afríkuríkjum. „Vatn er undirstaða alls lífs og ekkert bætir líf fátæks fólks meira en greiður aðgangur að hreinu vatni. Við leggjum kapp á að koma upp vatnspóstum í grennd við heimili íbúa í samstarfshéruðum okkar því við vitum að hreint vatn bætir stórkostlega heilsu íbúanna og dregur úr óþarfa tímaeyðslu við vatnsburð,“ segir Guðlaugur Þór Þórðarson utanríkisráðherra í tilefni af alþjóðlegum degi vatnsins í dag, 22. mars.

18. mar. 2019Utanríkisráðuneytið, Brexit

Viðræðum er lokið um fríverslunarsamning við Bretland til bráðabirgða

Ísland, Noregur og Bretland hafa lokið samningaviðræðum um bráðabirgðafríverslunarsamning vegna vöruviðskipta ef Bretland gengur úr ESB án útgöngusamnings. Með samningnum halda núverandi tollkjör í grundvallaratriðum áfram að gilda fyrir inn- og útflutning vara til og frá Bretlandi. Bretland er afar mikilvægur útflutningsmarkaður íslenskra fyrirtækja en samningurinn mun tryggja áframhaldandi útflutning um 55.000 tonna af sjávarafurðum til Bretlands að minnsta kosti á sömu tollkjörum og gilda í dag.

13. mar. 2019Utanríkisráðuneytið, Evrópusamvinna

Nýr opinn EES-gagnagrunnur kynntur á morgunfundi með ASÍ og SA

Utanríkisráðuneytið, Samtök atvinnulífsins og Alþýðusamband Íslands stóðu í morgun fyrir fundi um stöðu EES-samningsins, ávinning og áskoranir honum tengdar. Á fundinum var einnig kynntur nýr opinn EES-gagnagrunnur þar sem EES-gerðir eru aðgengilegar á einum stað. Í ár eru 25 ár síðan samningurinn tók gildi og gagnagrunnurinn mikilvægt skref í átt að auknu gagnsæi.

05. mar. 2019Utanríkisráðuneytið, Alþjóðamál, Norrænt samstarf, Öryggis- og varnarmál, Utanríkismál

Utanríkisráðherra tók á móti skýrslu um norrænt utanríkismálasamstarf

Guðlaugur Þór Þórðarson utanríkisráðherra fékk í dag afhenta skýrslu norrænna alþjóðamálastofnana um framkvæmd tillagna Thorvalds Stoltenbergs um aukið samstarf Norðurlandanna í utanríkis- og öryggismálum. Skýrslan markar tíu ára afmæli Stoltenberg-tillagnanna svonefndu frá árinu 2009 um aukið samstarf Norðurlandanna á þessu sviði.

26. feb. 2019Utanríkisráðuneytið, Utanríkismál, Alþjóðamál, Mannréttindi, Mannréttindi og jafnrétti

Aukin framlög Íslands til bágstaddra í Jemen

Guðlaugur Þór Þórðarson utanríkisráðherra tilkynnti um 30 milljóna króna viðbótarframlag til mannúðaraðstoðar í Jemen á alþjóðaráðstefnu sem nú stendur yfir í Genf. Heildarframlög íslenskra stjórnvalda til Jemen nema þá um 85 milljónum króna það sem af er ári. Guðlaugur átti einnig fund með Michelle Bachelet, mannréttindastjóra Sameinuðu þjóðanna.

25. feb. 2019Utanríkisráðuneytið, Fastanefnd og sendiráð Íslands í Genf

Ráðherra gagnrýndi mannréttindabrjóta í mannréttindaráði

Guðlaugur Þór Þórðarson utanríkisráðherra lýsti yfir áhyggjum af vaxandi gyðinga- og múslimahatri, gagnrýndi stjórnvöld í Tyrklandi og Sádi Arabíu fyrir bága stöðu mannréttinda og frelsis og lagði sérstaka áherslu á réttindi hinsegin fólks í ræðu Íslands í mannréttindaráði Sameinuðu þjóðanna í dag. Guðlaugur Þór átti einnig fundi með framkvæmdastjóra Alþjóðaheilbrigðisstofnunarinnar og utanríkisráðherra Írlands. ​

22. feb. 2019Utanríkisráðuneytið, Utanríkisviðskipti, Utanríkismál

Utanríkisráðherra skipar í útflutnings- og markaðsráð

Utanríkisráðherra hefur skipað 31 fulltrúa til setu í útflutnings- og markaðsráði til næstu fjögurra ára. Tíu þeirra eru án tilnefningar en 21 samkvæmt tilnefningum sjávarútvegs- og landbúnaðarráðherra, ferðamála-, iðnaðar- og nýsköpunarráðherra, mennta- og menningarmálaráðherra, Samtaka atvinnulífsins, Sambands íslenskra sveitarfélaga og samstarfshóps Markaðsstofu landshlutanna.

22. feb. 2019Utanríkisráðuneytið, Mannréttindi og jafnrétti, Alþjóðasamningar, Mannréttindi, Dómsmálaráðuneytið

Ísland fullgildir bókun við samning um bann við pyntingum

Ísland hefur fullgilt valfrjálsa bókun við samning Sameinuðu þjóðanna gegn pyntingum, og annarri grimmilegri, ómannlegri eða vanvirðandi refsingu (OPCAT). Framkvæmdastjóri Sameinuðu þjóðanna fékk fullgildingarskjalið afhent í vikunni og í gær var því svo lýst yfir að fullgildingu af hálfu Íslands væri lokið.

21. feb. 2019Utanríkisráðuneytið, Fjölþjóðastofnanir, Sameinuðu þjóðirnar, Þróunarsamvinna, Annað

Íslendingar í lið með FAO gegn ólöglegum fiskveiðum

„Samstarfið lagar sig einkar vel að pólitískri stefnu Íslands í alþjóðamálum með ríkum áherslum á málefni hafsins. Það gefur okkur tækifæri til að nýta íslenska þekkingu í stórum alþjóðlegum verkefnum. Og bæði íslensk fyrirtæki og íslenskir sérfræðingar fá tækifæri til að leggja sitt af mörkum,“ segir Guðlaugur Þór Þórðarson utanríkisráðherra um nýjan samstarfssamning ráðuneytisins við Matvæla- og landbúnaðarstofnun Sameinuðu þjóðanna, FAO.

18. feb. 2019Utanríkisráðuneytið, Flóttafólk, Utanríkismál

Stuðningur aukinn við flóttafólk frá Venesúela

Guðlaugur Þór Þórðarson utanríkisráðherra hefur ákveðið að verja þrjátíu milljónum króna til aðstoðar við flóttafólk frá Venesúela með stuðningi við starfsemi Flóttamannastofnunar Sameinuðu þjóðanna. Fyrr í dag ræddi Guðlaugur við Juan Guaidó, forseta þjóðþings Venesúela en íslensk stjórnvöld hafa lýst yfir stuðningi við hann sem forseta landsins til bráðabirgða.

15. feb. 2019Utanríkisráðuneytið, Utanríkismál, Loftslagsmál, Norðurslóðir, Öryggis- og varnarmál, Utanríkisviðskipti, Forsætisráðuneytið

Pompeo fundaði með utanríkisráðherra og forsætisráðherra

Viðskipti, málefni norðurslóða og öryggis- og varnarmál voru meðal umræðuefna á hádegisverðarfundi Guðlaugs Þórs Þórðarsonar utanríkisráðherra og Michael Pompeo, utanríkisráðherra Bandaríkjanna, sem haldinn var í Hörpu í dag, en Pompeo var staddur hér á landi í vinnuheimsókn í boði Guðlaugs Þórs. Katrín Jakobsdóttir, forsætisráðherra, tók einnig á móti Pompeo í Ráðherrabústaðnum í kurteisisheimsókn þar sem ráðherrarnir ræddu meðal annars loftslagsbreytingar, kjarnorkuafvopnun og norðurskautsmál auk þess sem þau ræddu tvíhliða samskipti landanna.

08. feb. 2019Utanríkisráðuneytið, Annað, Föstudagspóstur

Föstudagspósturinn 2. ágúst 2019

Heil og sæl. Sumarleyfistíminn stendur nú sem hæst og því hefur oft verið meira að frétta úr okkar ástkæru utanríkisþjónustu en akkúrat núna. Þó má tína sitthvað til og hnoða úr því ofurlítinn föstudagspóst. Í gær tóku gildi flutningar á forstöðumönnum sendiskrifstofa í utanríkisþjónustunni. Með breytingunum eru konur nú í meirihluta forstöðumanna í tvíhliða sendiráðum Íslands í fyrsta sinn.

04. feb. 2019Utanríkisráðuneytið, Brexit

Tveir samningar vegna Brexit undirritaðir í London í dag

Íslensk og bresk stjórnvöld undirrituðu í dag tvo mikilvæga samninga sem tryggja annars vegar áframhaldandi réttindi borgara til búsetu og hins vegar óbreytt tollkjör vegna vöruviðskipta jafnvel þótt Bretland gangi úr Evrópusambandinu (ESB) án útgöngusamnings. Enn ríkir óvissa um hvort Bretland gangi úr ESB án samnings en það gæti gerst 12. apríl nk. Noregur á aðild að báðum samningunum og Liechtenstein er einnig aðili að samningnum um búseturéttindi.

29. jan. 2019Utanríkisráðuneytið, Heilbrigðismál, Heimsmarkmiðin, Mannréttindi, Menntun fyrir alla, Þróunarsamvinna, Utanríkismál

Utanríkisráðherra kynnir sér árangur þróunarsamvinnu í Malaví

Þróunarsamvinna, mannréttindamál og efnahagsmál á breiðum grunni voru efst á baugi á fundum Guðlaugs Þórs Þórðarsonar utanríkisráðherra með embættismönnum í Malaví í dag. Guðlaugur Þór heimsækir landið til að kynna sér árangurinn af þriggja áratuga langri þróunarsamvinnu og tekur þátt í opnun nýrrar fæðingarálmu héraðssjúkrahússins í Manochi.

18. jan. 2019Innviðaráðuneytið, Utanríkismál, Alþjóðamál, Flug og flugvellir, Embassy of Iceland in Tokyo, Samgöngur og fjarskipti, Alþjóðasamningar, Utanríkisráðuneytið, Sendiráð Íslands í Tókýó, Sendiskrifstofa, Heimasendiherrar

Samkomulag við japönsk yfirvöld greiðir fyrir beinum flugsamgöngum

Á fundi sendinefndar utanríkis- og samgönguráðuneytis við japönsk samgönguyfirvöld náðist samkomulag sem greiðir fyrir beinu áætlunar- og leiguflugi milli Íslands og Japans.

15. jan. 2019Utanríkisráðuneytið, Annað, Hjálparstarf, Fjölþjóðastofnanir

Tæpar 120 milljónir króna til að bólusetja börn í Malaví

Hundruð þúsunda barna í Malaví verða bólusett gegn öllum helstu banvænum sjúkdómum eftir að íslensk stjórnvöld ákváðu að styrkja GAVI samtökin, alþjóðasamtök um bólusetningar barna, um tæpar 120 milljónir króna eða um eina milljón Bandaríkjadala, til að herða á bólusetningum malavískra barna. Framlagið verður nýtt á næstu þremur árum, að því er segir í sameiginlegri fréttatilkynningu frá GAVI og utanríkisráðuneytinu.

14. jan. 2019Utanríkisráðuneytið, Norðurslóðir, Norrænt samstarf, Öryggis- og varnarmál, Utanríkismál

Norðurslóðir í brennidepli á fundi utanríkisráðherra Íslands og Finnlands

Tvíhliða samskipti Íslands og Finnlands, málefni norðurslóða, Norðurlandasamstarfið, Evrópumál og öryggis- og varnarmál voru á meðal umræðuefna á fundi Guðlaugs Þórs Þórðarsonar utanríkisráðherra og Timo Soini, utanríkisráðherra Finnlands, á fundi þeirra fyrr í dag sem fram fór á Síldarminjasafninu á Siglufirði. Soini, sem er staddur hér á landi í vinnuheimsókn, kynnti sér jafnframt atvinnulíf og starfsemi fyrirtækja á Tröllaskaga.