Efnisorð
Tegund

Leita eftir efnisorðum

Sýnir 251–300 af 13001
Raða eftir:
24. jún. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 287/2026-Úrskurður

Meðlag. Staðfest ákvörðun Tryggingastofnunar ríkisins um að hafa milligöngu um meðlagsgreiðslur til barnsföður kæranda. Tryggingastofnun ber lögbundna skyldu til að hafa milligöngu um meðlagsgreiðslur sé þess farið á leit við stofnunina í þeim tilvikum þar sem lögformleg meðlagsákvörðun liggur fyrir, sbr. 1. mgr. 42. gr. laga nr. 100/2007 um almannatryggingar

24. jún. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 434/2026-Beiðni um frestun réttaráhrifa

Frestun réttaráhrifa. Beiðni kæranda um að fresta réttaráhrifum ákvörðunar Tryggingastofnunar ríkisins um endurreikning og uppgjör tekjutengdra bóta vegna ársins 2025 og innheimtu ofgreiddra bóta er synjað. Ekki verður ráðið af gögnum málsins að mánaðarleg innheimta muni valda kæranda óafturkræfu tjóni eða tjóni sem erfitt yrði að bæta verði ákvörðunin síðar felld úr gildi.

23. jún. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt hjúkrunarheimili með 90 rýmum verður opnað við Keilisbraut í Reykjanesbæ

Nýtt og glæsilegt hjúkrunarheimili fyrir 90 íbúa mun opna við Keilisbraut í Reykjanesbæ. Ráðist verður í gagngerar breytingar og endurbætur á húsnæði við Keilisbraut 753 og 754 og er undirbúningur framkvæmda þegar hafinn. Áætlað er að nýja hjúkrunarheimilið verði tekið í notkun vorið 2028. Heimilið verður ríflega 6.500 fermetrar og öll herbergin einbýli með baðherbergjum. Fyrir skemmstu var annað hjúkrunarheimili opnað í Reykjanesbæ og stendur það við Nesvelli. Þegar bæði hjúkrunarheimilin verða komin í gagnið mun hjúkrunarrýmum á Suðurnesjum hafa fjölgað um tæp 80% frá því í janúar sl.

23. jún. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt hjúkrunarheimili með 90 rýmum verður opnað við Keilisbraut í Reykjanesbæ

Nýtt og glæsilegt hjúkrunarheimili fyrir 90 íbúa mun opna við Keilisbraut í Reykjanesbæ. Ráðist verður í gagngerar breytingar og endurbætur á húsnæði við Keilisbraut 753 og 754 og er undirbúningur framkvæmda þegar hafinn. Áætlað er að nýja hjúkrunarheimilið verði tekið í notkun vorið 2028. Heimilið verður ríflega 6.500 fermetrar og öll herbergin einbýli með baðherbergjum. Fyrir skemmstu var annað hjúkrunarheimili opnað í Reykjanesbæ og stendur það við Nesvelli. Þegar bæði hjúkrunarheimilin verða komin í gagnið mun hjúkrunarrýmum á Suðurnesjum hafa fjölgað um tæp 80% frá því í janúar sl.

20. jún. 2026Félags- og húsnæðismálaráðuneytið, Fatlað fólk

Ný lög samþykkt um réttindavernd fatlaðs fólks

Alþingi samþykkti í gær ný heildarlög um réttindavernd fatlaðs fólks. Lögin leysa af hólmi lög um réttindagæslu fyrir fatlað fólk. Meginmarkmið nýju laganna er að tryggja fötluðu fólki viðeigandi stuðning við vernd hvers konar réttinda og stuðla að bættu jafnrétti og aðgengi í þjónustu við fatlað fólk. Jafnframt er áhersla lögð á að tryggja að sjálfsákvörðunarréttur fatlaðs fólks sé virtur og fyllsta réttaröryggis gætt þegar brýna nauðsyn ber til að grípa inn í líf þess. „Lögin marka mikilvægt framfararskref í því að tryggja fötluðu fólki jafnræði og auka þátttöku þess og inngildingu í samfélaginu.…

19. jún. 2026Félags- og húsnæðismálaráðuneytið, Dómsmálaráðuneytið

Alþingi samþykkti lög um framkvæmd öryggisráðstafana: „Hópur sem við höfum hingað til ekki náð utan um“

Alþingi samþykkti nú rétt í þessu frumvarp Ragnars Þórs Ingólfssonar, félags- og húsnæðismálaráðherra, um framkvæmd öryggisráðstafana samkvæmt dómsúrlausn. Nýrri stofnun verður komið á fót með öryggisgæslustað fyrir allt að 16 einstaklinga sem þurfa sérhæfða þjónustu og er gert að sæta öryggisgæslu en ekki er talið viðeigandi að vista í fangelsi. Ekkert slíkt sérhæft úrræði er til í dag. Þá er heildstæð lagaumgjörð nú í fyrsta sinn til staðar um framkvæmd öryggisráðstafana samkvæmt dómsúrlausn. Alþingi samþykkti einnig í dag frumvarp Þorbjargar S. Gunnlaugsdóttur, dómsmálaráðherra, um breytingar á almennum hegningarlögum sem skýrir lagaheimildir til öryggisráðstafana gagnvart einstaklingum sem metnir eru sérstaklega hættulegir umhverfi sínu.

18. jún. 2026Félags- og húsnæðismálaráðuneytið, Húsnæðis- og mannvirkjamál

Alþingi samþykkir að hækka stofnframlög ríkisins til að byggja hagkvæmar leiguíbúðir

Alþingi samþykkti nú rétt í þessu frumvarp Ragnars Þórs Ingólfssonar, félags- og húsnæðismálaráðherra, um hækkun á stofnframlögum ríkisins. Lögin eru hluti af aðgerðum ríkisstjórnarinnar í húsnæðismálum og markmið breytinganna var að bregðast við mikilli eftirspurn eftir leiguíbúðum á viðráðanlegu verði. „Lögunum er ætlað að styðja sérstaklega við uppbyggingu á hagkvæmu húsnæði fyrir hópa sem standa höllum fæti á húsnæðismarkaði. Með lögunum er stigið nauðsynlegt og mikilvægt skref til að styrkja almenna íbúðakerfið á tímum þar sem fjármögnunarumhverfið er krefjandi en þörfin fyrir öruggt og viðráðanlegt leiguhúsnæði er óumdeilanleg,“ segir Ragnar Þór.

15. jún. 2026Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 58/2026-Úrskurður

Biðtími. Felld úr gildi ákvörðun Vinnumálastofnunar um að fella niður rétt kæranda til atvinnuleysisbóta í tvo mánuði vegna starfsloka. Vinnumálastofnun bar að taka afstöðu til þess hvort biðtími ætti að falla niður vegna annars starfs sem kærandi hafði unnið. Málinu vísað til nýrrar meðferðar stofnunarinnar.

15. jún. 2026Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 775/2025-Úrskurður

Viðurlög. Ítrekunaráhrif. Staðfest ákvörðun Vinnumálastofnunar um að fella niður rétt kæranda til atvinnuleysisbóta í þrjá mánuði þar sem hann mætti ekki á boðaðan fund hjá stofnuninni. Einnig staðfest ákvörðun stofnunarinnar um að setja greiðslur atvinnuleysisbóta til kæranda á bið þar sem hann hafði ekki áunnið sér rétt til nýs bótatímabils.

15. jún. 2026Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 143/2026-Úrskurður

Viðurlög. Ítrekunaráhrif. Ofgreiddar bætur. Ótekinn biðtími. Staðfest ákvörðun Vinnumálastofnunar um að fella niður rétt kæranda til atvinnuleysisbóta í þrjá mánuði og innheimta ofgreiddar bætur vegna ótilkynntra tekna. Þá var ákvörðun Vinnumálastofnunar um að setja greiðslur atvinnuleysisbóta til kæranda á bið einnig staðfest. Kærandi hafði ekki áunnið sér rétt til nýs bótatímabils. Hluta vísað frá þar sem kærufrestur var liðinn.