Efnisorð
Tegund

Leita eftir efnisorðum

Sýnir 301–350 af 1917
Raða eftir:
11. apr. 2025Menntamál, Mennta- og barnamálaráðuneytið, Hagsýn í rekstri

Framsækið þróunarverkefni um nýtingu gervigreindar í íslensku menntakerfi

Gervigreind tveggja leiðandi fyrirtækja á heimsvísu verður notuð í þróunarverkefni sem kanna mun nýtingu og gagnsemi hennar í íslensku skólastarfi undir leiðsögn íslenskra kennara. Verkefnið er nú að hefjast og er markmið þess að styðja við kennara, ráðgjafa og skólastjórnendur í notkun gervigreindar við kennslu.

07. apr. 2025Menntamál, Menntastefna, Mennta- og barnamálaráðuneytið

Næstu aðgerðir í innleiðingu menntastefnu

Mennta- og barnamálaráðuneytið hefur birt aðra aðgerðaáætlun menntastefnu fyrir árin 2025–2027. Aðgerðaáætlunin markar annan áfanga af þremur í innleiðingu menntastefnu stjórnvalda til ársins 2030 og tekur mið af áherslum nýrrar ríkisstjórnar. Aðgerðunum er ætlað að bregðast við stöðunni í menntakerfinu meðal annars út frá niðurstöðum PISA, skýrslum OECD, Norrænu QUINT-rannsókninni, íslensku æskulýðsrannsókninni og annarra nýlegra rannsókna.

07. apr. 2025Alþjóðamál, Barnaréttur, Mennta- og barnamálaráðuneytið

Barnvænt Ísland – innleiðing barnasáttmála Sameinuðu þjóðanna

Barnvænt Ísland er stefna um framkvæmd barnasáttmála Sameinuðu þjóðanna fyrir árin 2021–2024. Megintilgangur stefnunnar var að innleiða samning Sameinuðu þjóðanna um réttindi barnsins, þannig að mannréttindi barna yrðu efld og innleidd með markvissum hætti. Mennta- og barnamálaráðuneytið hefur nú birt greinargerð um innleiðinguna og stöðu aðgerða.

31. mar. 2025Mennta- og barnamálaráðuneytið

Samtal leiðtoga á sviði menntamála á ISTP 2025

Alþjóðlegur fundur menntamálaráðherra og formanna kennarasamtaka um málefni kennara, ISTP 2025, er nú afstaðinn. Leiðtogar á sviði menntamála víða að úr heiminum funduðu í þrjá daga í Hörpu í síðustu viku til að ræða menntaumbætur. Að umræðum loknum lögðu þátttökuríki fram skuldbindingar sínar til menntaumbóta fram að næsta fundi, sem haldinn verður í Eistlandi árið 2026.

31. mar. 2025Mennta- og barnamálaráðuneytið, Heilbrigðisráðuneytið, Innviðaráðuneytið, Dómsmálaráðuneytið

Staða aðgerða gegn ofbeldi meðal barna

Aðgerðahópur vegna ofbeldis meðal barna og gegn börnum hefur nú skilað fyrstu stöðuskýrslu um innleiðingu aðgerða. Aðgerðunum er ætlað að sporna við þróun í átt að auknu ofbeldi, auka forvarnarstarf og leiða saman fjölbreytta þjónustu- og viðbragðsaðila í samstilltu átaki gegn vaxandi ofbeldi meðal barna og ungmenna á Íslandi.

19. mar. 2025Fjármála- og efnahagsráðuneytið, Félags- og húsnæðismálaráðuneytið, Forsætisráðuneytið, Heilbrigðisráðuneytið, Mennta- og barnamálaráðuneytið

Samkomulag í höfn milli ríkis og sveitarfélaga um uppbyggingu hjúkrunarheimila og þjónustu við börn með fjölþættan vanda

Í dag var undirritað samkomulag ríkisins við Samband íslenskra sveitarfélaga; annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Breytingarnar eru liður í að einfalda verkaskiptingu milli ríkis og sveitarfélaga og styrkja fjárhag sveitarfélaga og taka gildi um mitt þetta ár.

19. mar. 2025Fjármála- og efnahagsráðuneytið, Félags- og húsnæðismálaráðuneytið, Forsætisráðuneytið, Heilbrigðisráðuneytið, Mennta- og barnamálaráðuneytið

Samkomulag í höfn milli ríkis og sveitarfélaga um uppbyggingu hjúkrunarheimila og þjónustu við börn með fjölþættan vanda

Í dag var undirritað samkomulag ríkisins við Samband íslenskra sveitarfélaga; annars vegar um breytta ábyrgðarskiptingu í málefnum barna með fjölþættan vanda og hins vegar um uppbyggingu hjúkrunarheimila. Breytingarnar eru liður í að einfalda verkaskiptingu milli ríkis og sveitarfélaga og styrkja fjárhag sveitarfélaga og taka gildi um mitt þetta ár.

18. mar. 2025Forsætisráðuneytið, Grindavík, Fjármála- og efnahagsráðuneytið, Innviðaráðuneytið, Félags- og húsnæðismálaráðuneytið, Atvinnuvegaráðuneytið, Mennta- og barnamálaráðuneytið, Umhverfis-٫ orku- og loftslagsráðuneytið

Framhald stuðningsaðgerða við Grindvíkinga

Á fundi ríkisstjórnar í dag var tekin ákvörðun um framhald stuðningsaðgerða við Grindvíkinga og atvinnurekendur í bænum. Gerðar verða breytingar sem miða að því að færa stuðning úr formi sértækra neyðarúrræða og í almennari farveg. Einstaklingar og fjölskyldur í sérstaklega viðkvæmri stöðu munu áfram njóta nauðsynlegs stuðnings.

10. mar. 2025Menntamál, Menntastefna, Mennta- og barnamálaráðuneytið

Nýtt lotunám fyrir innflytjendur strax við komu

Nýtt lotunám er hafið við fjölbrautarskólann í Ármúla fyrir innflytjendur sem eru nýkomnir til landsins. Megináherslan er á íslensku og fræðslu um íslenskt samfélag. „Með þessu viljum við hefja strax undirbúning fyrir inngöngu í íslenska skólakerfið sem getur reynst krefjandi á þessum aldri,“ segir Guðmundur Ingi Kristinsson, mennta- og barnamálaráðherra.

20. feb. 2025Félags- og húsnæðismálaráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Dómsmálaráðuneytið

Tryggjum úrræði fyrir börn

Ráðherranefnd um málefni barna fundaði í gær um alvarlega stöðu mála vegna neyðarvistunar og úrræða fyrir börn með fjölþættan vanda. Nefndin er einhuga um að leita lausna sem fyrst á þeim bráðavanda sem uppi er og að hefja skuli vinnu við að tryggja úrræði fyrir börn með fjölþættan vanda.

13. feb. 2025Menntamál, Menntastefna, Mennta- og barnamálaráðuneytið

Frumvarp um Matsferil og ný samræmd próf lagt fyrir Alþingi

Ásthildur Lóa Þórsdóttir, mennta- og barnamálaráðherra, lagði fram frumvarp um nýtt námsmat, Matsferil, fyrir Alþingi í gær. Matsferli er m.a. ætlað að koma í stað gömlu samræmdu prófanna sem voru hætt að þjóna sínum tilgangi. Í þeirra stað verða ný samræmd próf í íslensku og stærðfræði lögð fyrir í öllum grunnskólum skólaárið 2025–2026.

12. feb. 2025Mennta- og barnamálaráðuneytið

Okkar fremsta afreksíþróttafólk komið á laun

Með nýjum launasjóði fær okkar fremsta afreksíþróttafólk í fyrsta sinn laun fyrir vinnu sína sem íþróttafólk. Launasjóðurinn er fjármagnaður af mennta- og barnamálaráðuneytinu og er hluti af tillögum starfshóps ráðuneytisins undir stjórn Vésteins Hafsteinssonar sem birtast í skýrslunni Áfram Ísland. Nýr launasjóður íþróttafólks var kynntur hjá ÍSÍ í gær ásamt nýjum launþegum.

09. jan. 2025Mennta- og barnamálaráðuneytið, Hagsýn í rekstri

Ríki og sveitarfélög sammælast um stafræna þróun og víðtæka nýtingu gagna í þágu barna

Mennta- og barnamálaráðuneytið og Samband íslenskra sveitarfélaga, fyrir hönd sveitarfélaga landsins, munu ráðast í víðtækt samstarf um uppbyggingu traustra gagnainnviða og stafræna þróun þvert á stjórnsýslustig. Tilgangurinn er að tryggja sameiginlega yfirsýn varðandi þróun og innleiðingu stafrænna lausna, uppbyggingu gagnainnviða, til öflunar og nýtingu gagna í þágu farsældar barna og aukinna gæða í skóla- og frístundastarfi. Guðmundur Ingi Kristinsson, mennta- og barnamálaráðherra, og Jón Björn Hákonarson, formaður Sambands íslenskra sveitarfélaga, undirrituðu nýverið samkomulag þess efnis.…

13. des. 2024Forsætisráðuneytið, Dómsmálaráðuneytið, Fjármála- og efnahagsráðuneytið, Heilbrigðisráðuneytið, Innviðaráðuneytið, Mennta- og barnamálaráðuneytið, Félags- og húsnæðismálaráðuneytið

Unnið að úrbótum úrræða og þjónustu vegna einstaklinga sem nauðsynlegt þykir að sæti sérstökum öryggisráðstöfunum

Minnisblað með fyrstu tillögum starfshóps sjö ráðuneyta um úrbætur á úrræðum og þjónustu vegna einstaklinga sem nauðsynlegt þykir að sæti sérstökum öryggisráðstöfunum var kynnt á fundi ríkisstjórnar í dag.

11. des. 2024Mennta- og barnamálaráðuneytið

Nýjar tölur um stöðu barna á Íslandi

Íslenska æskulýðsrannsóknin 2024, framkvæmd af Menntavísindastofnun Háskóla Íslands fyrir mennta- og barnamálaráðuneytið, sýnir vísbendingar um jákvæða þróun í líðan og velferð barna á Íslandi. Mælingarnar sýna meðal annars merki um breytingar til batnaðar á andlegri líðan barna og virka þátttöku í íþrótta- og tómstundastarfi, að þeim líður vel í skólanum og eiga sterkt vinanet. Á sama tíma vekja gögnin athygli á þeim áskorunum sem þarfnast frekari aðgerða, sérstaklega varðandi stafrænt öryggi, einelti meðal yngri barna og áhrif samfélagsmiðla.

06. des. 2024Mennta- og barnamálaráðuneytið

Styrkir í þágu farsældar barna - umsóknarfrestur framlengdur

Mennta- og barnamálaráðherra auglýsir eftir umsóknum um styrki frá íslenskum félagasamtökum til verkefna sem varða farsæld og samfélagslega virkni, þar á meðal menntun, frístundir, íþróttir, vernd og réttindi barna, í þjónustu við börn og fjölskyldur, m.a. forvarnir og fyrirbyggjandi aðgerðir og þjónustu er miðar sérstaklega að börnum í viðkvæmri stöðu og þ.m.t. börnum með fjölbreyttan tungumála- og menningarbakgrunn. Umsóknarfrestur hefur verið framlengdur til föstudagsins 21. júní 2024.

03. des. 2024Mennta- og barnamálaráðuneytið

Styrkir vegna barna á flótta á leikskóla- og framhaldsskólaaldri

Mennta- og barnamálaráðuneytið auglýsir eftir umsóknum um styrki til verkefna sem styðja við börn sem fengið hafa alþjóðlega vernd eða dvalarleyfi af mannúðarástæðum á aldrinum 0-6 ára og 16-18 ára. Úthlutunin er hluti af reynsluverkefni stjórnvalda til tveggja ára um að styrkja sveitarfélög við að þróa verkefni og efla stuðning við börn á flótta.

03. des. 2024Mennta- og barnamálaráðuneytið

Opnað fyrir umsóknir um styrk til sveitarfélaga vegna barna á flótta

Mennta- og barnamálaráðuneytið leggur fé til stuðnings sveitarfélaga þar sem börn á flótta eru búsett. Styrkurinn nær til allra barna á skólaskyldualdri sem fengið hafa alþjóðlega vernd eða dvalarleyfi af mannúðarástæðum frá 1. janúar 2022. Markmiðið með fjárstuðningnum er að styðja við móttöku barna sem hafa neyðst til þess að flýja heimaland sitt vegna átaka.