Efnisorð
Tegund

Leita eftir efnisorðum

Sýnir 351–400 af 1713
Raða eftir:
12. okt. 2024Menningar-٫ nýsköpunar- og háskólaráðuneytið

Styrkjum til einkarekinna, staðbundinna fjölmiðla utan höfuðborgarsvæðisins úthlutað

Menningar- og viðskiptaráðuneytið hefur úthlutað styrkjum til einkarekinna, staðbundinna fjölmiðla utan höfuðborgarsvæðisins. Markmið með styrkveitingunum er að efla starfsemi staðbundinna fjölmiðla á landsbyggðinni en þeir gegna mikilvægu hlutverki við að tryggja aðgengi almennings að upplýsingum um menningar- og samfélagsmál og styðja með þeim hætti við lýðræðisþátttöku og menningarstarf.

10. okt. 2024Menningar-٫ nýsköpunar- og háskólaráðuneytið

Vaxandi tengsl Íslands og Póllands

Tvíhliða samskipti og aukin samvinna Íslands og Póllands á sviði menningar- og viðskiptamála voru til umræðu á fundum Lilju Alfreðsdóttur menningar- og viðskiptaráðherra með Hönnu Wróblewsku ráðherra menningarmála og menningararfs í Póllandi og Krzysztof Paszyk ráðherra efnahagsþróunar og tækni. Fundirnir fór fram í Varsjá höfuðborg Póllands og var meðal annars tekin ákvörðun um að vinna að samkomulagi um aukin samskipti ríkjanna á sviði menningarmála sem formgert verður á komandi mánuðum. Ræddi ráðherra meðal annars um árangur Íslands í íslenskri máltækni en í Póllandi eru töluð um 30 tungumál sem þarlend stjórnvöld vilja vernda og styðja við.

09. okt. 2024Menningar-٫ nýsköpunar- og háskólaráðuneytið, Menningarmál, Fjárlög

Fjárlagafrumvarp 2025: Áfram stutt við menningu á umfangsmikinn hátt

Kröftuglega verður stutt við menningu og listir í landinu með umfangsmiklum hætti skv. frumvarpi til fjárlaga fyrir árið 2025. Samtals munu framlög til menningarmála og skapandi greina nema tæpum 26,7 milljörðum króna árið 2025. Undir málaflokkinn heyra söfn, menningarstofnanir og menningarsjóðir á vegum ríkisins á málefnasviði 18, endurgreiðslukerfi í kvikmyndum og tónlist og málefni hönnunar- og arkitektúrs á málefnasviði 7.

05. okt. 2024Menningar-٫ nýsköpunar- og háskólaráðuneytið

Aðgerðaáætlun í málefnum íslenskrar tungu samþykkt – Íslenska handa öllum

„Áætlunin er metnaðarfull og aðgengileg sem að okkar mati mun tryggja að aðgerðir skili sér af blaði á staði. Til dæmis er tilraunverkefni hluti af aðgerðaráætluninni þar sem tungumálið er lifandi og þarf því stöðugt að leita nýrra leiða til að þróast með því og tryggja símat við þá vinnu. Hvað er að virka, og hvað ekki? Dæmi um slíka vinnu er endurskipulagning á íslenskukennslu fyrir erlenda starfsmenn sem vinna með öldruðum, sjúkum eða fötluðu fólki á sjúkrastofnunum, dvalarheimilum og/eða í heimahúsum. Leggur áætlunin upp með að unnið verði tilraunaverkefni þar sem kennt verði á tveimur tungumálum og jafnframt verði þróaður jafningjastuðningur,“ segir Lilja Dögg Alfreðsdóttir, menningar- og viðskiptaáðherra.

01. okt. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Evrópusamvinna, Nýsköpun, Atvinnuvegir

Stóraukinn aðgangur að fjármögnun á betri kjörum til nýsköpunar og grænna lausna með InvestEU

Með InvestEU aukast tækifæri til að fjármagna eða sækja ábyrgð vegna stórra, samfélagslega mikilvægra verkefna á Íslandi, hvort sem þau eru á vegum opinberra aðila, sveitarfélaga eða einkaaðila. Sem dæmi má nefna fjármögnun verkefna á sviði orkuframleiðslu, orkuskipta og innleiðingar hringrásarhagkerfis og stuðning við nýsköpun í matvælaframleiðslu. Þar að auki styður áætlunin við önnur verkefni innan Samstarfsáætlunar ESB á sviði rannsókna og nýsköpunar og eykur aðild því möguleika á þátttöku í stórum alþjóðlegum verkefnum á sviði nýsköpunar, sjálfbærrar þróunar og stafrænna umbreytinga.

01. okt. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Evrópusamvinna, Nýsköpun, Atvinnuvegir

InvestEU: Kynningarfundur í beinu streymi

Áslaug Arna Sigurbjörnsdóttir, háskóla-, iðnaðar- og nýsköpunarráðherra, boðar til kynningarfundar í dag, miðvikudaginn 10. janúar kl. 9:30, þar sem InvestEU áætlunin og framkvæmd hennar verða kynnt. Fundinn sækja m.a. fulltrúar þeirra banka og sjóða sem taka þátt í verkefninu auk forsvarsmanna áætlunarinnar hjá framkvæmdastjórn Evrópusambandsins

29. sep. 2024Menningar-٫ nýsköpunar- og háskólaráðuneytið

Verðmæti skapandi greina - Málþing í Tjarnarbíói á fimmtudaginn

Lilja Dögg Alfreðsdóttir menningar- og viðskiptaráðherra boðar til málþings um framlag menningar og skapandi greina til verðmætasköpunar á Íslandi nk. fimmtudag kl. 15. í Tjarnarbíói. Kynntar verða niðurstöður skýrslu þess efnis auk þess sem áhugaverð erindi um skapandi greinar verða flutt og líflegar pallborðsumræður munu ýfa upp hugmynda- og heilahvelið. Fundarstjóri er leikkonan og leikstjórinn Tinna Hrafnsdóttir.

28. sep. 2024Menningar-٫ nýsköpunar- og háskólaráðuneytið

Tónlistarmiðstöð: Opið fyrir umsóknir úr Tónlistarsjóði og boðið upp á vinnustofu í vinnslu umsókna

Tónlistarmiðstöð, í samstarfi við Tónlistarborgina Reykjavík og Eddu Konráðsdóttur framkvæmdastjóra Iceland Innovation Week, býður upp á vinnustofu þar sem umsækjendur geta fengið ráðleggingar og aðstoð við skrif styrkumsókna. Vinnustofan fer fram í húsnæði Tónlistarmiðstöðvar, Austurstræti 5, 101 Reykjavík, þann 9. október. Skráningarform og frekari upplýsingar má finna hér.

25. sep. 2024Menningar-٫ nýsköpunar- og háskólaráðuneytið, Gervigreind

Íslensk máltækni kynnt á málþingi Open AI í tengslum við allsherjarþing Sameinuðu þjóðanna

Íslenska-nàlgunin var kynnt tæknisamfélaginu á málþingi Open AI sem haldin var í tilefni af Allsherjarþingi Sameinuðu þjóðanna í New York í gær. Inntak málþingsins var að setja áherslu á að leysa flókin samfélags vandamál með hjálp gervigreindar og stuðla þannig að Heimsmarkmiðum Sameinuðu þjóðanna.

19. sep. 2024Innviðaráðuneytið, Fjarskipti, Fjarskiptasjóður, Menningar-٫ nýsköpunar- og háskólaráðuneytið

Ljósleiðaravæðing landsins undirrituð

Háskóla-, iðnaðar- og nýsköpunarráðherra og innviðaráðherra staðfestu í dag samninga fjarskiptasjóðs við 25 sveitarfélög um að ljúka ljósleiðaravæðingu landsins fyrir árslok 2026. Lengi hefur ríkt óvissa um hvort, og þá hvenær, mörg þúsund lögheimili í þéttbýli um land allt munu eiga kost á háhraðanetsambandi, sem er mikilvægt öryggismál og undirstaða nútíma búsetugæða. Með þessum samningum er sú óvissa ekki lengur fyrir hendi.

17. sep. 2024Rit og skýrslur, Menntamál, Háskólar, Menningar-٫ nýsköpunar- og háskólaráðuneytið

Greinargerð um árangurstengda fjármögnun háskóla

september 2024 / Menningar-٫ nýsköpunar- og háskólaráðuneytið Greinargerð um árangurstengda fjármögnun háskóla Háskóla-, iðnaðar- og nýsköpunarráðuneytið hefur birt greinargerð um nýja árangurstengda fjármögnun háskóla, sem tók gildi sumarið 2024. Um er að ræða stærstu breytingu á háskólaumhverfinu í áratugi sem fela í sér margvíslega hvata fyrir háskóla; til að auka gæði náms, styðja nemendur í gegnum skólagöngu, sækja fram í rannsóknum og afla alþjóðlegra styrkja svo fátt eitt sé nefnt

15. sep. 2024Menningar-٫ nýsköpunar- og háskólaráðuneytið

Starfshópur um bætt öryggi í ferðaþjónustu

Menningar- og viðskiptaráðherra hefur óskað eftir tilnefningum í starfshóp um öryggismál í ferðaþjónustu. Er það liður í eftirfylgni með aðgerðaáætlun (E.7 ) með ferðamálastefnu til 2030 sem samþykkt var í júní 2024 og unnin var í breiðri samvinnu fjölda hagaðila. Starfshópurinn hefur það að meginhlutverki að koma með tillögur að úrbótum á sviði öryggismála í ferðaþjónustu, tryggja samráð á milli hlutaðeigandi ráðuneyta, stofnana og atvinnugreinarinnar, og stuðla að framgangi verkefna sem hafa það að markmiði að bæta öryggi ferðamanna þvert á hið opinbera og atvinnulíf.

10. sep. 2024Innviðaráðuneytið, Netöryggi, Menningar-٫ nýsköpunar- og háskólaráðuneytið

Hakkarar Íslands keppa í beinu streymi

Lið Íslands tekur nú þátt í Netöryggiskeppni Evrópu (e. European Cyber Security Challenge) sem stendur yfir í Tórínó á Ítalíu dagana 8.-11. október. Lið Íslands er skipað þeim keppendum sem náðu bestum árangri í Gagnaglímunni, Netöryggiskeppni Íslands, sem haldin var 25. maí síðastliðinn fyrir ungmenni á aldrinum 14 til 25 ára.

09. sep. 2024Menningar-٫ nýsköpunar- og háskólaráðuneytið

Fundaði með aðstoðarframkvæmdastjóra UN Women: Jafnréttismál eru stórt efnahagsmál

„Jafnréttisbaráttan hefur gengið mun betur hérlendis en víða annars staðar en það er eitt miðla okkar velgengni en annað að gera sér grein fyrir því að fullnaðarsigur er ekki í höfn. Við höfum verk að vinna á ýmsum sviðum og þegar jafnrétti er náð þarf að viðhalda því samhliða hraðri þróun samfélagsins,“ segir Lilja Dögg og bætir við að Ísland geti vel verið í farabroddi í jafnréttismálum áfram ef vel er haldið á þeim verkfærum sem þjóðin býr yfir.“

05. sep. 2024Menningar-٫ nýsköpunar- og háskólaráðuneytið

Íslenska til framtíðar: Fundað með Microsoft og AI 2 í Seattle

„Við viljum festa íslenskuna í sessi og halda áfram að koma henni að í lausnum erlendra tæknifyrirtækja sem Íslendingar nota í sínu daglega lífi. Samhliða erum við kanna áhuga á alþjóðlegum samstarfsvettvangi fyrir minni málsamfélög og stór tæknifyrirtæki, sem Ísland myndi leiða," segir Lilja Dögg Alfreðsdóttir, menningar- og viðskiptaráðherra.

28. ágú. 2024Atvinnuvegaráðuneytið, Háskólar, Iðnaður, Nýsköpun, Fjarskipti, Menningar-٫ nýsköpunar- og háskólaráðuneytið

Skrifstofa ráðherra óháð staðsetningu haustið 2024

Í haust mun háskóla-, iðnaðar- og nýsköpunarráðherra, Áslaug Arna Sigurbjörnsdóttir, m.a. starfa frá Hveragerði, Rangárþingi ytra, Stykkishólmi og Vopnafirði. Frá upphafi hefur ráðuneytið verið opið fyrir störfum óháð staðsetningu og eru störf ráðherra þar engin undantekning. Ráðherra staðsetur skrifstofu sína reglulega víðs vegar um landið, enda eiga málefni ráðuneytisins við um landið allt. Á hverri starfsstöð býður ráðherra öll áhugasöm velkomin í opna viðtalstíma þar sem gefst tækifæri til að eiga stutt, milliliðalaust spjall um málefni á borði ráðherra.

23. ágú. 2024Menningar-٫ nýsköpunar- og háskólaráðuneytið

Frábær aðsókn að nýju grunnnámi í blaðamennsku við Háskóla Íslands

Tímamót urðu í Háskóla Íslands fyrr í vikunni, þegar kenndur var fyrsti tíminn í nýju BA-námi í blaðamennsku við stjórnmálafræðideild skólans. Fleiri umsóknir bárust um námið en unnt var að samþykkja og eru nú um tuttugu nemendur skráðir. Nemendur munu meðal annars sinna starfsnámi við fjölmiðla landsins á námstímanum, ásamt því að sitja námskeið sem undirbúa þá fyrir störf við fjölmiðla framtíðar.

23. ágú. 2024Menningar-٫ nýsköpunar- og háskólaráðuneytið, Útlendingar, Háskólar, Menntamál

Opinberir háskólar fái heimild til að innheimta skólagjöld af nemendum utan EES

Háskóla-, iðnaðar- og nýsköpunarráðherra hyggst leggja fram frumvarp á haustþingi um breytingar á lögum um opinbera háskóla sem fela í sér heimild til skólanna til að innheimta skólagjöld fyrir nemendur sem koma frá löndum utan evrópska efnahagssvæðisins (EES). Samhliða þessu verða teknir upp námsstyrkir fyrir afburðanemendur frá þessum löndum í þeim tilgangi að efnilegir nemendur hafi áfram tækifæri til náms á Íslandi, óháð efnahag.

21. ágú. 2024Innviðaráðuneytið, Fjarskiptasjóður, Fjarskipti, Menningar-٫ nýsköpunar- og háskólaráðuneytið

Ljósleiðaravæðing í þéttbýli og háhraðafarnet á stofnvegum tryggt – hlutverki fjarskiptasjóðs lokið og hann lagður niður

Háskóla-, iðnaðar- og nýsköpunarráðherra hefur kynnt ríkisstjórn ákvörðun sína um að framlengja ekki líftíma fjarskiptasjóðs. Að öllu óbreyttu munu lög um fjarskiptasjóð því falla brott við lok þessa árs og hættir starfsemi sjóðsins frá sama tíma.

20. ágú. 2024Menningar-٫ nýsköpunar- og háskólaráðuneytið, Vísindi nýsköpun og rannsóknir, Gervigreind

Beita gervigreind gegn gullhúðun

Háskóla-, iðnaðar-, og nýsköpunarráðuneytið hóf vinnu í sumar, með nokkrum aðilum á sviði gervigreindar, við að greina hvort gullhúðun hafi átt sér stað á EES-gerðum á málefnasviði ráðuneytisins. Verkefnið er eitt af verkefnum ráðuneytisins í aðgerðaáætlun um gervigreind sem unnið hefur verið að á undanförnum mánuðum. Með notkun gervigreindar er hægt að greina gullhúðun á gildandi löggjöf án þess að kosta til þess fjölda vinnustunda sérfræðinga ráðuneytisins. Þá kann notkun gervigreindar að greina mynstur og tengsl innan lagabálkanna sem gætu annars farið fram hjá hefðbundinni greiningu.

18. ágú. 2024Menningar-٫ nýsköpunar- og háskólaráðuneytið

Seinni úthlutun úr Tónlistarsjóði: Mikill fjöldi frambærilegra umsókna

„Það er mikið fagnaðarefni að sjá hversu mörg spennandi verkefni hlutu styrk og ekki síður er það gleðiefni að heyra frá úthlutunarnefndum hve mörg og efnileg verkefni sóttu um. Sú staðreynd að það sé erfitt að velja hver hljóti styrk er mikilvæg vísbending um gróskuna í íslensku tónlistarlífi. Tónlistarmiðstöð er frábær umgjörð sem býður upp á fjölbreytta þjónustu og tækifæri sem ég hvet sem flesta til að kynna sér. Þar er til dæmis boðið upp á ráðgjöf við styrkumsóknir og þangað má sækja innblástur og fagþekkingu frá einvala sérfræðingum,“ sagði Lilja Dögg Alfreðsdóttir, Menningar- og viðskiptaráðherra við tilefnið.

16. ágú. 2024Menningar-٫ nýsköpunar- og háskólaráðuneytið, Heilbrigðismál, Nýsköpun, Vísindi nýsköpun og rannsóknir

Fléttustyrkjum úthlutað í þriðja sinn: Tæplega 100 m.kr. til innleiðingar nýsköpunar í heilbrigðisþjónustu

Tíu íslensk nýsköpunarfyrirtæki og frumkvöðlar hljóta alls 12 styrki úr Fléttunni í ár. Þetta er í þriðja sinn sem styrkir eru veittir úr Fléttunni, en tilgangur styrkjanna er að styðja við innleiðingu nýsköpunar í heilbrigðiskerfinu. Í ár verður um 96 milljónum króna dreift til þessara fyrirtækja í þeim tilgangi að innleiða nýja tækni og lausnir í heilbrigðisþjónustu.

15. ágú. 2024Menningar-٫ nýsköpunar- og háskólaráðuneytið

Opið fyrir umsóknir um listamannalaun: Ráðherra býður til kynningarfundar 19. ágúst

Á liðnu vorþingi voru samþykktar breytingar á lögum um listamannalaun í því skyni að styrkja faglega starfslaunasjóði listamanna og tryggja betur afkomu þeirra sem starfa í listum eða við skapandi greinar. Tveimur nýjum launasjóðum hefur verið bætt við; launasjóði kvikmyndahöfunda og þverfaglegum sjóði fyrir 67 ára og eldri. Einnig mun úthlutunarmánuðum fjölga í hverri grein. Að þessu tilefni boðar menningar- og viðskiptaráðuneytið til umræðu um þessar breytingar sem og áherslur og stefnu listamannalauna til næstu þriggja ára.

11. ágú. 2024Menningar-٫ nýsköpunar- og háskólaráðuneytið, Forsætisráðuneytið, Umhverfis-٫ orku- og loftslagsráðuneytið, Dómsmálaráðuneytið

Samantekt ráðuneytisstjórahóps um jöklaferðir, í kjölfar banaslyss á Breiðamerkurjökli

Á fundi ríkisstjórnar 27. ágúst sl. var ákveðið að koma á fót starfshópi ráðuneytisstjóra forsætisráðuneytis, menningar- og viðskiptaráðuneytis, umhverfis-, orku- og loftslagsráðuneytis og dómsmálaráðuneytis til að afla upplýsinga um banaslys sem varð í skipulagðri ferð í jöklaferð á Breiðamerkurjökli sunnudaginn 25. ágúst. sl. og skoða öryggi í íshellaferðum almennt.

10. ágú. 2024Rit og skýrslur, Gervigreind, Menningar-٫ nýsköpunar- og háskólaráðuneytið

Íslenska-nálgunin: Hvernig stuðla má að fjölbreytni tungumála og menningar á sviði gervigreindar.

Menningar- og viðskiptaráðuneytið hefur gefið út leiðarvísi sem fjallar um hvernig íslensk máltækni hefur náð fótfestu í heimi gervigreindarinnar og ávinning samstarfs íslenskra stjórnvalda og þeirra samstarfsaðila við tæknifyrirtækið Open AI. Leiðarvísirinn er gefin út á íslensku og ensku í samstarfi við íslenska gervigreindar- og máltæknifyrirtækið Miðeind og Almannaróm, miðstöð máltækni á Íslandi ber heitið Íslenska-nálgunin: Hvernig stuðla má að fjölbreytni tungumála og menningar á sviði gervigreindar.