Nýtt fyrirkomulag styrkveitinga í skák

Ásmundur Einar Daðason, mennta- og barnamálaráðherra, hefur undirritað nýja reglugerð um afrekssjóð í skák. Reglugerðin tilgreinir með hvaða hætti styrkveitingar til skákmanna munu fara fram.

Blönduhlíð – Nýtt meðferðarheimili fyrir ungmenni opnað í Mosfellsbæ

Í dag opnaði Ásmundur Einar Daðason, mennta- og barnamálaráðherra, meðferðarheimilið Blönduhlíð, sem staðsett er í Farsældartúni í Mosfellsbæ. Meðferðarheimilið er fyrir ungmenni á aldrinum 13–18 ára sem glíma við hegðunar- og fíknivanda og verður rekið af Barna- og fjölskyldustofu.

Meira og betra verknám með stækkun FB

Framkvæmdir eru að hefjast á 2.654 fermetra verknámsaðstöðu fyrir húsasmíði, rafvirkjun og listgreinar við Fjölbrautaskólann í Breiðholti (FB). Mennta- og barnamálaráðherra, borgarstjóri, skólameistari, formaður nemendaráðs og framkvæmdaraðili tóku fyrstu skóflustungur við hátíðlega athöfn með nemendum og starfsfólki í dag.

Hvernig myndi þér líða ef þú þyrftir að yfirgefa heimilið þitt í flýti?

Barnaheill gáfu út á degi mannréttinda barna í gær myndband með stuðningi mennta- og barnamálaráðuneytisins um hvernig það er að yfirgefa heimili sitt í flýti. Markmiðið með myndbandinu er að vekja athygli á því áfalli sem það er að missa heimili sitt og mikilvægi þess að hlúa vel að þessum hópi barna.

Flotinn gegn ofbeldi meðal barna

Flotinn – flakkandi félagsmiðstöð hefur fengið styrk frá mennta- og barnamálaráðuneytinu fyrir árin 2024–2025 til eflingar vettvangsstarfs í þágu ungmenna í viðkvæmri stöðu á stórhöfuðborgasvæðinu. Styrkurinn er liður í aðgerðum stjórnvalda vegna ofbeldis meðal barna og gegn börnum.

Leiðarvísir um mat á áhrifum á börn

Mennta- og barnamálaráðuneytið gaf út leiðarvísi um hagsmunamat út frá réttindum barna í allri stefnumótun stjórnvalda á degi mannréttinda barna hinn 20. nóvember 2024. Markmiðið með hagsmunamatinu er að stjórnvöld hugi markvisst að því hvaða áhrif ákvarðanir þeirra hafa á börn og réttindi þeirra og hvort og þá með hvaða hætti er nauðsynlegt að bregðast við þeim áhrifum.

Meðferðarheimilið Lækjarbakki fær nýtt húsnæði

Meðferðarheimilið Lækjarbakki hefur fengið nýtt húsnæði í Miðgarði í Gunnarsholti á Rangárvöllum. Það mun hefja þar starfsemi á nýjan leik að loknum nauðsynlegum framkvæmdum.

Mál nr. 496/2024-Úrskurður

Staðfestur úrskurður umdæmisráðs um enga umgengni kæranda við börn hans.

Mál nr. 538/2024-Úrskurður

Staðfestur úrskurður umdæmisráðs um umgengni kæranda við börn hennar.

Samstaða um auknar aðgerðir vegna ofbeldis meðal barna og gegn börnum

Stjórnvöld hafa ákveðið að fjölga aðgerðum vegna ofbeldis meðal barna og gegn börnum og auka fjármagn til aðgerðanna. Þetta var ákveðið á ríkisstjórnarfundi í gær. Alvarlegt ofbeldi sem hefur átt sér stað á síðustu misserum undirstrikar þörfina á samstilltu átaki til að bregðast við þróuninni af festu.

Ísland sýnir stuðning í verki vegna mannúðarmála á Gaza

Ásmundur Einar Daðason, mennta- og barnamálaráðherra, sótti í dag fyrir hönd forsætisráðherra ráðstefnu um mannúðarástandið á Gaza sem haldin var í Jórdaníu. Jórdaníukonungur, forseti Egyptalands og aðalframkvæmdastjóri Sameinuðu þjóðanna bjóða til ráðstefnunnar og hana sækja þjóðarleiðtogar og ráðamenn víða að.

Tillögur að auknum náms- og starfstækifærum fyrir fatlað fólk

Starfshópur um aukin náms- og starfstækifæri fyrir fatlað fólk hefur skilað tillögum sínum til ráðherra. Hópnum var ætlað að greina núverandi starfs- og menntunartækifæri fatlaðs fólks með tilliti til þess hvað þurfi að bæta, auk þess að leggja fram tillögur að aðgerðum.

Nýtt fræðsluefni um hinsegin börn og ungmenni í íþrótta-, tómstunda- og æskulýðsstarfi

Samtökin '78 hafa gefið út nýtt fræðsluefni og leiðbeiningar fyrir starfsfólk og sjálfboðaliða í íþrótta-, tómstunda- og æskulýðsstarfi með stuðningi mennta- og barnamálaráðuneytisins.

Endurskoðuð aðalnámskrá birt – aukinn stuðningur við menntakerfið

Endurskoðuð aðalnámskrá grunnskóla hefur tekið gildi. Með breytingunum er verið að bregðast við ákalli skólasamfélagsins um endurskoðun hæfniviðmiða í þeim tilgangi að gera aðalnámskrána aðgengilegri og auðvelda kennurum að nýta hana í daglegu skólastarfi.

Upptaka af málþingi um kynferðisofbeldi gegn börnum með notkun gervigreindar

Mennta- og barnamálaráðuneytið og Háskóli Íslands stóðu fyrir málþingi í dag um hættuna á misnotkun gervigreindar og tækninýjunga til að brjóta kynferðislega á börnum. Með nýrri tækni blasir við nýr veruleiki sem vekur upp spurninguna um hvernig rétt sé að bregðast við. Málþingið fór fram kl. 13:30–15:15 í Veröld, húsi Vigdísar, að Brynjólfsgötu 1 í Reykjavík og í streymi.

Efling almenningsíþrótta

Starfshópur mennta- og barnamálaráðherra hefur skilað tillögum sínum að eflingu almenningsíþróttastarfs.

Öflug náms- og starfsráðgjöf í menntastefnu 2030

Í dag er dagur náms- og starfsráðgjafar á Íslandi. Efling náms- og starfsráðgjafar er liður í menntastefnu til ársins 2030 og 2. aðgerðaáætlun hennar fyrir árin 2024–2027. Jónína Kárdal, náms- og starfsráðgjafi, hefur verið ráðin í nýtt stöðugildi í mennta- og barnamálaráðuneytinu til að auka veg og sýnileika náms- og starfsráðgjafar í skólastarfi.

Skipun í embætti skrifstofustjóra

Ásmundur Einar Daðason, mennta- og barnamálaráðherra, hefur skipað Hafþór Einarsson og Halldóru Dröfn Gunnarsdóttur í tvö embætti skrifstofustjóra í mennta- og barnamálaráðuneytinu.

Handbók farsældar - innleiðing farsældarlaganna á landsvísu

Innleiðing laga um samþættingu þjónustu í þágu farsældar barna stendur yfir í sveitarfélögum landsins. Markmiðið er að börn og foreldrar hafi aðgang að samþættri þjónustu við hæfi án hindrana. Barna- og fjölskyldustofa hefur nú gefið út handbók til að styðja við sveitarfélög og hlutaðeigandi stofnanir í innleiðingunni.

Framkvæmdir hafnar á Laugardalsvelli

Ásmundur Einar Daðason, mennta- og barnamálaráðherra, Einar Þorsteinsson borgarstjóri og Þorvaldur Örlygsson formaður KSÍ tóku fyrstu skóflustungurnar á Laugardalsvelli í dag. Þar með er fyrsti áfangi í uppbyggingu leikvangsins hafinn. Grasi Laugardalsvallar verður skipt út fyrir blendigrasi (svokallað hybrid-gras) og hitunarkerfi verður sett undir völlinn.

Málþing: Kynferðisofbeldi gegn börnum með notkun gervigreindar

Mennta- og barnamálaráðuneytið og Háskóli Íslands boða til málþings um hættuna á misnotkun gervigreindar og tækninýjunga til að brjóta kynferðislega á börnum. Með nýrri tækni blasir við nýr veruleiki sem vekur upp spurninguna um hvernig rétt sé að bregðast við. Málþingið fer fram föstudaginn 25. október kl. 13:30–15:15 í Veröld, húsi Vigdísar, að Brynjólfsgötu 1 í Reykjavík og í streymi.

Nýr miðlægur listi yfir sveina með starfsréttindi

Nýr listi yfir sveina með starfsréttindi hefur verið birtur á Island.is. Þetta er í fyrsta sinn sem slíkur listi er birtur opinberlega á einum miðlægum stað. Með listanum er m.a. hægt að sjá hvort iðnaðarmenn sem bjóða fram þjónustu sína séu með tilskilin réttindi.

Tímamótasamningar um svæðisbundin farsældarráð í öllum sveitarfélögum landsins

Ásmundur Einar Daðason, mennta- og barnamálaráðherra, undirritaði í dag samninga við sjö landshlutasamtök sveitarfélaga um ráðningu verkefnisstjóra sem leiða mun undirbúning að stofnun svæðisbundins farsældarráðs í hverjum landshluta fyrir sig. Með samningunum hafa öll sveitarfélög landsins skuldbundið sig til þess að hefja vinnu við að hrinda 5. grein laga um samþættingu þjónustu í þágu farsældar barna í framkvæmd. Markmiðið er að börn og foreldrar geti fengið aðgang að samþættri þjónustu við hæfi, án hindrana.

Education at a Glance 2024 – jöfn tækifæri til náms

Efnahags- og framfarastofnunin (OECD) birtir árlega úttektir á stöðu menntunar innan OECD-ríkja. Í ár fjallar úttektin um jöfn tækifæri til náms út frá bakgrunni sem er ein af grunnstoðum menntastefnu stjórnvalda til ársins 2030.

Valgarð Már Jakobsson skipaður skólameistari Framhaldsskólans í Mosfellsbæ

Ásmundur Einar Daðason, mennta- og barnamálaráðherra, hefur skipað Valgarð Má Jakobsson í embætti skólameistara Framhaldsskólans í Mosfellsbæ til fimm ára frá 1. ágúst 2024.

Stórt skref í átt að nýrri þjóðarhöll

Stofnað hefur verið félag sem mun standa að byggingu nýrrar þjóðarhallar í innanhússíþróttum í Laugardal, Þjóðarhöll ehf. Katrín Jakobsdóttir forsætisráðherra, Ásmundur Einar Daðason, mennta- og barnamálaráðherra, Þórdís Kolbrún R. Gylfadóttir fjármála- og efnahagsráðherra og Dagur B. Eggertsson borgarstjóri undirrituðu samning milli ríkis og Reykjavíkurborgar um stofnun félagsins í dag. Fyrsta verk Þjóðarhallar ehf. er að efna til forvals og samkeppni um hönnun og byggingu þjóðarhallarinnar. Auk þess tekur félagið við verkefnum framkvæmdanefndar um þjóðarhöll í Laugardal sem lætur af störfum.

Úthlutun styrkja til nýsköpunar og skólaþróunarverkefna á vettvangi leik-, grunn- og framhaldsskóla og frístundastarfs

Mennta- og barnamálaráðuneytið hefur úthlutað styrkjum til nýsköpunar- og skólaþróunarverkefna á vettvangi leik-, grunn- og framhaldsskóla og frístundastarfs. Um nýja tímabundna styrki er að ræða til að innleiða aðgerð 2 í menntastefnu stjórnvalda til ársins 2030 um aukna skólaþróun um allt land.

Streymi frá Menntaþingi 2024

Menntaþing fer fram í dag kl. 9:00–16:00 á Hilton Reykjavík Nordica og í streymi. Á þinginu verður rætt um stöðu menntakerfisins, yfirstandandi breytingar og næstu skref í menntaumbótum með kynningu á fyrirhugaðri 2. aðgerðaáætlun í menntastefnu stjórnvalda til ársins 2030. Niðurstöður samtalsins verða nýttar við endanlega mótun áætlunarinnar.

Tölum saman 2024

Tölum saman, samtals- og samráðsvettvangur barna og ungmenna, stendur yfir dagana 24.–27. september 2024. Á vettvanginum geta börn og ungmenni á aldrinum 13–18 ára látið skoðanir sínar í ljós og haft tækifæri til að hafa áhrif á aðgerðir og vinnu mennta- og barnamálaráðuneytisins í málefnum barna og ungmenna.

Menntaþing 2024 – dagskrá

Menntaþing 2024 er haldið mánudaginn 30. september kl. 9:00-15:30. Mikil aðsókn er á þingið – þegar eru fjögur hundruð skráðir til þátttöku á Hilton Reykjavík Nordica og um tvö hundruð til viðbótar í streymi. Endanleg dagskrá liggur nú fyrir.

Mál nr. 188/2024-Úrskurður

Felldur úr gildi úrskurður umdæmisráð um umgengni föður við dóttur sína.

Námskeið fyrir foreldra um uppeldi og nám að hefjast

Akranes er fyrsta sveitarfélagið til að bjóða upp á foreldranámskeið á vegum þróunarverkefnisins Föruneyti barna – samstarf um stuðning við uppeldi og nám. Þessa dagana hljóta 25 leiðbeinendur frá Akranesi og víðar þjálfun í að halda námskeiðin. Markmið námskeiða er að valdefla foreldra í uppeldishlutverki sínu og efla þjónustu við börn og foreldra. Stefnt er að því að hafa þau aðgengileg í sem flestum leik- og grunnskólum landsins.

Aðgerðahópur stjórnvalda um víðtækar aðgerðir vegna ofbeldis meðal barna og gegn börnum 2024-2026 Hópnum er falið að hrinda í framkvæmd aðgerðum sem mennta- og barnamálaráðuneytið og dómsmálaráðuneytið kynntu á blaðamannafundi 25. júní 2024 og aðgerðum heilbrigðisráðuneytisins er lúta að heilbrigði og vellíðan barna. Í september sama ár var ákveðið að fjölga aðgerðum og auka fjármagn til þeirra

Stuðningur við EDUCHANGE rannsókn á áhrifum félags- og efnahagslegrar stöðu nemenda á námsframvindu

Mennta- og barnamálaráðuneytið styður við framkvæmd rannsóknarverkefnisins EDUCHANGE í viljayfirlýsingu sem undirrituð var í Háskóla Íslands í dag. Markmið verkefnisins er að draga úr áhrifum félags- og efnahagslegrar stöðu nemenda á námsframvindu þeirra og tækifæri til menntunar og auka þannig jöfnuð til lengri tíma. Viljayfirlýsingin undirstrikar festu og vilja ráðuneytisins að draga úr ójöfnuði í menntun og styðja við öfluga innlenda rannsóknarstarfsemi.

Mál nr. 289/2024-Úrskurður

Staðfest ákvörðun barnaverndarþjónustu um að synja kæranda um afléttingu nafnleyndar á tilkynningu

Mál nr. 158/2024-Úrskurður

Staðfest ákvörðun barnaverndarþjónustu um að loka máli vegna dóttur kæranda.

Um fjallamennskunám Framhaldsskólans í Austur-Skaftafellssýslu

Að gefnu tilefni vill mennta- og barnamálaráðuneytið árétta að ráðuneytið hefur ekki lagt til eða krafist þess að fjallamennskunám Framhaldsskólans í Austur-Skaftafellssýslu (FAS) verði lagt niður.

Samtal um tónlistarskóla – breytingar til umsagnar

Mennta- og barnamálaráðuneytið tók á síðasta ári þátt í haustþingum tónlistarskóla víða um land þar sem aðalnámskrá tónlistarskóla var m.a. til umræðu. Samtalið gaf til kynna brýna þörf á breytingum á aðalnámskránni sem nú eru lagðar til umsagnar í Samráðsgátt stjórnvalda.

Kæra vegna skólaaksturs fyrir barn frá grunnskóla sveitarfélags að heimili

ágúst 2024 / Mennta- og barnamálaráðuneytið Kæra vegna skólaaksturs fyrir barn frá grunnskóla sveitarfélags að heimili Fimmtudaginn 18. júlí 2024 var kveðinn upp í mennta- og barnamálaráðuneytinu svohljóðandi Úrskurður í máli nr

Gjaldfrjáls námsgögn og tvöfalt meira fjármagn til námsgagnagerðar

Fjárframlag til námsgagnagerðar tvöfaldast og námsgögn verða gjaldfrjáls fyrir framhaldsskólanema fram að 18 ára aldri. Aðgerðirnar eru liður í heildarendurskoðun á útgáfu námsgagna og menntastefnu stjórnvalda til ársins 2030. Nýtt frumvarp um námsgögn hefur verið samþykkt af ríkisstjórn til fyrirlagningar á Alþingi.

Matsferill – safn matstækja til að meta námsárangur grunnskólabarna – frumvarp til umsagnar

Matsferill er safn matstækja til að meta námsárangur grunnskólabarna sem koma mun í stað samræmdra prófa. Frumvarp um breytingu á lögum um grunnskóla um þróun og innleiðingu á Matsferli hefur verið lagt til umsagnar í Samráðsgátt stjórnvalda. Skyldubundið samræmt námsmat í íslensku og stærðfræði kemur til innleiðingar og framkvæmda í öllum grunnskólum skólaárið 2025–2026.

Formleg opnun fjölskylduheimilis á Akureyri

Ásmundur Einar Daðason, mennta- og barnamálaráðherra, og Ásthildur Sturludóttir, bæjarstjóri á Akureyri, opnuðu í dag með formlegum hætti fjölskylduheimilið Sólberg í Kotárgerði á Akureyri. Heimilið hefur nú þegar tekið til starfa en þar fer fram greiningar- og þjálfunarvistun fyrir börn og foreldra þeirra.

Umsóknir um tvö embætti skrifstofustjóra í mennta- og barnamálaráðuneytinu

Fjórtán umsækjendur eru um tvö embætti skrifstofustjóra í mennta- og barnamálaráðuneytinu sem voru auglýst laus til umsókna í júlí.

Frigg – nýr miðlægur gagnagrunnur nemendaupplýsinga

Frigg er nýr gagnagrunnur utan um skráningu upplýsinga um íslenska nemendur í leik-, grunn- og framhaldsskóla sem nú er í smíðum. Upplýsingarnar hafa fram til þessa verið vistaðar hjá mismunandi aðilum í mismunandi kerfum en verða með Frigg á einum miðlægum stað þvert á skóla, skólastig og landsvæði.

Tilnefningar til Íslensku menntaverðlaunanna 2024

Tilnefningar til Íslensku menntaverðlaunanna voru kynntar á alþjóðlegum degi kennara 5. október. Markmið verðlaunanna er að auka veg menntaumbótastarfs og vekja athygli á metnaðarfullu og vönduðu skóla- og frístundastarfi með börnum og ungmennum.

Orð eru ævintýri – nýtt spil, myndaspjöld og vefur

Í dag er alþjóðlegur dagur læsis. Orð eru ævintýri er verkfæri til eflingar læsis meðal leikskólabarna. Í fyrra var bókin Orð eru ævintýri gefin út. Hún var gefin börnum fæddum 2018, 2019 og 2020 og nú öllum börnum fæddum 2021. Í ár bætist við glænýtt spil, myndaspjöld og vefurinn Orðatorg.

Sveigjanleg nýting fjármuna í grunnskólastarfi – Samtal við sveitarfélög 2023

Skýrsla um niðurstöður fundaraðar um ráðstöfun fjármagns til grunnskóla ásamt tillögum til úrbóta.

RÚV Orð styður innflytjendur í íslenskunámi

Íslensk stjórnvöld halda áfram að auka aðgengi að fjölbreyttu og einstaklingsmiðuðu íslenskunámi sem stunda má hvar og hvenær sem er. RÚV Orð er nýr vefur fyrir sjálfsnám í íslensku með notkun sjónvarpsefnis frá RÚV. Vonir standa til þess að persónuleg nálgun hvetji innflytjendur til að læra íslensku á sinn hátt og út frá sínu áhugasviði.

Guðríður Hrund Helgadóttir skipuð skólameistari MK

Ásmundur Einar Daðason, mennta- og barnamálaráðherra, hefur skipað Guðríði Hrund Helgadóttur í embætti skólameistara Menntaskólans í Kópavogi til fimm ára frá 1. ágúst 2024.

Skýrslur Eurydice

maí 2024 / Mennta- og barnamálaráðuneytið Skýrslur Eurydice Eurydice-samstarfið er samstarf evrópskra aðila á sviði menntamála. Tilgangur samstarfsins er að veita stefnumótandi aðilum og öllum þeim sem hafa áhuga á menntamálum, áreiðanlegar og samanburðarhæfar upplýsingar um menntakerfi í Evrópu