Efnisorð
Tegund

Leita eftir efnisorðum

Sýnir 451–500 af 953
Raða eftir:
01. nóv. 2022Atvinnuvegaráðuneytið, Auðlindir, Menningarmál, Menntamál, Neytendamál, Umhverfi og náttúruvernd, Norrænt samstarf, Atvinnuvegir

Átta íslenskir listamenn og verkefni tilnefnd til verðlauna Norðurlandaráðs

50 verk og verkefni frá átta löndum eru tilnefnd til verðlauna Norðurlandaráðs fyrir árið 2022. Tilkynnt verður um verðlaunahafa á verðlaunahátíð í Helsingfors í 1. nóvember í tengslum við þing Norðurlandaráðs 2022, en hægt er að fylgjast með hátíðinni í beinni útsendingu á RÚV.

20. okt. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Hvernig greiða streymisveitur menningarframlag í Evrópu?

Menningarframlag streymisveitna hefur verið til skoðunar á Íslandi. Nú greiða erlendar streymisveitur skatt af þeim tekjum sem íslenskir neytendur á íslenskum fjölmiðlamarkaði greiða til streymisveitna. Erlend fyrirtæki sem selja rafræna þjónustu, fjarskiptaþjónustu eða útvarps- og sjónvarpsþjónustu til neytenda hér á landi eru skyldug til þess að innheimta og standa skil á virðisaukaskatti á Íslandi.

16. okt. 2022Atvinnuvegaráðuneytið, Efnahagsmál og opinber fjármál, Menningarmál, Neytendamál, Verslun, Viðskipti, Atvinnuvegir

Auglýsingar til íslenskra neytenda eiga að vera á íslensku

Neytendastofa hefur tekið til meðferðar átta mál vegna tungumáls í auglýsingum sem eiga að höfða til íslenskra neytenda frá árinu 2005. Eitt mál er til skoðunar hjá stofnuninni, en samkvæmt lögum um eftirlit með viðskiptaháttum og markaðssetningu (nr. 57/2005) eiga slíkar auglýsingar að vera á íslensku. Í öllum tilfellum var auglýsingunum breytt vegna athugasemda stofnunarinnar. Á árunum 1993-2005 voru 35 sambærileg mál tekin til skoðunar á grundvelli þá gildandi laga.

12. okt. 2022Menningar-٫ nýsköpunar- og háskólaráðuneytið, Menningarmál, Menntamál, Atvinnuvegir

Ráðherra heimsótti stofnun Vigdísar

Lilja Dögg Alfreðsdóttir, menningar- og viðskiptaráðherra, fundaði með Jóni Atla Benediktssyni rektor Háskóla Íslands, Ásdísi Rósu Magnúsdóttur, forstöðumanns stofnunar Vigdísar Finnbogadóttur í erlendum tungumálum, Ann-Sofie Nielsen Gremaud stjórnarformann Vigdísarstofnunar og fleira starfsfólki HÍ og stofnunarinnar í dag.Ráðherra fékk góða kynningu á því merka starfi sem sinnt er hjá stofnuninni, helstu verkefnum og húsnæðinu Veröld Vigdísar. Ráðherra fékk einnig kynningu á fyrirhugaðri sýningu í Loftskeytamiðstöðinni um ævi og störf frú Vigdísar Finnbogadóttur sem verður opnuð á vormánuðum.

11. okt. 2022Menningar-٫ nýsköpunar- og háskólaráðuneytið, Menningarmál, Alþjóðamál, Atvinnuvegir

Lilja hitti þingkonu og sendiherra Georgíu

Lilja Dögg Alfreðsdóttir menningar- og viðskiptaráðherra átti fund með Eliso Bolkvadze þingkonu og formanni menningarnefndar georgíska þingsins og Nata Menabde sendiherra Georgíu gagnvart Íslandi. Þær eru hér á landi í tengslum við heimsþing kvenleiðtoga sem nú fer fram í Hörpu þar sem um 500 kvenleiðtogar frá yfir 100 löndum taka þátt.

06. okt. 2022Menningar-٫ nýsköpunar- og háskólaráðuneytið, Menningarmál, Menntamál, Atvinnuvegir

Juergen Boos hlýtur Vigdísarverðlaunin 2022

Lilja Dögg Alfreðsdóttir, menningar- og viðskiptaráðherra, veitti Juergen Boos, forstjóra Bókastefnunnar í Frankfurt, alþjóðlegu Vigdísarverðlaunin 2022 við hátíðlega athöfn í Háskóla Íslands. Verðlaunin eru árlega veitt einstaklingi sem brotið hefur blað með störfum sínum í þágu tungumála, menningarheima og þýðingastarfs. Íslensk stjórnvöld, Háskóli Íslands og Vigdísarstofnun – alþjóðleg miðstöð tungumála og menningar efndu til Vigdísarverðlauna í tilefni af stórafmæli Vigdísar Finnbogadóttur vorið 2020, en þá voru jafnframt liðin 40 ár frá sögulegu forsetakjöri hennar. Stuðningur Vigdísar við mikilvægi tungumála og menningar hefur öðrum þræði einkennt ævistarf hennar.…

04. okt. 2022Menningar-٫ nýsköpunar- og háskólaráðuneytið, Menningarmál

Evrópska kvikmyndaakademían heiðrar Kaffibarinn sem dýrmætan tökustað í evrópskri kvikmyndasögu

Evrópska kvikmyndaakademían stofnaði nýlega arfleifðardeild sem á að varðveita evrópska kvikmyndasögu. Hugmyndin er að vekja athygli á tökustöðum sem eru táknrænir fyrir evrópska kvikmyndagerð og veita þeim viðurkenningu. Tuttugu og tveir kvikmyndatökustaðir í Evrópu verða í ár heiðraðir og fá nafngiftina, „Treasures of European Film Culture“. Kaffibarinn var valinn á Íslandi fyrir hlutverk sitt í 101 Reykjavík en frumraun Baltasar Kormáks sem leikstjóri hefur hlotið fjöldann allan af verðlaunum á kvikmyndahátíðum víðsvegar um heim.

30. sep. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Ráðherra heimsótti SÍM

„Það er stórkostlegt að sjá hversu vel er haldið utan um listamennina hjá samtökum íslenskra myndlistamanna. Mér fannst einstaklega gaman að hitta bæði íslenska listamenn sem hafa aðstöðu hjá þeim en einnig að hitta erlenda listamenn sem koma hingað sérstaklega til að skapa og fá innblástur,“ segir Lilja Dögg Alfreðsdóttir, menningar- og viðskiptaráðherra sem heimsótti vinnustofur Sambands íslenskra myndlistamanna á Seljavegi í dag.

19. sep. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Þráinn fékk heiðursverðlaun og Berdreymi verður framlag Íslands til Óskarsverðlaunanna

Kvikmyndagerðamaðurinn og rithöfundurinn Þráinn Bertelsson er heiðursverðlaunahafi Eddu verðlaunanna, en Lilja Dögg Alfreðsdóttir, menningar- og viðskiptaráðherra afhenti honum verðlaunin á Eddu verðlaunahátíðinni. Edduverðlaunin eru veitt árlega af Íslensku kvikmynda- og sjónvarpsakademíunni og eru heiðursverðlaun Eddunnar veitt einstaklingum sem hafa sett sitt mark á íslenska kvikmyndasögu með framúrskarandi störfum í þágu íslensks sjónvarpsefnis og kvikmyndagerðar.

17. sep. 2022Menningar-٫ nýsköpunar- og háskólaráðuneytið, Menningarmál, Fjárlög, Atvinnuvegir

Ný tónlistarmiðstöð fær 150 milljón króna framlag stjórnvalda

„Í nýrri tónlistarstefnu er lögð áhersla á að Ísland er tónlistarland. Íslenskt tónlistarlíf hefur leitt af sér ríkan menningararf sem á fastan sess í hjörtum landsmanna auk þess að vera mikilvæg atvinnugrein. Tónlist er atvinnuskapandi og nauðsynleg útflutningsgrein Íslendinga og íslenskt tónlistarlíf einkennist af sköpunargleði. Áhersla stjórnvalda með nýrri stefnu og Tónlistarmiðstöð er að hlúa að tónlistargeiranum, styðja við bakið á tónlistarfólki og fagfólki og skapa þeim frjósaman jarðveg til vaxtar,” segir Lilja Dögg Alfreðsdóttir, menningar- og viðskiptaráðherra.

12. sep. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Evrópsku kvikmyndaverðlaunin haldin í Hörpu um helgina: Stærsti viðburður sinnar tegundar á Íslandi

Evrópsku kvikmyndaverðlaunin verða haldin í Hörpu á laugardag. Þetta er einn stærsti viðburður af þessari tegund sem haldinn hefur verið á Íslandi og fyrsti svokallaði A-lista viðburðurinn sem haldinn hefur verið hér á landi. Þau Ilmur Kristjánsdóttir og Hugleikur Dagsson verða kynnar hátíðarinnar. ​

12. sep. 2022Menningar-٫ nýsköpunar- og háskólaráðuneytið, Menningarmál, Fjárlög

Kvikmyndasjóður fái 250 milljón króna viðbótarframlag 2023

Við 2. umræðu fjárlagafrumvarps má vænta þess að lagt verði til að 100 milljónir króna verði lagðar til Kvikmyndasjóðs auk þess sem menningar- og viðskiptaráðuneytið mun leggja fram 150 milljón króna viðbótarframlag. Árið 2023 fær Kvikmyndasjóður því 1328,9 milljónir króna til að standa undir fjármögnun verkefna sem þegar hafa hlotið vilyrði eða sjóðurinn er skuldbundinn með samningi. ​

12. sep. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Talað fyrir íslenskri tónlist í Los Angeles

Íslensk tónlist og tónlistariðnaðurinn á Íslandi voru umræðuefni funda Lilju D. Alfreðsdóttir menningar- og viðskiptaráðherra með einu stærsta tónlistarfyrirtæki veraldar, Universal Music Group (UMG), ásamt því að heimsækja umboðsskrifstofuna Milk & Honey Management, sem fer meðal annars með umboð fyrir listamenn Dua Lipa og Kanye West & umboðsskrifstofuna John Silva Management sem heldur utan um listamenn eins Foo Fighters, Nirvana og Norah Jones.

11. sep. 2022Menningar-٫ nýsköpunar- og háskólaráðuneytið, Efnahagsmál og opinber fjármál, Menningarmál, Atvinnuvegir

Um 9 milljarða kvikmyndaverkefni til Íslands

Lilja Dögg Alfreðsdóttir, menningar- og viðskiptaráðherra leiddi sendinefnd á vegum Íslandsstofu og Útflutningsskrifstofu íslenskrar tónlistar (ÚTÓN) með áherslu á kvikmyndir og tónlist. Markmið ferðarinnar er að kynna Ísland sem áfangastað sköpunar, kynna íslenska menningu og hvetja til erlendrar fjárfestingar í skapandi greinum á Íslandi.

03. sep. 2022Atvinnuvegaráðuneytið, Menningarmál, Menntamál, Viðskipti, Ríkisstjórn, Atvinnuvegir

Hálf öld frá einvígi aldarinnar: Haldin verður samkeppni um minnisvarða

Um þessar mundir eru 50 ár liðin frá því að skákeinvígi aldarinnar fór fram í Laugardalshöll milli þeirra Bandaríkjamannsins Bobby Fischers og Sóvíetmannsins Boris Spasskís. Þessara tímamóta var minnst í sal Skáksögufélagsins á Hótel Natura en einvígið er að mörgum talið einn hápunkta kalda stríðsins en skákmennirnir tveir tefldu röð skáka í Reykjavík í júlí og ágústmánuði árið 1972.

29. ágú. 2022Auðlindir, Umhverfi og náttúruvernd, Norðurslóðir, Viðskipti, Atvinnuvegir, Menningarmál, Atvinnuvegaráðuneytið

Lilja fundaði með Douglas Jones

Lilja Alfreðsdóttir menningar- og viðskiptaráðherra og Douglas Jones undirráðherra Bandaríkjanna í málefnum Evrópu og Evrasíu, funduðu um málefni norðurslóða og samstarf landanna ásamt Geir Oddssyni ræðismanni Íslands í Grænlandi. Fundurinn var hluti af ferð ráðherra á Grænlandsþing Hringborðs norðurslóða sem fór fram um helgina í Nuuk á Grænlandi.

17. ágú. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Fyrsta íslenska tónlistarstefnan og frumvarp til heildarlaga um tónlist kynnt í Samráðsgátt

„Þetta eru mikil tímamót, en með stefnunni og lögum um tónlist vinnum við að því að efla tónlist á landinu öllu og mörkum í fyrsta sinn heildarramma fyrir málefni tónlistar sem lengi hefur vantað. Með þessu viljum við búa tónlistinni hagstæð skilyrði til að vaxa og dafna um ókomna tíð,“ segir Lilja Dögg Alfreðsdóttir, menningar- og viðskiptaráðherra.

12. júl. 2022Menningar-٫ nýsköpunar- og háskólaráðuneytið, Menningarmál, Fjárlög

85% aukning í veltu kvikmyndagerðar

Velta íslensks kvikmyndaiðnaðar hefur aukist um 85% á síðustu fimm árum og nemur nú um 30 milljörðum króna á ársgrundvelli og vel á fjórða þúsund einstaklinga starfa við kvikmyndagerð. Fjármagn til endurgreiðslna vegna kvikmyndagerðar á Íslandi er aukið um 4 milljarða króna fyrir aðra umræðu fjárlaga 2023, en alls verða þá 5,7 milljarðar til endurgreiðslu á næsta ári. Að auki mun framlag í kvikmyndasjóð vaxa um 250 milljónir króna sem þýðir að ekki þarf að fresta verkefnum sem fengið hafa vilyrði frá sjóðnum.

04. júl. 2022Menningar-٫ nýsköpunar- og háskólaráðuneytið, Menntamál, Lýðheilsa og forvarnir, Menningarmál, Mennta- og barnamálaráðuneytið, Forsætisráðuneytið

Lesum leikinn og skrifum söguna!

„Nú er um að gera að setja sér metnaðarfull markmið. Við fylgjumst vel með stelpunum okkar á EM og styðjum þær með ráðum og dáð. Landsliðið er okkur mikill innblástur og að þessu sinni hverfist lestrarhvatningin um bæði lestur og sköpun,“ segir Lilja Alfreðsdóttir menningar- og viðskiptaráðherra og lestrarhestur..

30. jún. 2022Menningar-٫ nýsköpunar- og háskólaráðuneytið, Alþjóðamál, Sendiráð Íslands í Ottawa, Menningarmál

Færðu kanadísku bókasafni bókagjöf: 75 ár af stjórnmálasambandi Íslands og Kanada

Lilja Dögg Alfreðsdóttir, menningar- og viðskiptaráðherra, afhenti Whitehorse bókasafninu í Yukon fylki í Kanada íslenska bókagjöf og þakkaði fyrir höfðinglega gjöf sem sendiráð Kanada á Íslandi veitti íslenskum bókasöfnum á Akureyri og í Reykjavík fyrr á þessu ári, en árið 2022 markar 75 ára stjórnmálasamband Íslands og Kanada.

28. jún. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Ráðherra heimsótti kvikmyndaskóla í Vancouver

Kvikmyndaskólinn í Vancouver er framsækinn kvikmyndaskóli sem er leiðandi á heimsvísu í kvikmynda og sjónvarpsgerð. Skólinn starfar náið með atvinnulífinu í British Columbia en nemendur vinna með hinum ýmsu fyrirtækjum sem tengjast kvikmyndaiðnaði í skólaverkefnum sínum. Lilja Alfreðsdóttir menningar- og viðskiptaráðherra heimsótti Kvikmyndaskóla Vancouver á ferð sinni í Norður-Ameríku.

27. jún. 2022Menningar-٫ nýsköpunar- og háskólaráðuneytið, Menningarmál, Alþjóðamál, Aðalræðisskrifstofa Íslands í Winnipeg, Sendiráð Íslands í Ottawa, Atvinnuvegir

Lilja heiðursgestur á skandínavísku sólstöðuhátíðinni í Kanada

„Ég er heilluð af samfélaginu hér og það er einstakt að upplifa hversu fólk er meðvitað um uppruna sinn og er stolt af honum. Hér kemur fólk saman til að fagna norrænni arfleið sinni og halda menningu okkar og sögu á lofti,“ segir Lilja Alfreðsdóttir, menningar- og viðskiptaráðherra, en hún var heiðursgestur á skandínavísku sólstöðuhátíðinni og ávarpaði hátíðina. Ríflega 1100 gestir voru viðstaddir hátíðina sem allir hafa norræna tengingu á einn eða annan hátt en talið er að um 1 milljón Kanadabúa séu af Skandinavískum uppruna.

16. jún. 2022Menningar-٫ nýsköpunar- og háskólaráðuneytið, Menningarmál

Menningarsjóðir úthluta 120 milljónum til bókasafna, tónlistarmanna og hljóðritunar

Lilja Dögg Alfreðsdóttir, menningar- og viðskiptaráðherra, veitti í dag styrki úr þremur menningarsjóðum – tónlistarsjóði, hljóðritasjóði og bókasafnasjóði við hátíðlega athöfn í Safnahúsinu. Þetta er síðari úthlutun tónlistarsjóðs sem að þessu sinni veitir styrki til 100 tónlistartengdra verkefna að upphæð rúmlega 71 milljóna króna. Til úthlutunar var 50 milljóna viðbót stjórnvalda, viðspyrnuúrræði vegna heimsfaraldursins. Bókasafnasjóður veitir alls 20 milljónir króna til níu verkefna. Hljóðritasjóður veitir alls 29 milljónir króna til 59 verkefna

16. jún. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Hærri endurgreiðslur vegna kvikmyndaframleiðslu samþykktar á Alþingi

Alþingi hefur samþykkt frumvarp Lilju Alfreðsdóttir menningar- og viðskiptaráðherra um að hækka endurgreiðslur vegna kvikmyndaframleiðslu á Íslandi úr 25% í 35%. Frumvarpið öðlast strax gildi en málið er hluti af stjórnarsáttmála ríkisstjórnarinnar og liður í kvikmyndastefnu fyrir Ísland til ársins 2030 sem menningarmálaráðherra kynnti árið 2020.

15. jún. 2022Menningar-٫ nýsköpunar- og háskólaráðuneytið, Covid-19, Menningarmál

Viðspyrnuaðgerðir ríkisstjórnarinnar: Aukaúthlutun listamannalauna og Sviðslistasjóðs

Sviðslistasjóður veitir 25 milljónum króna til 9 verkefna leikárið 2022/23 í þessari auka úthlutun og fylgja þeim 42 listamannalaunamánuðir úr launasjóði sviðslistafólks, 8 mánuðir voru veittir þremur einstaklingum utan sviðslistahópa. Alls voru 200 mánuðir til úthlutunar listamannalauna, 50 mánuðir til sviðslistafólks og 150 til tónlistarflytjenda.

15. jún. 2022Atvinnuvegaráðuneytið, Neytendamál, Vísindi nýsköpun og rannsóknir, Hönnun, Iðnaður, Menningarmál

Mótun stefnu um málefni hönnunar og arkitektúrs: Aðgerðir sem skilar árangri, fagmennsku og gæðum

„Markmið verkefnisins er skýrt; við viljum móta stefnu og aðgerðir sem skila árangri, fagmennsku og gæðum til hagsbóta fyrir íslenskt samfélag. Nýrri stefnu er ætlað að virkja mannauð í hönnunargreinum til þess að leysa brýn verkefni samtímans, auka lífsgæði og stuðla að sjálfbærri verðmætasköpun,“ sagði Lilja Dögg Alfreðsdóttir, menningar- og viðskiptaráðherra, í ávarpi sínu á nýlegum rýnifundi um mótun stefnu í málefnum hönnunar og arkitektúrs.

12. jún. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Hildigunnur Birgisdóttir fulltrúi Íslands á Feneyjatvíæringnum árið 2024

Hildigunnur Birgisdóttir hefur verið valin fulltrúi Íslands á Feneyjatvíæringnum í myndlist sem haldinn verður í sextugasta sinn árið 2024. Tvíæringurinn er einn mikilvægasti vettvangur samtímalistar á heimsvísu og það er mikill heiður fyrir þann myndlistarmann sem valinn er til þátttöku á tvíæringnum hverju sinni. Þátttaka Íslands á Feneyjatvíæringnum hófst árið 1960 og hafa margir fremstu listamenn þjóðarinnar sýnt þar m.a. Jóhannes Kjarval, Ragnar Kjartansson, Hrafnhildur Arnardóttir, Rúrí og Egill Sæbjörnsson. Kynningarmiðstöð íslenskrar myndlistar hefur líkt og undanfarin ár umsjón með íslenska skálanum fyrir hönd menningar- og viðskiptaráðuneytisins.

07. jún. 2022Menningar-٫ nýsköpunar- og háskólaráðuneytið, Menningarmál, Atvinnuvegir

Líflegar og gagnlegar umræður á fundi um Tónlistarmiðstöð

Opið samtal, samráð við hagaðila og lausnamiðuð nálgun eru leiðarljós vinnu við nýja Tónlistarmiðstöð. Tónverkamiðstöð, Tónskáldafélag Íslands og Félag tónskálda og textahöfunda boðuðu því til kynningarfundar um vinnu við Tónlistarmiðstöð fyrir félagsmenn sína. Lilja Dögg Alfreðsdóttir, menningar- og viðskiptaráðherra, ávarpaði fundinn og ræddi við félagsmenn um vinnuna. Líflegar og gagnlegar umræður sköpuðust á fundinum sem var vel sóttur.