Mál nr. 563/2023--Úrskurður

Felld úr gildi ákvörðun barnaverndarþjónustu um loka máli sonar kæranda.

Mál nr. 58/2024-Úrskurður

Staðfestur úrskurður umdæmisráð um umgengni móður við börn hennar.

Auglýst eftir umsóknum um nýsköpunar- og þróunarverkefni til að efla framhaldsfræðslu

Fræðslusjóður auglýsir eftir umsóknum um styrki til nýsköpunar- og þróunarverkefna til að efla og þróa áfram vettvang framhaldsfræðslu. Framhaldsfræðsla er hvers konar nám, úrræði, ráðgjöf eða mat á raunfærni sem sérstaklega er ætluð fullorðnu fólki með stutta skólagöngu eða með skerta möguleika til náms eða atvinnuþátttöku. Það getur t.d. verið vegna íslenskukunnáttu eða mismikillar starfsgetu.

Stutt við Litlu upplestrarkeppnina

Raddir, samtök um vandaðan upplestur og framsögn, fá styrk frá mennta- og barnamálaráðuneytinu til að reka áfram Litlu upplestrarkeppnina. Litla upplestrarkeppnin er fyrir 4. bekk grunnskóla og er ætlað að bæta árangur í lestri, munnlegri tjáningu og framkomu.

RÚV Orð formlega tekið í notkun: Nýtt tæki til íslenskunáms fyrir innflytjendur

RÚV Orð, nýr vefur sem veitir innflytjendum aðgang að fjölbreyttu íslenskunámi í gegnum sjónvarpsefni frá RÚV, hefur nú verið formlega opnaður fyrir almenning. Eftir vel heppnaðar notendaprófanir er RÚV Orð nú aðgengilegt öllum sem vilja efla íslenskukunnáttu sína á sínum hraða.

Aðgerðahópur stjórnvalda um víðtækar aðgerðir vegna ofbeldis meðal barna og gegn börnum 2024-2026 Hópnum er falið að hrinda í framkvæmd aðgerðum sem mennta- og barnamálaráðuneytið og dómsmálaráðuneytið kynntu á blaðamannafundi 25. júní 2024 og aðgerðum heilbrigðisráðuneytisins er lúta að heilbrigði og vellíðan barna. Í september sama ár var ákveðið að fjölga aðgerðum og auka fjármagn til þeirra

Aðgerðahópur vegna ofbeldis í garð og á meðal barna tekur til starfa

Nýskipaður aðgerðahópur vegna ofbeldis í garð og á meðal barna hóf störf í dag. Hópnum er falið að hrinda í framkvæmd aðgerðum sem mennta- og barnamálaráðuneytið og dómsmálaráðuneytið kynntu á blaðamannafundi 25. júní sl. og aðgerðum heilbrigðisráðuneytisins er lúta að heilbrigði og vellíðan barna. Með aðgerðunum er ætlunin að sporna við þróun í átt að auknu ofbeldi, auka forvarnarstarf og leiða saman fjölbreytta þjónustu- og viðbragðsaðila í samstilltu átaki gegn vaxandi ofbeldi meðal barna og ungmenna á Íslandi.

Kynningarfundur: Staða drengja í menntakerfinu

Mennta- og barnamálaráðuneytið og háskóla-, iðnaðar- og nýsköpunarráðuneytið boða til kynningarfundar um stöðu drengja í íslenska menntakerfinu fimmtudaginn 6. júní kl. 13:30–14:15 á Reykjavík Natura að Nauthólsvegi 52 og í streymi.

Samningur um stækkun verk- og starfsnámsaðstöðu við Menntaskólann á Ísafirði undirritaður

Samningur milli ríkisins og sveitarfélaga á Vestfjörðum um allt að 1.000 fermetra stækkun á verk- og starfsnámsaðstöðu við Menntaskólann á Ísafirði var undirritaður í skólanum í dag.

Stækkaðu framtíðina - Fólk utan höfuðborgarsvæðisins hvatt til að taka þátt

Yfir 600 sjálfboðaliðar hafa skráð sig til leiks í Stækkaðu framtíðina verkefnið sem hefur það að markmiði að víkka sjóndeildarhring ungmenna á Íslandi. Markmiðið er að a.m.k. 1000 sjálfboðaliðar taki þátt í verkefninu og eru karlar, kvár og öll utan höfuðborgarsvæðisins sérstaklega hvött til þess að taka þátt í að stækka framtíðina.

Alþjóðlegur staðall um hið íslenska Barnahús

Hafin er vinna við gerð leiðbeininga á vettvangi alþjóðlegu staðlasamtakanna ISO fyrir Barnahús. ISO eru stærstu staðlasamtök í heimi og gefa auk staðla út alþjóðlegar samþykktir. Vinnan byggir á íslenska barnaverndarúrræðinu Barnahúsi sem tekið hefur verið upp í mörgum löndum undir heitinu „Barnahus“. Markmiðið er að skilgreina þær kröfur sem þarf að uppfylla til að bera heitið „Barnahus“ og ná fram markmiðum þess.

Heildarendurskoðun á útgáfu námsgagna til umsagnar

Nýtt frumvarp til laga um námsgögn hefur verið lagt til umsagnar í Samráðsgátt stjórnvalda. Stefnt að því að stórefla umgjörð og stuðning við útgáfu námsgagna og gera námsgögn gjaldfrjáls fyrir nemendur leik-, grunn- og framhaldsskóla í áföngum. Um er að ræða niðurstöðu heildarendurskoðunar fjölbreytts hóps hagsmunaaðila úr fræða- og skólasamfélaginu.

Efling samfélagslögreglu í aðgerðum gegn ofbeldi meðal barna

Samfélagslögregla verður efld á höfuðborgarsvæðinu og Norðurlandi eystra samkvæmt samkomulagi dómsmálaráðuneytisins og mennta- og barnamálaráðuneytisins.

Miðstöð menntunar og skólaþjónustu hefur störf og verkefni færast til mennta- og barnamálaráðuneytisins

Þann 1. apríl sl. tóku gildi ný lög um Miðstöð menntunar og skólaþjónustu. Um er að ræða ​nýja þjónustu- og þekkingarstofnun sem starfar í þágu barna og ungmenna á sviði menntamála. Stofnunin þjónustar leik-, grunn- og framhaldsskóla um land allt með áherslu á gæði menntunar og skólaþjónustu.

Norrænar samstarfsáætlanir – opið fyrir álitsinnsendingar til 26. apríl

Ráðherranefndin hefur sett samstarfsáætlanirnar í opið samráð frá 26. mars til 26. apríl. Við gerð samstarfsáætlananna var lögð áhersla á að frjáls félagasamtök, atvinnulíf og aðrir viðeigandi aðilar kæmu að ferlinu.

Mennta- og barnamálaráðuneytið flytur í Borgartún 33

Flutningur mennta- og barnamálaráðuneytisins í Borgartún 33 stendur nú yfir. Um tímabundinn flutning er að ræða á meðan unnið er að viðamiklum endurbótum á húsnæði ráðuneytisins að Sölvhólsgötu 4.

Auglýst eftir umsóknum í Þróunarsjóð námsgagna og Sprotasjóð

Mennta- og barnamálaráðuneytið auglýsir eftir umsóknum í Þróunarsjóð námsgagna og Sprotasjóð. Umsóknarfrestur er til 15. febrúar 2024 kl. 15.00.

Átt þú klukkustund til að stækka framtíðina?

Áslaug Arna Sigurbjörnsdóttir, háskóla-, iðnaðar- og nýsköpunarráðherra, og Ásmundur Einar Daðason, mennta- og barnamálaráðherra, kynntu í dag verkefnið Stækkaðu framtíðina. Verkefnið hefur það að markmiði að víkka sjóndeildarhring nemenda og gefa öllum ungmennum á Íslandi tækifæri til að eiga fjölbreyttar fyrirmyndir.

Umbylting skólaþjónustu

Nýtt frumvarp um skólaþjónustu og inngildandi menntun hefur verið kynnt til umsagnar í Samráðsgátt stjórnvalda. Um er að ræða eina af stærri breytingum sem ráðist hefur verið í innan menntakerfisins á Íslandi, en í því felst m.a. heildræn umgjörð um skólaþjónustu og aukið samræmi milli hagaðila til að mæta þörfum barna og skóla í síbreytilegu samfélagi.

Frumvarp til laga um skák í samráð

Mennta- og barnamálaráðuneytið kynnir til samráðs í Samráðgátt stjórnvalda drög að frumvarpi til laga um skák. Frumvarpið felur í sér nýtt fyrirkomulag um styrki til stórmeistara í skák þar sem horft verður til einstakra verkefna og framgangs. Markmiðið er einnig að styrkja afreksskákfólk og efnilegt skákfólk sem stefnir að alþjóðlegum árangri.

Heildarsýn í útlendingamálum

Ríkisstjórnin sammæltist í dag um aðgerðir í málefnum umsækjenda um alþjóðlega vernd, flóttafólks og innflytjenda. Á grundvelli þeirra aðgerða verður tekið utan um málaflokkinn með heildstæðum hætti með aukinni samhæfingu á milli ráðuneyta og stofnana. Markmiðið er að stuðla að betri, skilvirkari og skýrari framkvæmd innan málaflokksins, og bættri þjónustu til að renna styrkari stoðum undir stjórn útlendingamála. Með þessari heildarsýn er lögð áhersla á mannúð og virðingu og unnið gegn skautun í íslensku samfélagi. Horft er sérstaklega til framkvæmdar þessara mála á Norðurlöndum þannig að aukið samræmi sé á milli landa.

Heildarendurskoðun á útgáfu námsgagna

Mennta- og barnamálaráðuneytið stóð ásamt samstarfsaðilum fyrir málþingi um framtíðarfyrirkomulag útgáfu námsgagna á föstudag. Meginumfjöllunarefnið var hvaða leiðir eru færar til að auka aðgengi nemenda að vönduðum námsgögnum.

Stuðningur við vetraríþróttir

Mennta- og barnamálaráðuneytið hefur gert samning við Vetraríþróttamiðstöð Íslands um stuðning við miðstöðina í þágu heilsueflingar og mótun tillagna um störf hennar og framtíðarsýn. Ásmundur Einar Daðason, mennta- og barnamálaráðherra, og Halla Björk Reynisdóttir, formaður Vetraríþróttamiðstöðvar Íslands undirrituðu samning þess efnis á Akureyri í vikunni.

Nýtt heimili á Akureyri fyrir börn og ungmenni í neyð

Mennta- og barnamálaráðuneytið hefur samið við Akureyrarbæ um að setja á stofn og reka greiningar- og þjálfunarheimili fyrir börn og ungmenni í neyð. Um tilraunaverkefni er að ræða til að bregðast við brýnni þörf fyrir bættum úrræðum í barnavernd á Norðausturlandi.

Streymi frá málþingi um framtíðarfyrirkomulag útgáfu námsgagna

Mennta- og barnamálaráðuneytið heldur málþing um framtíðarfyrirkomulag útgáfu námsgagna á föstudag 16. febrúar kl. 13:00–17:00 á Reykjavík Natura að Nauthólsvegi 52. Málþingið verður í streymi kl. 13:00–15:00 (fram að málstofum) hér.

Menntaþing 2024 – endurgjöf og framhald

Menntaþing var haldið á mánudag þar sem næstu aðgerðir í menntastefnu til ársins 2030 voru kynntar. Mennta- og barnamálaráðuneytið þakkar þinggestum fyrir framlag sitt og verður það nýtt við endanlega útfærslu á 2. aðgerðaáætlun menntastefnu sem nær yfir árin 2024–2027.

Viljayfirlýsing um uppbyggingu Laugardalsvallar og nýjan frjálsíþróttaleikvang

Forsætisráðherra, mennta- og barnamálaráðherra, fjármála- og efnahagsráðherra, Reykjavíkurborg, Knattspyrnusamband Íslands og Frjálsíþróttasamband Íslands undirrituðu í dag viljayfirlýsingu um framtíðaruppbyggingu þjóðarleikvanga fyrir knattspyrnu og frjálsíþróttir í Laugardal.

Nýir samningar um rekstur Fab Lab-smiðjanna á Íslandi

Háskóla-, iðnaðar- og nýsköpunarráðherra og mennta- og barnamálaráðherra hafa ákveðið að framlengja samninga ráðuneytanna við Fab Lab-smiðjurnar á Íslandi um þrjú ár. Samhliða verða framlögin hækkuð um samtals 91 m.kr. á samningatímsbilinu, eða úr 324 m.kr. í 415 m.kr. á næstu þremur árum.

Aukin þátttaka fatlaðra í íþróttum

Mennta- og barnamálaráðuneytið undirritaði samstarfsyfirlýsingu við Special Olympics í Evrópu vegna Special Olympics Global Leadership Coalition for Inclusion þann 30. apríl síðastliðinn. Ásmundur Einar Daðason, mennta- og barnamálaráðherra, undirritaði yfirlýsinguna ásamt David Evangelista, framkvæmdastjóra Special Olympics í Evrópu, Önnu Karólínu Vilhjálmsdóttur, framkvæmdastjóra Special Olympics á Íslandi, og Edvard Þór Ingvarssyni fulltrúa iðkenda.

Þróun rekstrar grunnskóla frá 1996 til 2022

Þróun rekstrar grunnskóla frá því að þeir færðust frá ríki til sveitarfélaga frá 1996 til fram til ársins 2022 er gerð skil í nýrri skýrslu. Þar eru dregnar saman niðurstöður greiningarvinnu sem kynnt var á Reynslunni ríkari – málþingi um skólamál sem haldið var í lok október sl.

Aukinn stuðningur við syrgjendur

Mennta- og barnamálaráðuneytið, heilbrigðisráðuneytið og félags- og vinnumarkaðsráðuneytið hafa gert samning við Sorgarmiðstöðina um aukinn stuðning við syrgjendur. Miðstöðin sinnir stuðningi, fræðslu og ráðgjöf til syrgjenda og þeirra sem vinna að velferð syrgjenda.

Farsælt samstarf við Samfés í þágu barna og ungmenna um allt land

Markmið nýs samnings mennta- og barnamálaráðuneytisins við Samfés, Landssamtök félagsmiðstöðva og ungmennahúsa, er að tryggja framgang stefnu ráðuneytisins um tómstunda- og félagsstarf barna og ungmenna til 2030, auka lýðræðislega þátttöku barna og ungmenna í ákvarðanatöku og styðja við innleiðingu laga um samþættingu þjónustu í þágu farsældar barna. Ásmundur Einar Daðason, mennta- og barnamálaráðherra, skrifaði undir samninginn í síðustu viku ásamt Guðrúnu Svövu Baldursdóttur formanni Samfés.

Styrkir til þátttöku framhaldsskólanema í alþjóðlegum nemakeppnum í stærðfræði og raunvísindum

Mennta- og barnamálaráðuneytið auglýsir til umsóknar styrki til þátttöku framhaldsskólanema í alþjóðlegum nemakeppnum í stærðfræði og raunvísindum, þ.e. eðlisfræði, efnafræði og líffræði, á árinu 2024.

Foreldrafærninámskeið fyrir flóttafólk

Ásmundur Einar Daðason, mennta- og barnamálaráðherra, og Kjartan Már Kjartansson bæjarstjóri Reykjanesbæjar hafa undirritað samning um ný foreldrafærninámskeið fyrir flóttafólk í sveitarfélaginu.

Málþing: Framtíðarfyrirkomulag útgáfu námsgagna

Mennta- og barnamálaráðuneytið boðar til málþings um framtíðarfyrirkomulag útgáfu námsgagna fyrir börn og ungmenni föstudaginn 16. febrúar kl. 13:00–17:00 á Reykjavík Natura að Nauthólsvegi 52 og í streymi. Markmið málþingsins er tryggja aukið aðgengi að vönduðum og fjölbreyttum námsgögnum fyrir öll skólastig með hagsmuni barna og ungmenna að leiðarljósi.

Farsæld fyrir ættleidd börn

Börn sem ættleidd eru til Íslands eru á ólíkum aldri við komu til landsins, með ólíkan bakgrunn og ólíkar þjónustuþarfir. Því hefur mennta- og barnamálaráðuneytið gert samning við Íslenska ættleiðingu um þróun verklags um samþætta þjónustu við börn sem ættleidd eru til Íslands. Samningurinn miðar að því að tryggja eftir þörfum að ættleidd börn fái samþætta þjónustu á grundvelli laga um samþættingu þjónustu í þágu farsældar barna.

Mál nr. 509/2023-Úrskurður

Staðfestur úrskurður umdæmisráðs um umgengni kæranda við syni sína.

Mál nr. 499/2023-Úrskurður

Staðfest ákvörðun barnaverndarþjónustu um að loka máli

Þróað verður stöðumat í íslensku fyrir innflytjendur

Ásmundur Einar Daðason, mennta- og barnamálaráðherra, og Jón Atli Benediktsson, rektor Háskóla Íslands, hafa undirritað samning um að þróa rafrænt stöðumat í íslensku fyrir innflytjendur. Um er að ræða hönnun á stöðluðu prófi á netinu til að meta hæfni í íslensku samkvæmt staðli Evrópska tungumálarammans sem notaður er til að meta færni í tungumálum.

Pælt í PISA – næstu fundir

Mennta- og barnamálaráðuneytið vekur athygli á opinni fundaröð um niðurstöður PISA-rannsóknarinnar 2022. Næsti fundur, Pælt í PISA – Greining á stöðu læsis, fer fram 23. janúar kl. 15:00–16:30 hjá Menntavísindasviði Háskóla Íslands í Stakkahlíð.

Úthlutun úr Íþróttasjóði 2024

Mennta- og barnamálaráðherra hefur samþykkt tillögu Íþróttanefndar um úhlutun styrkja úr Íþróttasjóði fyrir árið 2024. Úthlutað er til 74 verkefna fyrir alls 27,9 milljónir.

Endurskoðun á undanþágum frá aðalnámskrá grunnskóla

Mennta- og barnamálaráðuneytið vekur athygli á breytingum á aðalnámskrá grunnskóla um undanþágur frá skyldunámi og leiðir til að fullnægja skólaskyldu.

Kristjana Arnarsdóttir er nýr aðstoðarmaður mennta- og barnamálaráðherra

Kristjana Arnarsdóttir hefur verið ráðin aðstoðarmaður Ásmundar Einars Daðasonar, mennta- og barnamálaráðherra.

Nýjar íslenskubrautir fyrir nemendur af erlendum uppruna

Kvennaskólinn í Reykjavík, Framhaldsskólinn í Mosfellsbæ og Menntaskólinn á Ísafirði munu bjóða upp á nýjar íslenskubrautir í haust. Ætlunin er að auka námsframboð fyrir nemendur með fjölbreyttan tungumála- og menningarbakgrunn. Aukningin fellur vel að heildarsýn ríkisstjórnarinnar í útlendingamálum og aðgerðaáætlun í málefnum íslenskrar tungu.

Sameiginlegar starfsstöðvar fyrir svæðisskipt verkefni ríkis og sveitarfélaga

Ásmundur Einar Daðason, mennta- og barnamálaráðherra, hefur skipað starfshóp sem skoða á möguleika á sameiginlegum starfsstöðvum með hliðsjón af svæðisskiptum verkefnum ríkis og sveitarfélaga svo sem skólaþjónustu, farsæld barna, íþróttastarfi og æskulýðsstarfi.

Laus störf í mennta- og barnamálaráðuneytinu

Hinn 1. apríl nk. tekur til starfa ný þjónustu- og þekkingarstofnun sem starfar í þágu barna og ungmenna á sviði menntamála. Nýju stofnuninni, Miðstöð menntunar og skólaþjónustu, er ætlað að styðja skólasamfélagið þannig að öll börn njóti framúrskarandi menntunar og farsældar. Á sama tíma verður greiningarhæfni mennta- og barnamálaráðuneytisins aukin og stjórnsýsla menntamála í ráðuneytinu efld. Miðstöðin hefur störf 1. apríl 2024 og kemur í stað Menntamálastofnunar sem verður lögð niður.

Styrkveitingar úr Menntarannsóknasjóði 2023

Mennta- og barnamálaráðherra hefur úthlutað styrkjum úr Menntarannsóknarsjóði. Sótt var um tæpar 342 m.kr. og hlutu sex rannsóknarverkefni styrk að heildarupphæð 157,7 m.kr.

Bjartur lífsstíll fyrir eldra fólk

Guðmundur Ingi Guðbrandsson, félags- og vinnumarkaðsráðherra, og Ásmundur Einar Daðason, mennta- og barnamálaráðherra, hafa styrkt verkefnið Bjartur lífsstíll um 30 milljónir króna. Markmiðið er að auka lífsgæði eldra fólks um land allt í gegnum markvissa hreyfingu og auka líkur á að fólk geti búið lengur í heimahúsum.

Átta nýjar starfsstöðvar til eflingar íþróttastarfs

Ásmundur Einar Daðason, mennta- og barnamálaráðherra, Lárus L. Blöndal forseti ÍSÍ og Jóhann Steinar Ingimundarson formaður UMFÍ undirrituðu í dag samning um átta nýjar starfsstöðvar til eflingar íþróttastarfs á landsvísu. Samningurinn markar tímamót fyrir íþróttir á Íslandi en á grundvelli hans mun íþróttahreyfingin koma á fót átta svæðisskrifstofum með stuðningi stjórnvalda. Svæðisskrifstofurnar munu þjónusta öll 25 íþróttahéruð landsins og ná til tæplega 500 íþrótta- og ungmennafélaga um allt land og allra iðkenda á öllum aldri.

Framkvæmdaáætlun í barnavernd – börn í öndvegi í allri nálgun

Framkvæmdaáætlun í barnavernd 2023–2027 var samþykkt á Alþingi í síðustu viku. Framkvæmdaáætlunin miðar að umfangsmikilli endurskoðun og úrbótum á þjónustu við börn og að börnin verði í öndvegi í allri nálgun. Hún leggur áherslu á mannréttindi og samfélagsþátttöku barna og að hver og ein aðgerð í áætluninni taki mið af öllum börnum óháð kynþætti, þjóðerni, trú, lífsskoðun, fötlun og kynhneigð.