Efnisorð
Tegund

Leita eftir efnisorðum

Sýnir 1–50 af 3623
Raða eftir:
05. des. 2026Fjármála- og efnahagsráðuneytið, Mannauðsmál ríkisins

Stefnu ríkisins í mannauðsmálum fylgt eftir á fundi mannauðsstjóra

Mikilvægi reglulegrar endurgjafar og markvissra starfsmannasamtala var helsta umræðuefnið á fundi mannauðsstjóra hjá ríkinu þann 7. maí sl. Þessir tveir þættir eru lykilþættir árangursríkrar stjórnunar. Fundurinn er liður í reglulegu samtali mannauðssérfræðinga fjármála- og efnahagsráðuneytisins við stjórnendur mannauðsmála um stefnu ríkisins í mannauðsmálum.

01. des. 2026Fjármála- og efnahagsráðuneytið, Stjórnsýslukærur - úrskurðir, Úrskurðir

Úrskurður fjármála- og efnahagsráðuneytisins nr. 3/2026 þar sem kærð er ákvörðun Áfengis- og tóbaksverslunar ríkisins um innkaupabann á vörutegund

Þann 29. júní 2025, barst fjármála- og efnahagsráðuneytinu kæra frá […], þar sem kærð er ákvörðun Áfengis- og tóbaksverslunar ríkisins (ÁTVR) um innkaupabann á vörutegundina […] sem er hluti af vöruúrvali ÁTVR í kjarnaflokki og kærandi flytur inn.

01. des. 2026Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

85% ökutækja þegar komin með skráningu á kílómetrastöðu

Skráning kílómetrastöðu ökutækja vegna kílómetragjalds hefur gengið mjög vel. Aðeins á eftir að skrá 15% af þeim rúmlega 300 þúsund ökutækjum sem ný lög um kílómetragjald ná yfir. Kílómetragjaldið, sem varð að lögum um áramót, tekur mið af notkun vega . Þannig verður gjaldtakan sanngjarnari og endurspeglar betur notkun ökutækja á vegakerfinu, um leið og hún skapar stöðugri og fyrirsjáanlegri tekjustofn af umferðinni til framtíðar.

02. nóv. 2026Fjármála- og efnahagsráðuneytið, Efnahagsmál og opinber fjármál, Grindavík

Breytt aðferðafræði við mat á ávinningi af gerð varnargarða á Reykjanesi

Náttúruhamfaratrygging Íslands hefur boðist til að annast öflun sérfræðiálits um gagnsemi varnargarða við Grindavík og Svartsengi. Lagt verður mat á hvaða hagsmunum hafi verið bjargað með gerð þeirra og hvernig slík skipulögð forvörn geti dregið úr tjónskostnaði í hamförum af sama toga. ​ NTÍ mun leita til hérlendra sérfræðinga auk jarðvísindasérfræðinga af vettvangi alþjóðlegra endurtrygginga með sérfræðiþekkingu á áhættuútreikningum. Talið er að slík vinna verði gagnleg og muni skila umtalsverðum ávinningi ef vel tekst til.

02. nóv. 2026Fjármála- og efnahagsráðuneytið, Efnahagsmál og opinber fjármál

Fjárfestingarheimildir lífeyrissjóða rýmkaðar

Áform um fyrirhugaðar breytingar á lagaákvæðum sem setja lífeyrissjóðunum skorður til fjárfestinga hafa verið birt í samráðsgátt. ​Ekki er ætlunin að kollvarpa því fyrirkomulagi sem komið var á með lögum árið 2016 heldur​gera umbætur með því að rýmka nokkrar takmarkanir, einfalda framsetningu og sníða af vankanta sem komið hafa fram í framkvæmd.​

09. okt. 2026Fjármála- og efnahagsráðuneytið, Opinber þjónusta

Aðgerðaáætlun um opinbera þjónustu 2026-2029

Aðgerðaáætlun um opinbera þjónustu 2026-2029 Stefna um opinbera þjónustu markar sameiginlega sýn um betri, aðgengilegri og hagkvæmari þjónustu sem mætir þörfum fólks og atvinnulífs. Í aðgerðaáætluninni eru aðgerðir sem styðja við markmið stefnunnar og stuðla að samræmdri og markvissri framkvæmd hennar. Aðgerðaáætlunin verður í stöðugri uppfærslu á gildistíma hennar

09. okt. 2026Fjármála- og efnahagsráðuneytið, Efnahagsmál og opinber fjármál

Fjármálastöðugleikaráð

Fjármálastöðugleikaráð Fjármálastöðugleikaráð er formlegur samstarfsvettvangur stjórnvalda um fjármálastöðugleika. Ráðið er vettvangur samráðs, upplýsingaskipta og stefnumótunar í því skyni að efla og varðveita fjármálastöðugleika í almannaþágu, sporna við uppsöfnun kerfisáhættu og samhæfa viðbúnað opinberra aðila við fjármálakreppu. Í ráðinu sitja ráðherra, sem er formaður ráðsins, og seðlabankastjóri

09. okt. 2026Fjármála- og efnahagsráðuneytið, Upplýsingatæknimál ríkisins, Stafrænt Ísland

Stefnur á sviði upplýsingatækni

Stefnur á sviði upplýsingatækni Ríki og sveitarfélög hafa unnið, sameiginlega eða á eigin vegum, að ólíkum stefnum sem snerta upplýsingatækni, stafræna umbreytingu og þjónustu. Stefnurnar eru leiðandi fyrir opinbera aðila og styðja þá í þeirri stafrænu umbreytingu sem nútíma þjónusta krefst. Stefna um opinbera þjónustu Stefnan var gefin út í október 2026

09. okt. 2026Fjármála- og efnahagsráðuneytið, Rekstur og eignir ríkisins

Áherslur í ríkisrekstri fyrir árið 2027

Áherslur í ríkisrekstri fyrir árið 2027 Helstu áherslur í ríkisrekstri fyrir árið 2027 eru að auka sjálfbærni ríkisreksturs ásamt því að bæta þjónustu með einföldun stjórnsýslu og öflugum mannauði. Með áherslunum eru sett fram verkfæri sem stofnunum ber að horfa til við rekstur sinn. Áherslurnar eru í takt við markmið fjármálaáætlunar 2027-2031 en hún miðar að því að styrkja stoðir íslensks efnahagslífs með auknum aga og festu í ríkisfjármálum

09. okt. 2026Fjármála- og efnahagsráðuneytið, Efnahagsmál og opinber fjármál, Fjárlög, Opinber þjónusta

Áherslur í ríkisrekstri 2027: Sjálfbær rekstur, góð þjónusta og öflugur mannauður

Helstu áherslur í ríkisrekstri fyrir árið 2027 eru að auka sjálfbærni ríkisreksturs ásamt því að bæta þjónustu með einföldun stjórnsýslu og öflugum mannauði. Ríkisstjórnin samþykkti áherslurnar á fundi sínum á þriðjudag. Með áherslunum eru sett fram verkfæri sem stofnunum ber að horfa til við rekstur sinn.

08. okt. 2026Efnahagsmál og opinber fjármál, Fjármála- og efnahagsráðuneytið, Annað

Þriðji fundur fjármálastöðugleikaráðs á árinu 2026

Þriðji fundur fjármálastöðugleikaráðs á árinu 2026 fór fram fimmtudaginn 8. október. Á fundinum var farið yfir stöðu og horfur í fjármálakerfinu og hagkerfinu og helstu áhættuþættir ræddir. Meðal annars var rætt um þróunina erlendis að undanförnu og hækkun lengri markaðsvaxta. Sérstaklega var fjallað um þróun og horfur á byggingamarkaði og gjaldeyrismarkaði. Á fundinum voru samþykktar uppfærðar starfsreglur fjármálastöðugleikaráðs, uppfærð opinber stefna fjármálastöðugleikaráðs um fjármálastöðugleika auk samstarfssamnings fjármála- og efnahagsráðuneytis og skilavalds Seðlabanka Íslands. Jafnframt voru kynnt áform fjármála- og efnahagsráðuneytisins um lagabreytingar sem ætlað er að draga úr vægi verðtryggingar á húsnæðislánamarkaði.…

07. okt. 2026Fjármála- og efnahagsráðuneytið, Almannatryggingar og lífeyrir, Félags- og húsnæðismálaráðuneytið, Heilbrigðisráðuneytið

Almannatryggingar og lífeyrir

Mynd: Golli Almannatryggingar og lífeyrir Íslenska lífeyristryggingakerfið byggist á þremur meginstoðum sem eru almannatryggingakerfi, lífeyrissjóðakerfi og viðbótarlífeyrissparnaður. Almannatryggingar eru opinbert lífeyriskerfi með skylduaðild allra landsmanna og eru samtrygging, tekjujöfnun og félagslegt öryggi lífeyrisþega meginmarkmið þeirra. Til almannatrygginga teljast lífeyristryggingar, sjúkratryggingar og slysatryggingar

06. okt. 2026Fjármála- og efnahagsráðuneytið, Efnahagsmál og opinber fjármál

Ársskýrslur ráðherra

Ársskýrslur ráðherra Í lögum um opinber fjármál er áskilið að ráðherrar birti ársskýrslur þar sem gerð er grein fyrir útgjöldum málefnasviða og málaflokka og þau borin saman við fjárheimildir fjárlaga. Þá skal í ársskýrslunum gera grein fyrir fjárveitingum til einstakra ríkisaðila og verkefna og leggja mat á ávinning af þeim með tilliti til aðgerða og markmiða sem sett hafa verið fram í fjármálaáætlun. Ársskýrslur ráðherra fyrir árið 2024 eru birtar samhliða til að bæta aðgengi notenda

06. okt. 2026Fjármála- og efnahagsráðuneytið, Upplýsingatæknimál ríkisins, Stafrænt Ísland, Menningar-٫ nýsköpunar- og háskólaráðuneytið

Gervigreind hjá hinu opinbera

Gervigreind hjá hinu opinbera Gervigreind skapar tækifæri í opinberri þjónustu Með notkun gervigreindar geta verið tækifæri til umbyltingar á ýmsum sviðum. Meðal helstu tækifæra fyrir starfsemi hins opinbera eru: Betri málsmeðferð og eftirlit Bætt þjónusta við almenning Skilvirkni og lækkun kostnaðar Upplýst og bætt ákvarðanataka Atriði sem líta skal til við notkun gervigreindar Gervigreind er öflugt tól sem getur aukið skilvirkni og gæði opinberrar þjónustu. Notkun hennar hefur jafnframt í för með sér áskoranir svo sem hugsanlega hlutdrægni og skort á gagnsæi

04. okt. 2026Forsætisráðuneytið, Fjármála- og efnahagsráðuneytið, Umhverfis-٫ orku- og loftslagsráðuneytið, Atvinnuvegaráðuneytið

Tímabundnar efnahagsaðgerðir til að hemja verðbólgu

Ríkisstjórnin samþykkti í dag tímabundnar efnahagsaðgerðir til að hemja verðbólgu og bregðast við verðhækkunum á olíu vegna stríðsátaka við Persaflóa. Markmið aðgerðanna er að fletja út kúfinn vegna þessara hækkana og draga úr áhrifum þeirra á íslensk heimili og fyrirtæki.

04. okt. 2026Menningar-٫ nýsköpunar- og háskólaráðuneytið, Fjármála- og efnahagsráðuneytið

Ráðgefandi fagnefnd um mat á rannsóknar- og þróunarverkefnum

Fjármála- og efnahagsráðherra hefur, í samráði við menningar-, nýsköpunar- og háskólaráðherra, sett á fót sérstaka ráðgefandi fagnefnd við mat Rannís á rannsóknar- og þróunarverkefnum. Skipunin er í samræmi við 8. gr. laga um stuðning við nýsköpunarfyrirtæki, nr. 152/2009. Ásamt fulltrúum ráðherranna tveggja situr fulltrúi Samtaka atvinnulífsins í fagnefndinni. Nefndin hóf formlega störf í gær þegar fyrsti fundur fór fram.

30. sep. 2026Fjármála- og efnahagsráðuneytið

Dagpeningar innanlands - auglýsing nr. 2/2026

Ferðakostnaðarnefnd hefur ákveðið dagpeninga til greiðslu gisti- og fæðiskostnaðar ríkisstarfsmanna á ferðalögum innanlands á vegum ríkisins. Ferðakostnaður innanlands er reiknaður út frá verðkönnun þar sem kannað er vænt verð á algengum gististöðum, á höfuðborgarsvæðinu og utan þess. Almennt er ferðakostnaði innanlands breytt tvisvar sinnum á ári, að vori og að hausti, til þess að endurspegla árstíðarsveiflu í kostnaði gistingar.

24. sep. 2026Fjármála- og efnahagsráðuneytið, Mannauðsmál ríkisins

Launafyrirkomulag forstöðumanna ríkisstofnana

Launafyrirkomulag forstöðumanna ríkisstofnana Fjármála- og efnahagsráðherra ákveður föst laun fyrir dagvinnu í samræmi við grunnmat starfs viðkomandi forstöðumanns og önnur laun er starfinu fylgja. Ráðherra ákveður hverjar skuli vera forsendur grunnmats og skal þar einkum horft til umfangs og ábyrgðar. Við ákvörðun kjara forstöðumanna skal sérstaklega gæta samræmis við þau kjör hjá ríkinu sem byggjast á kjarasamningum og skal ætíð taka tillit til almennrar þróunar kjaramála á vinnumarkaði