Efnisorð
Tegund

Leita eftir efnisorðum

Sýnir 1–50 af 3362
Raða eftir:
02. des. 2026Forsætisráðuneytið, Úrskurðarnefnd um upplýsingamál, Úrskurðir

1335/2026. Úrskurður frá 12. febrúar 2026

Deilt var um rétt til aðgangs að gagni í vörslu Áfengis- og tóbaksverslunar ríkisins með upplýsingum um sölutölur áfengis á tilgreindu tímabili, sundurliðuðum eftir mánuðum. ÁTVR vísaði til þess að upplýsingarnar vörðuðu mikilvæga virka fjárhags- eða viðskiptahagsmuni þeirra fyrirtækja sem kæmu fyrir í gagninu. Úrskurðarnefndin taldi að ef veittur yrði aðgangur að gagninu gæti það orðið til þess að auðvelda samkeppnisaðilum að kortleggja viðkomandi markað og kauphegðun neytenda. Þá taldi nefndin að hagsmunir almennings af að fá aðgang að upplýsingunum væru ekki slíkir að aðgangur að gagninu skyldi veittur. Var ákvörðun ÁTVR því staðfest.

02. des. 2026Forsætisráðuneytið, Úrskurðarnefnd um upplýsingamál, Úrskurðir

1334/2026. Úrskurður frá 12. febrúar 2026

Málið varðaði beiðni til embættis landlæknis um gögn um alla sem látist hefðu á tilgreindu árabili í því skyni að kanna möguleg áhrif Covid-19-bólusetninga á heilsu og heilbrigði landsmanna á árabilinu. Landlæknir vísaði til þess að óheimilt væri að afhenda upplýsingar sem óskað væri eftir nema samkvæmt lögum um vísindarannsóknir á heilbrigðissviði. Þá teldust gögnin ekki fyrirliggjandi í skilningi upplýsingalaga þar sem afhending þeirra myndi krefjast umfangsmikillar vinnu. Úrskurðarnefndin taldi að landlækni væri óskylt að verða við beiðni kæranda samkvæmt upplýsingalögum og staðfesti ákvörðun embættisins.

02. des. 2026Forsætisráðuneytið, Úrskurðarnefnd um upplýsingamál, Úrskurðir

1333/2026. Úrskurður frá 12. febrúar 2026

Málið varðaði afgreiðslu á beiðni sem beint hefði verið til formanns tiltekins ráðs Reykjavíkurborgar og varðaði upplýsingar um hverju formaðurinn hefði deilt með öðrum um mál sem kærendur hefðu leitað til hans með. Af skýringum Reykjavíkurborgar var ekki unnt að ráða hvort fyrir lægju gögn sem heyrðu undir beiðnina og hvort eitthvað væri því til fyrirstöðu að þau yrðu afhent kærendum. Var beiðninni því vísað til Reykjavíkurborgar til nýrrar meðferðar og afgreiðslu.

02. des. 2026Forsætisráðuneytið, Úrskurðarnefnd um upplýsingamál, Úrskurðir

1332/2026. Úrskurður frá 12. febrúar 2026

Deilt var um rétt til aðgangs að gögnum í vörslu Samkeppniseftirlitsins um kaup Ljósleiðarans ehf. á stofnneti og tengdum búnaði af Sýn hf. Ákvörðun Samkeppniseftirlitsins var einkum byggð á því að gögnin vörðuðu mikilvæga virka fjárhags- og viðskiptahagsmuni þeirra lögaðila sem fjallað væri um í gögnunum. Úrskurðarnefndin fór yfir gögnin og taldi þau innihalda margvíslegar upplýsingar um samrunamálið og rekstur þeirra fyrirtækja sem málið varðaði. Upplýsingarnar væru almennt ekki aðgengilegar öðrum en sjálfum lögaðilunum og hefðu þýðingu fyrir starfsemi þeirra. Nefndin taldi að hagsmunir almennings af að fá aðgang að þessum upplýsingum væru takmarkaðir. Ákvörðun stofnunarinnar var því staðfest.

09. okt. 2026Rit og skýrslur, Menningar-٫ nýsköpunar- og háskólaráðuneytið, Vísindi nýsköpun og rannsóknir, Forsætisráðuneytið

Mennta-, rannsókna- og nýsköpunarstefna - Ný stefna fyrir Ísland

maí 2009 / Menningar-٫ nýsköpunar- og háskólaráðuneytið Forsætisráðuneytið Mennta-, rannsókna- og nýsköpunarstefna - Ný stefna fyrir Ísland Education, Research and Innovation policy - A new direction for Iceland (skýrslan er á ensku) Mennta-, rannsókna- og nýsköpunarstefna - Ný stefna fyrir Ísland

09. okt. 2026Forsætisráðuneytið, Menningar-٫ nýsköpunar- og háskólaráðuneytið, Gervigreind

Skýrsla starfshóps um málefni gervigreindar

Starfshópur um nálgun stjórnvalda í málefnum gervigreindar sem var skipaður í júlí síðastliðnum að tillögu forsætisráðherra og menningar-, nýsköpunar- og háskólaráðherra hefur skilað skýrslu sinni. Hlutverk hans var að leggja heildstætt mat á stefnu og aðgerðir stjórnvalda í málefnum gervigreindar og gera tillögur um forgangsröðun og úrbætur.

09. okt. 2026Forsætisráðuneytið

Fræðslumyndband um Stjórnarráð Íslands

Fræðslumyndband um Stjórnarráð Íslands Kynning þessi á Stjórnarráði Íslands er einkum hugsuð fyrir ungmenni í grunn- og framhaldsskólum og getur nýst sem námsefni í samfélagsfræði. Hér á vef Stjórnarráðsins er að finna ýmsar upplýsingar um ríkisstjórn og ráðuneyti sem hægt er að kynna sér nánar. Ríkisstjórn Ráðherrar í núverandi ríkisstjórn Stefnuyfirlýsing ríkisstjórnarinnar Listi yfir frumvörp og fleira sem ríkisstjórnin leggur fram á Alþingi (þingmálaskrá) Reglur um starfshætti ríkisstjórnar Ráðuneyti Listi yfir núverandi ráðuneyti Verkaskipting ráðuneytanna (forsetaúrskurður um skiptingu stjórnarmálefna milli ráðuneyta á vef Stjórnartíðinda 31

09. okt. 2026Ríkisstjórn, Dagskrá ríkisstjórnarfundar, Forsætisráðuneytið, Annað

Fundur ríkisstjórnarinnar 9. október 2026

09 október 2026 / Forsætisráðuneytið Fundur ríkisstjórnarinnar 9. október 2026 Eftirfarandi mál voru á dagskrá ríkisstjórnarinnar í dag: Forsætisráðherra, menningar-, nýsköpunar- og háskólaráðherra Skýrsla starfshóps um gervigreind: næstu skref Utanríkisráðherra Starfshópur (spretthópur) um tækifæri og áskoranir í utanríkisviðskiptum Dómsmálaráðherra Frumvarp til laga um breytingu á lögum um dómstóla, nr. 50/2016 (aðsetur Landsréttar o

09. okt. 2026Utanríkismál, Norrænt samstarf, Forsætisráðuneytið

Ríkuleg tækifæri í viðskiptum við Indland

Kristrún Frostadóttir forsætisráðherra átti í dag tvíhliða fund með Narendra Modi, forsætisráðherra Indlands, í Osló en ráðherrarnir voru þar staddir vegna þriðja leiðtogafundar Norðurlandanna og Indlands. Megináherslur fundar Kristrúnar og Modis voru aukin viðskiptatækifæri milli landanna í kjölfar þess að víðtækur fríverslunarsamningur EFTA og Indlands tók gildi á síðasta ári.

07. okt. 2026Forsætisráðuneytið, Atvinnuvegir

Atvinnustefna Íslands

Atvinnustefna Íslands Atvinnustefna Íslands Atvinnustefna Íslands Aðgerðaáætlun Stöðugreining Atvinnustefnuráð Samráð Alþjóðlegt samhengi Atvinnustefna Íslands er vaxtarplan til 10 ára sem lýsir því hvernig stjórnvöld vinna með atvinnulífinu og samfélaginu að aukinni verðmætasköpun. Markviss atvinnustefna gerir ríkisstjórninni kleift að samhæfa aðgerðir stjórnvalda gagnvart atvinnulífi og veitir fyrirsjáanleika til fjárfestinga. Til grundvallar stefnunni er greining á lykilviðfangsefnum og áskorunum

06. okt. 2026Forsætisráðuneytið, Úrskurðarnefnd um upplýsingamál, Úrskurðir

1367/2026. Úrskurður frá 10. júní 2026

Deilt var um þá ákvörðun fjármála- og efnahagsráðuneytis að hafna beiðni um aðgang að tölvupóstum frá yfirmanni markaðseftirlits Kauphallar Íslands hf. í tengslum við áform um mögulega skattlagningu fjármálafyrirtækja. Ráðuneytið afmáði upplýsingar í tölvupóstunum með vísan til viðskiptahagsmuna kauphallarinnar, sbr. 9. gr. upplýsingalaga, nr. 140/2012. Úrskurðarnefnd um upplýsingamál taldi efni samskiptanna að stórum hluta þegar á vitorði almennings og að ekki hefði verið sýnt fram á að afhending væri líkleg til að valda kauphöllinni tjóni. Var ráðuneytinu því gert að veita kæranda aðgang að tölvupóstunum.

06. okt. 2026Forsætisráðuneytið, Úrskurðarnefnd um upplýsingamál, Úrskurðir

1366/2026. Úrskurður frá 10. júní 2026

Deilt var um afgreiðslu Lögreglunnar í Vestmannaeyjum á tveimur fyrirspurnum kæranda, annars vegar um hvort embættið hygðist auglýsa stöðu saksóknarfulltrúa og hins vegar um afrit af auglýsingu um slíka stöðu frá september 2016. Úrskurðarnefnd um upplýsingamál taldi fyrri hluta erindisins ekki bera með sér að vera beiðni um fyrirliggjandi gögn í skilningi upplýsingalaga, nr. 140/2012, og var þeim hluta kærunnar vísað frá. Að því er varðaði afrit af auglýsingunni lagði nefndin til grundvallar að gagnið væri ekki fyrirliggjandi hjá embættinu. Afgreiðsla embættisins var því staðfest.

06. okt. 2026Forsætisráðuneytið, Úrskurðarnefnd um upplýsingamál, Úrskurðir

1365/2026. Úrskurður frá 10. júní 2026

Deilt var um synjun umhverfis-, orku- og loftslagsráðuneytis á beiðni um aðgang að umsögn Umhverfis- og orkustofnunar um reynslu af sérlausn Íslands fyrir flug innan ETS-viðskiptakerfisins. Synjunin byggðist á 2. tölul. 10. gr. upplýsingalaga, nr. 140/2012, um samskipti við önnur ríki og fjölþjóðastofnanir. Úrskurðarnefnd um upplýsingamál taldi umsögnina hafa að geyma sjónarmið sem kynnu að hafa þýðingu fyrir samningsstöðu Íslands gagnvart framkvæmdastjórn Evrópusambandsins og að afhending umsagnarinnar til almennings gæti að svo stöddu skaðað þá hagsmuni. Ákvörðun ráðuneytisins var því staðfest.

06. okt. 2026Forsætisráðuneytið, Úrskurðarnefnd um upplýsingamál, Úrskurðir

1364/2026. Úrskurður frá 10. júní 2026

Deilt var um afgreiðslu Isavia ohf. á upplýsingabeiðni sem laut að því fyrirkomulagi að koma á fót Bílastæðasjóði Sandgerðisbæjar (síðar Suðurnesjabæjar) vegna álagningar gjalda á bíla við Flugstöð Leifs Eiríkssonar. Úrskurðarnefnd um upplýsingamál taldi að hluti beiðninnar bæri ekki með sér að vera beiðni um gögn heldur fyrirspurnir og óskir um skýringar, og var kærunni að því leyti vísað frá. Þá taldi nefndin að tölulegar upplýsingar sem óskað var eftir væru ekki fyrirliggjandi í skilningi 1. mgr. 5. gr. upplýsingalaga, nr. 140/2012, og að tiltekið gagn teldist vinnugagn samkvæmt 1. mgr. 8. gr. laganna. Ákvörðun Isavia ohf. var því staðfest að öðru leyti.

06. okt. 2026Forsætisráðuneytið, Úrskurðarnefnd um upplýsingamál, Úrskurðir

1363/2026. Úrskurður frá 10. júní 2026

Deilt var um þá ákvörðun Borgarbyggðar að synja beiðni um aðgang að tölvupóstssamskiptum sveitarfélagsins við Fornbílafjelag Borgarfjarðar vegna uppgjörs á kröfum og úthlutunar lóða. Ákvörðunin byggðist á því að gögnin teldust vinnugögn, sbr. 1. mgr. 8. gr. upplýsingalaga, nr. 140/2012, og að þau innihéldu upplýsingar sem vörðuðu einkahagsmuni. Úrskurðarnefnd um upplýsingamál taldi samskiptin ekki geta talist vinnugögn þar sem þau höfðu verið afhent öðrum. Þá stæði hvorki síðari málsliður 9. gr. né 3. mgr. 14. gr. laganna í vegi fyrir afhendingu gagnanna, m.a. þar sem gögnin vörðuðu ráðstöfun opinberra hagsmuna. Var lagt fyrir sveitarfélagið að veita aðgang að gögnunum að stærstum hluta. Hluta beiðninnar var vísað til nýrrar meðferðar og afgreiðslu.

04. okt. 2026Grindavík, Forsætisráðuneytið

Forsendur ekki fyrir hendi til að hefja skólahald í Grindavík að svo stöddu

Ríkisstjórnin fjallaði í morgun um stöðu mála í Grindavík í ljósi áframhaldandi náttúruvár og óvissu um þróun jarðhræringa. Það er mat ríkisstjórnarinnar að ekki séu að svo stöddu forsendur til að hefja að nýju skólahald í Grindavík eða að stuðla að aukinni búsetu barna í bænum. Engin gögn liggja fyrir sem styðja að skólahald geti hafist í Grindavík við núverandi aðstæður. Mat ríkisstjórnarinnar byggir á rammaáætlun Grindavíkurnefndar um endurreisn Grindavíkur og skýrslu Alþjóðabankans um sama efni, áhættumati Grindavíkurnefndar og hættumati Veðurstofunnar.

04. okt. 2026Forsætisráðuneytið, Atvinnustefna

Ný atvinnustefna Íslands samþykkt

Ríkisstjórnin hefur samþykkt nýja atvinnustefnu Íslands. Þessi fyrsta heildstæða atvinnustefna Íslands er 10 ára vaxtarplan sem lýsir því hvernig stjórnvöld vinna með atvinnulífi og samfélagi að verðmætasköpun í landinu. Atvinnustefnunni fylgir einnig aðgerðaáætlun sem nær til áranna 2026 – 2027 þar sem settar eru fram 35 aðgerðir til að stuðla að markvissri innleiðingu stefnunnar.

04. okt. 2026Forsætisráðuneytið, Fjármála- og efnahagsráðuneytið, Umhverfis-٫ orku- og loftslagsráðuneytið, Atvinnuvegaráðuneytið

Tímabundnar efnahagsaðgerðir til að hemja verðbólgu

Ríkisstjórnin samþykkti í dag tímabundnar efnahagsaðgerðir til að hemja verðbólgu og bregðast við verðhækkunum á olíu vegna stríðsátaka við Persaflóa. Markmið aðgerðanna er að fletja út kúfinn vegna þessara hækkana og draga úr áhrifum þeirra á íslensk heimili og fyrirtæki.

03. okt. 2026Forsætisráðuneytið, Úrskurðarnefnd um upplýsingamál, Úrskurðir

1342/2026. Úrskurður frá 10. mars 2026

Málið varðaði beiðni um upplýsingar um öll skráð gæludýr í gagnagrunninum Dýraauðkenni, sem starfræktur er af fyrirtækinu Völustalli ehf. Úrskurðarnefndin hafði ekki forsendur til að draga í efa að gagn með umbeðnum upplýsingum lægi ekki fyrir. Þá taldi nefndin að Völustalli ehf. bæri ekki skylda samkvæmt upplýsingalögum til að taka upplýsingarnar saman fyrir kæranda. Ákvörðun Völustalls ehf. var því staðfest.

03. okt. 2026Forsætisráðuneytið, Úrskurðarnefnd um upplýsingamál, Úrskurðir

1341/2026. Úrskurður frá 10. mars 2026

Deilt var um rétt til aðgangs að gögnum í vörslu utanríkisráðuneytis um lokun sendiráðs Íslands í Moskvu. Ákvörðun ráðuneytisins að hafna beiðni um aðgang að gögnunum var byggð á því að þau vörðuðu málefni starfsmanna, teldust vinnugögn eða hefðu að geyma upplýsingar um samskipti við önnur ríki eða fjölþjóðastofnanir. Úrskurðarnefndin staðfesti að hluti gagnanna varðaði starfssamband viðkomandi starfsmanna, en að kærandi ætti rétt á upplýsingum um föst launakjör sem tilgreindar væru í gögnunum. Þá taldi nefndin að kærandi ætti rétt á tilteknum gögnum sem uppfylltu ekki skilyrði þess að teljast vinnugögn í skilningi upplýsingalaga, og sömuleiðis gögnum sem teldust ekki hafa að geyma samskipti við önnur ríki eða fjölþjóðastofnanir. Að öðru leyti var ákvörðun ráðuneytisins staðfest.

02. okt. 2026Ríkisstjórn, Dagskrá ríkisstjórnarfundar, Forsætisráðuneytið, Annað

Fundur ríkisstjórnarinnar 2. október 2026

02 október 2026 / Forsætisráðuneytið Fundur ríkisstjórnarinnar 2. október 2026 Eftirfarandi mál voru á dagskrá ríkisstjórnarinnar í dag: Forsætisráðherra, fjármála- og efnahagsráðherra Drög að yfirlýsingum vegna endurskoðunar kjarasamninga á almennum vinnumarkaði Forsætisráðherra, atvinnuvegaráðherra, dómsmálaráðherra, fjármála- og efnahagsráðherra, heilbrigðisráðherra, innviðaráðherra, umhverfis-, orku- og loftslagsráðherra Almyrkvi á sólu: Verkefnalok og lokaskýrsla Utanríkisráðherra Tillaga til þingsályktunar um staðfestingu ákvarðana sameiginlegu EES-nefndarinnar nr. 283/2026 um breytingu á XX

29. sep. 2026Forsætisráðuneytið

Um ráðuneytið

Um ráðuneytið Forsætisráðuneytið hefur frá upphafi verið í Stjórnarráðshúsinu við Lækjartorg. Starfsemi á vegum ráðuneytisins fer nú einnig fram í nærliggjandi húsum að Hverfisgötu 4–6. Aðalskrifstofa forsætisráðuneytisins skiptist samkvæmt skipuriti í skrifstofu stjórnskipunar og stjórnsýslu, skrifstofu samhæfingar og stefnumála, skrifstofu jafnréttis- og mannréttindamála og skrifstofu innviða og þróunar

25. sep. 2026Forsætisráðuneytið, Stjórnskipan og þjóðartákn

Stjórnskipan og þjóðartákn

Stjórnskipan og þjóðartákn Með stjórnskipan er átt við þær grundvallarreglur sem gilda um stjórn og skipulag íslenska ríkisins. Um stjórnskipulagið er nánar kveðið á um í stjórnarskrá lýðveldisins Íslands, auk þess sem tilgreindir þættir íslenskrar stjórnskipunar hvíla á stjórnskipunarvenjum. Megineinkenni stjórnskipunarinnar eru lýðveldisstjórnarformið, þrískipting ríkisvalds, þingræðisreglan og þingræðið í víðari skilningi þess orðs

25. sep. 2026Ríkisstjórn, Dagskrá ríkisstjórnarfundar, Forsætisráðuneytið, Annað

Fundur ríkisstjórnarinnar 25. september 2026

25 september 2026 / Forsætisráðuneytið Fundur ríkisstjórnarinnar 25. september 2026 Eftirfarandi mál voru á dagskrá ríkisstjórnarinnar í dag: Forsætisráðherra Kerfisbundin einföldun regluverks fyrir íslenskt atvinnulíf Forsætisráðherra, fjármála- og efnahagsráðherra, menningar-, nýsköpunar- og háskólaráðherra Minnisblað varðandi afgreiðslu umsókna um endurgreiðslur vegna rannsókna og þróunar í nýsköpunarfyrirtækjum Menningar-, nýsköpunar- og háskólaráðherra Gervigreind, máltækni og landsáætlun um stafvæðingu menningararfs Innviðaráðherra Frumvarp til laga um breytingu á lögum um Byggðastofnun, nr. 106/1999 (lagfæringar) Atvinnuvegaráðherra Öryggi opinberra starfsmanna

24. sep. 2026Almannaöryggi, Forsætisráðuneytið

Útgefið efni

Útgefið efni Útgefið efni á vegum þjóðaröryggisráðs Mat þjóðaröryggisráðs á ástandi og horfum í þjóðaröryggismálum Ábendingar þjóðaröryggisráðs í skýrslum ráðsins um mat á ástandi og horfum í þjóðaröryggismálum 2021 og 2022 (ágúst 2023) Skýrsla um mat þjóðaröryggisráðs á ástandi og horfum í þjóðaröryggismálum (desember 2022) Skýrsla þjóðaröryggisráðs um mat á ástandi og horfum í þjóðaröryggismálum (febrúar 2021)