Fréttir

Árétting um sóttvarnarreglur við komu til landsins

Aðeins ein undantekning er frá þeirri reglu að framvísa verði neikvæðu Covid-prófi við komuna til landsins.

Gæða- og eftirlitsstofnun félagsþjónustu og barnaverndar flytur í nýtt húsnæði

Gæða- og eftirlitsstofnun félagsþjónustu og barnaverndar hefur flutt starfsemi sína. Stofnunin er nú til húsa að Suðurlandsbraut 24.

Finndu menningu fyrir alla, um land allt

Nú má nálgast yfirlit yfir öll menningarhús, sýningar, söfn og setur sem miðla list og menningu til barna og ungmenna á einum stað á vefnum.

Ákall kvenleiðtoga vegna stöðu kvenna og stúlkna í Afganistan

Hópur kvenleiðtoga í heiminum hefur sent frá sér ákall til valdhafa í Afganistan um að tryggja og bæta réttindi kvenna og stúlkna í landinu. Katrín Jakobsdóttir, forsætisráðherra, og Zuzana Čaputová, forseti Slóvakíu, höfðu frumkvæði að ákallinu.

Niðurstöður tilboðsmarkaðar fyrir greiðslumark mjólkur

Atvinnuvega- og nýsköpunarráðuneytinu bárust 159 gild tilboð um kaup og sölu á tilboðsmarkaði fyrir greiðslumark mjólkur þann 1. september 2021. Þetta er annar markaður ársins og viðskiptin taka gildi frá 1. janúar sl., þ.e. kaupandi getur nýtt greiðslumarkið á yfirstandandi framleiðsluári.

Sameiginleg yfirlýsing um samkeppnismál

Ferðamála-, iðnaðar- og nýsköpunarráðherra, og stjórnarformaður Samkeppniseftirlitsins, hafa undirritað uppfærða sameiginlega yfirlýsingu atvinnuvega- og nýsköpunarráðuneytisins og Samkeppniseftirlitsins um samkeppnismál.…

Leiðir styttast með nýjum og endurbættum Reykjavegi

Sigurður Ingi Jóhannsson, samgöngu- og sveitarstjórnarráðherra, og Bergþóra Þorkelsdóttir, forstjóri Vegagerðarinnar, opnuðu í dag nýjan og endurbættan Reykjaveg í Bláskógabyggð.

Þörf á alþjóðlegu átaki gegn plastmengun í hafi

Guðmundur Ingi Guðbrandsson umhverfis- og auðlindaráðherra hvetur til þess að nýr alþjóðasamningur verði gerður til að takast á við plastmengun í hafi. Plastrusl og örplast finnist nú nær alls staðar í umhverfinu og brýnt sé að takast á við vandann á hnattrænan hátt.

Mannúðaraðstoð og þróunarsamvinna í Afganistan rædd á ráðherrafundi

Þróunarsamvinnuráðherrar Norðurlanda og framkvæmdastjóri Þróunarstofnunar Sameinuðu þjóðanna (UNDP) ræddu stöðuna í Afganistan á sérstökum fjarfundi í dag. Áframhaldandi starf stofnana Sameinuðu þjóðanna í landinu, og aðgerðir landanna á sviði mannúðaraðstoðar voru til umræðu, sem og möguleikinn á langtímaþróunarsamvinnu í Afganistan.

Ársskýrsla innflytjendaráðs fyrir árið 2020 komin út

Rætt um réttlát umskipti á fundi þjóðhagsráðs

Þjóðhagsráð kom saman til fundar í dag til að ræða um réttlát umskipti í vegferðinni í átt að kolefnishlutlausu samfélagi. Var þetta síðasti fundur ráðsins á þessu kjörtímabili.

Einföldun regluverks: Nákvæm forskriftarákvæði og kröfur til opinberra gæðaúttekta í gistiþjónustu felld brott

Reglugerð sem breytir reglugerð um veitingastaði, gististaði og skemmtanahald, nr. 1277/2016, hefur tekið gildi.…

Yfirkjörstjórnir veita viðtöku framboðstilkynningum

Yfirkjörstjórnir veita viðtöku tilkynningum um framboð við kosningar til Alþingis 25. september 2021.

Loftferðasamningur Íslands og Bretlands öðlast gildi

Loftferðasamningur milli Íslands og Bretlands öðlaðist formlega gildi í gær, 1. september. Samningnum hefur verið beitt til bráðabirgða frá síðustu áramótum fram að gildistöku og voru flugsamgöngur milli ríkjanna því tryggðar við útgöngu Bretlands úr Evrópusambandinu

Endurnýjaður samstarfssamningur við Norðurslóðanetið

Guðlaugur Þór Þórðarson utanríkis- og þróunarsamvinnuráðherra og Eyjólfur Guðmundsson, formaður stjórnar Norðurslóðanets Íslands og rektor Háskólans á Akureyri, hafa undirritað endurnýjaðan samstarfssamning til fimm ára.

Forsætisráðherra styrkir Samtökin ’78 vegna húsnæðismála

Katrín Jakobsdóttir, forsætisráðherra, hefur ákveðið að veita Samtökunum ´78 fjögurra milljóna króna húsnæðisstyrk vegna vatnstjóns og mygluskemmda á húsnæði samtakanna.

Þurfum að stórbæta þekkingu á jarðfræði alls landsins

Umhverfis- og auðlindaráðuneytið, ÍSOR og Náttúrufræðistofnun Íslands stóðu í dag fyrir málþingi um átaksverkefni í jarðfræðikortlagningu og skráningu jarðminja. Á þinginu var kynntur rammasamningur sem ráðuneytið, ÍSOR og NÍ gerðu með sér í vor og hefur það markmið að efla samstarf stofnana sem sinna jarðfræðikortagerð og marka stefnu um framhald jarðfræðikortlagningar landsins.

Breyting á lista öruggra ríkja hefur ekki verið staðfest

Dómsmálaráðherra hefur ekki staðfest breytingu á lista öruggra ríkja fyrir Íslands hönd.

Uppfærð landsskýrsla um innleiðingu Árósasamningsins í samráðsgátt

Umhverfis- og auðlindaráðuneytið hefur sett til kynningar í samráðsgátt stjórnvalda drög að uppfærðri landsskýrslu um stöðu innleiðingar á Árósasamningnum. Skýrslan verður þriðja skýrsla Íslands um innleiðingu samningsins hér á landi.

Málþing um átaksverkefni í jarðfræðikortalagningu - bein útsending

Útsending frá málþinginu Átaksverkefni í jarðfræðikortlagningu og skráningu jarðminja hefst kl. 13 í dag. Það eru umhverfis- og auðlindaráðuneytið, Íslenskar orkurannsóknir (ÍSOR) og Náttúrufræðistofnun Íslands sem boða til málþingsins.

Samantekt um sögu Jafnréttisráðs 1976-2020 komin út

Tekin hefur verið saman saga Jafnréttisráðs frá stofnun þess 1976 fram til árloka 2020 þegar ráðið var lagt niður með nýjum jafnréttislögum nr. 150/2020 um jafna stöðu og jafnan rétt kynjanna.

Stefna um stafræna heilbrigðisþjónustu

Heilbrigðisráðuneytið birtir hér með stefnu sína um stafræna heilbrigðisþjónustu til ársins 2030. Með stefnunni er lagður grunnur að framtíðaráætlunum ráðuneytisins við þróun og notkun á stafrænni tækni til að bæta þjónustu og efla öflun, notkun og miðlun upplýsinga í þágu heilbrigðis þjóðarinnar.…

Aðgerðir til að bæta mönnun á gjörgæsludeildum spítalanna

Landspítala verður veitt aukið fjármagn til að fjölga stöðugildum gjörgæslu- og svæfingalækna um tvö og bæta við einu stöðugildi sérnámslæknis á gjörgæsludeild.…

Undirrita samning um rannsókn á iðragerjun nautgripa

Guðmundur Ingi Guðbrandsson, umhverfis- og auðlindaráðherra, og Ragnheiður I. Þórarinsdóttir, rektor Landbúnaðarháskóla Íslands, undirrituðu í dag samning þar sem umhverfis-og auðlindaráðuneytið styður við rannsóknir til að bæta þekkingu og grunnupplýsingar um metanlosun vegna iðragerjunar nautgripa.

Reglugerð um niðurdælingu koldíoxíðs í samráðsgátt

Umhverfis- og auðlindaráðuneytið hefur sett til kynningar í samráðsgátt stjórnvalda drög að nýrri reglugerð um niðurdælingu koldíoxíðs.

OECD: Hlutfall lækna og hjúkrunarfræðinga hvergi hærra nema í Noregi og Sviss

Ísland er í þriðja sæti í nýrri samantekt OECD sem sýnir hlutfall lækna og hjúkrunarfræðinga á hverja 1.000 íbúa í 32 ríkjum. Læknar eru hér 3.89 á hverja 1.000 íbúa og hjúkrunarfræðingar 15.73. Hæst er hlutfallið í Noregi og næsthæst í Sviss. Stofnunin bendir á að ríki sem standa vel hvað þetta varðar séu betur í stakk búin en önnur til að takast á við heimsfaraldur COVID-19 meðan hann varir.

Sjúkraþjálfarar án samnings: Afnám kröfu um tveggja ára starfsreynslu vegna endurgreiðslu

Heilbrigðisráðherra hefur framlengt til 31. október gildistíma reglugerðar um endurgreiðslu kostnaðar vegna þjónustu sjúkraþjálfara sem starfa án samnings við Sjúkratryggingar Íslands. Jafnframt er fellt úr gildi það skilyrði fyrir endurgreiðslu að sjúkraþjálfari hafi starfað í að minnsta kosti 80% starfshlutfalli í tvö ár eftir löggildingu.

Borgaraþjónustan aðstoðaði 33 við að komast frá Afganistan

Undanfarna daga hafa 33 einstaklingar notið aðstoðar borgaraþjónustu utanríkisráðuneytisins við að komast frá Afganistan hingað til lands. Íslensk stjórnvöld taka undir áskorun fjölmargra ríkja til nýrra valdahafa í Afganistan um að heimila fólki frjálsa för úr landi.

Nefnd greinir áfallastjórnun stjórnvalda vegna COVID-19

Katrín Jakobsdóttir forsætisráðherra hefur ákveðið að skipa þriggja manna nefnd sem vinna á úttekt á viðbrögðum stjórnvalda við COVID-19. Meginverkefni nefndarinnar verður að greina áfallastjórnun vegna faraldursins.

Áframhaldandi samstarf um heimsþing kvenleiðtoga á Íslandi

Katrín Jakobsdóttir, forsætisráðherra, Steingrímur J. Sigfússon, forseti Alþingis, og Silvana Koch-Mehrin, forseti og stofnandi Women Political Leaders (WPL), undirrituðu samstarfsyfirlýsingu í Stjórnarráðshúsinu í dag.

Liðskiptasetur sett á fót á Akranesi – hægt verður að gera um 430 aðgerðir á ári

Liðskiptaaðgerðum verður fjölgað umtalsvert með opnun liðskiptaseturs, þ.e. skurðstofu þar sem eingöngu er sinnt liðskiptaaðgerðum, við Heilbrigðisstofnun Vesturlands á Akranesi (HVE). Gert er ráð fyrir að liðskiptasetrið taki að fullu til starfa í mars á næsta ári. Stofnunin verður þá með getu til að framkvæma um 430 aðgerðir á ári sem er rúmlega tvöföldun á núverandi afkastagetu.…

Ráðherra frestar gjalddaga fyrstu afborgana úr Ferðaábyrgðasjóði

Hlutverk Ferðaábyrgðasjóðs er að veita ferðaskrifstofum lán til að endurgreiða ferðamönnum greiðslur vegna ferða sem var aflýst eða þær afpantaðar á tímabilinu 12. mars til og með 31. júlí 2020. Umfang lánveitinga sjóðsins nemur um 3,2 milljörðum króna.

Breytt verkaskipting heilbrigðisstétta með áherslu á störf sjúkraliða til umfjöllunar í landsráði

Heilbrigðisráðherra hefur falið landsráði um mönnun og menntun að fjalla um verkaskiptingu heilbrigðisstétta með áherslu á fela sjúkraliðum aukin verkefni og nýta þannig betur færni þeirra í verkefnum heilbrigðisþjónustunnar. Jafnframt hefur Landspítala verið falið að skipuleggja og bjóða námskeið í hermisetri fyrir sjúkraliða sem nýtist þeim í störfum á hágæsludeildum og vöknun á spítalanum.

Tekjur sveitarfélaga jukust meira árið 2020 en spár gerðu ráð fyrir

Tekjur sveitarfélaga landsins jukust meira en útkomuspár gerðu ráð fyrir samkvæmt greiningu sem samgöngu- og sveitarstjórnarráðuneytið hefur gert á ársreikningum sveitarfélaga fyrir árið 2020.

Tungnaá friðlýst gegn orkuvinnslu

Guðmundur Ingi Guðbrandsson, umhverfis- og auðlindaráðherra, undirritaði í dag friðlýsingu efsta hluta vatnasviðs Tungnaár gegn orkuvinnslu í samræmi við lög um verndar- og orkunýtingaráætlun (rammaáætlun).

Framkvæmdasýslan og Ríkiseignir sameina krafta sína

Frá og með 15. september sameinast Ríkiseignir og Framkvæmdasýsla ríkisins (FSR) undir heitinu Framkvæmdasýslan - Ríkiseignir. Ákvörðunin um sameininguna byggist á niðurstöðum vinnu ráðuneytis og beggja stofnana, sem staðið hefur frá síðastliðnu hausti.

Niðurstaða úthlutunar á tollkvótum frá Evrópusambandinu á landbúnaðarafurðum fyrir tímabilið 16. september til 31. desember 2021

Fimmtudaginn 19. ágúst 2021, rann út tilboðsfrestur í tollkvóta vegna innflutnings á landbúnaðarafurðum frá Evrópusambandinu samkvæmt reglugerð nr. 600/2021 fyrir tímabilið 16. september til 31. desember 2021.

​Afmælisgjöf til menningarhússins Hofs

Ríkisstjórn Íslands og Akureyrarbær tilkynntu í dag um sameiginlega gjöf til menningarhússins Hofs á Akureyri en haldið var upp á fyrsta áratug starfseminnar þar í dag.

Vegna umræðu um skýrslu um eignarhald sjávarútvegsfyrirtækja

Í tilefni af umræðu um skýrslu sjávarútvegs- og landbúnaðarráðherra um eignarhald 20 stærstu útgferðarfélaga landsins í íslensku atvinnulífi vill atvinnuvega- og nýsköpunarráðuneytið árétta eftirfarandi.

Verklag heilbrigðisþjónustu við móttöku þolenda heimilisofbeldis verði samræmt

Ýtarleg greining á fyrirkomulagi móttöku þolenda heimilisofbeldis í heilbrigðisþjónustunni sýnir að brýn þörf er á samræmdu verklagi, bættri og samræmdri skráningu þessara mála og aukinni fræðslu fyrir heilbrigðisstarfsfólk.…

Afkoma ríkissjóðs 27 milljörðum betri en áætlað var - horfur um bætta afkomu á árinu

Afkoma ríkissjóðs fyrstu sex mánuði ársins er 27 milljörðum króna betri en áætlanir gerðu ráð fyrir. Afkomubatinn skýrist af sterkari tekjuvexti en búist hafði verið við. Þetta kom fram í nýbirtu hálfsársuppgjöri Fjársýslunnar.

Þorsteinn Gunnarsson nýr formaður Kærunefndar útlendingamála

Dómsmálaráðherra hefur skipað Þorstein Gunnarsson formann Kærunefndar útlendingamála, frá og með 1. september 2021. Embættið var auglýst í maí 2021 og sóttu sjö manns um stöðuna.

Mörk kjördæmanna í Reykjavík fyrir alþingiskosningarnar 25. september 2021

Landskjörstjórn hefur tilkynnt hvar draga skuli mörk Reykjavíkurkjördæma suður og norður fyrir alþingiskosningar 25. september 2021.

Fjarfundur ráðherra í norræna varnarsamstarfinu

Staða mála í Afganistan var til umfjöllunar á fjarfundi norræna varnarsamstarfsins (NORDEFCO) sem fram fór í dag. Á fundinum þakkaði Guðlaugur Þór Þórðarson utanríkis- og þróunarsamvinnuráðherra fyrir veitta aðstoð Norðurlandanna við brottflutning íslenskra ríkisborgara frá Afganistan.

COVID-19: Meiri tilslakanir og áætlanir um notkun hraðprófa

Heilbrigðisráðherra hefur ákveðið að gera enn frekari tilslakanir á samkomutakmörkunum sem taka gildi 28. ágúst. Grímuskylda á viðburðum utandyra verður felld brott og skýrar kveðið á um heimild til að halda einkasamkvæmi í veislusölu og sambærilegu húsnæði fram yfir miðnætti. Ráðherra hefur einnig ákveðið nánari útfærslu á notkun hraðprófa á viðburðum.

Málþing um átaksverkefni í jarðfræðikortlagningu

Umhverfis- og auðlindaráðuneytið, Íslenskar orkurannsóknir (ÍSOR) og Náttúrufræðistofnun Íslands boða til málþingsins Átaksverkefni í jarðfræðikortlagningu og skráningu jarðminja miðvikudaginn 1. september.

Drög að opinberri skýjastefnu í samráðsgátt

Drög að skýjastefnu hins opinbera hafa verið lögð í samráðsgátt. Þetta er í fyrsta sinn sem stefna er unnin um notkun skýjalausna, en hún er mikilvægur hluti stafrænna umskipta og er markmið stefnunnar að samræma markmið í notkun slíkra lausna og útfærslu þeirra.

Ráðherra opnaði nýtt húsnæði Vegagerðarinnar

Sigurður Ingi Jóhannsson, samgöngu- og sveitarstjórnarráðherra, tók í gær þátt í formlegri opnun á nýju húsnæði Vegagerðarinnar við Suðurhraun í Garðabæ.

Forsætisráðherra undirritar viðbótarsamning við Stígamót

Katrín Jakobsdóttir, forsætisráðherra, og Guðrún Gísladóttir, fyrir hönd Stígamóta, undirrituðu samstarfssamning í Stjórnarráðinu í dag.

Ráðstöfun rúmlega 100 milljóna króna til geðheilbrigðisþjónustu við börn og ungt fólk

Heilbrigðisráðherra hefur ákveðið að ráðstafa 102 milljónum króna í tiltekin þverfagleg átaksverkefni á vegum Landspítala sem miða að því að efla geðheilbrigðisþjónustu við börn og ungt fólk.…

Sérstakir frístundastyrkir út árið og sótt um gegnum Sportabler

Hægt að sækja um styrkina með sambærilegum hætti og hefðbundinn frístundastyrk.

Kristján Þór setur af stað vinnu um mótun fæðuöryggisstefnu

Kristján Þór Júlíusson, sjávarútvegs- og landbúnaðarráðherra, hefur falið Landbúnaðarháskóla Íslands að móta tillögu að fæðuöryggisstefnu fyrir Ísland. Kristján Þór og Ragnheiður I. Þórarinsdóttir, rektor Landbúnaðarháskóla Íslands hafa undirritað samning þess efnis.

Vinna hafin á grundvelli þingsályktunar um Heiðarfjall

Alþingi samþykkti í vor þingsályktun þar sem umhverfis- og auðlindaráðherra var falið að gangast fyrir rannsókn á umfangi mengunar í jarðvegi og grunnvatni á Heiðarfjalli og gera tímasetta áætlun um kostnað og hreinsun á úrgangs- og spilliefnum á svæðinu. Að mati Umhverfisstofnunar er þörf á tilteknum rannsóknum á Heiðarfjalli áður en hægt verður að gera áætlunina sjálfa.

Hólmsá friðlýst gegn orkuvinnslu

Guðmundur Ingi Guðbrandsson, umhverfis- og auðlindaráðherra, undirritaði í dag friðlýsingu efsta hluta vatnasviðs Hólmsár gegn orkuvinnslu í samræmi við lög um verndar- og orkunýtingaráætlun (rammaáætlun).

​COVID-19: Tilslakanir á sóttvarnaráðstöfunum frá og með 28. ágúst

Fjöldatakmarkanir miðast áfram við 200 manns og reglur um 1 metra nálægðarmörk og grímuskyldu verða óbreyttar. Aftur á móti verður sund- og baðstöðum, heilsu- og líkamsræktarstöðvum heimilt að taka á móti leyfðum hámarksfjölda gesta samkvæmt starfsleyfi, eins metra regla felld niður meðal áhorfenda á íþróttaviðburðum og í sviðslistum, auk fleiri tilslakana sem nánar eru raktar hér að neðan.…

Rafræn ferilbók í notkun og fyrstu rafrænu námssamningarnir undirritaðir

Máney Eva Einarsdóttir og Jón Freyr Eyþórsson nemar í rafvirkjun urðu í dag fyrstu iðnnemarnir til að undirrita rafræna iðnnámssamninga í símanum sínum, eftir að umfangsmiklar kerfisbreytingar á iðnnáminu voru innleiddar að áeggjan Lilju Alfreðsdóttur mennta- og menningarmálaráðherra. Notkun rafrænna ferilbóka er hryggjarstykkið í þeim umfangsmiklu breytingum.

Gagnagrunnur um stuðning Íslands í alþjóðlegri þróunarsamvinnu formlega opnaður

Vefsvæðinu www.openaid.is var formlega ýtt úr vör í dag af Guðlaugi Þór Þórðarsyni, utanríkis- og þróunarsamvinnuráðherra. Um er að ræða gagnagrunn um stuðning Íslands í alþjóðlegri þróunarsamvinnu þar sem almenningi og haghöfum gefst kostur á að rýna í opinber framlög Íslands til málaflokksins.

Tilslakanir og aðferðafræði temprunar ákveðin á fundi ríkisstjórnar

Heilbrigðisráðherra hefur fallist á tillögur sóttvarnalæknis um tilslakanir frá núgildandi reglum sem voru ræddar á fundi ríkisstjórnar í morgun. Lagt er til að þær taki gildi þann 28.…

Drög að nýrri reglugerð um umhverfismat í Samráðsgátt

Umhverfis- og auðlindaráðuneytið hefur sett til kynningar í samráðsgátt stjórnvalda drög að nýrri reglugerð um mat á umhverfisáhrifum.

Reglugerð um endurgreiðslur fyrir þjónustu sjálfstætt starfandi sérgreinalækna framlengd

Heilbrigðisráðherra hefur ákveðið að framlengja gildistíma reglugerðar um endurgreiðslu kostnaðar vegna þjónustu sjálfstætt starfandi sérgreinalækna sem starfa án samnings við Sjúkratryggingar Íslands til 30. nóvember. Samhliða er framlengdur gildistími reglugerðar um endurgreiðslu kostnaðar fyrir einnota áhöld og efni vegna þjónustu þeirra, einnig til 30. nóvember.…

Kennarar fagna starfsþróunartækifærum

Rúmlega 920 kennarar af öllum skólastigum og -gerðum hafa skráð sig á starfsþróunarnámskeið á vegum Menntafléttunnar næsta vetur og hefur aðsóknin farið fram úr björtustu vonum.

Setja af stað tilraunaverkefni um meðferð við áföllum

Miðast að því að hjálpa og auðvelda einstaklingum að vinna úr áföllum.

Umsækjendur um embætti skrifstofustjóra á skrifstofu stefnumála

Alls bárust 22 umsóknir um embætti skrifstofustjóra á skrifstofu stefnumála í forsætisráðuneytinu.

Þrjú ný álit á sviði sveitarstjórnarmála

Samgöngu- og sveitarstjórnarráðuneytið hefur síðustu daga birt þrjú ný álit á sviði sveitarstjórnarmála og snúa þau að málum tengdum sveitarfélögunum Borgarbyggð, Skútastaðahreppi og Langaneshreppi.

Þrjár fjölskyldur komnar heilu og höldnu frá Afganistan

Heimflutningi þriggja fjölskyldna sem dvalist hafa í Afganistan er lokið. Fólkið komst frá landinu með flugi sem stjórnvöld í Danmörku og Finnlandi skipulögðu.

Ný reglugerð um sóttkví og einangrun og sýnatöku við landamæri

Ný reglugerð um sóttkví og einangrun og sýnatöku við landamæri Íslands vegna COVID-19 hefur tekið gildi. Með reglugerðinni er einstaklingum sem eru metnir minna útsettir fyrir COVID-19 veirunni heimilað að sæta smitgát í stað sóttkvíar í samræmi við endurskoðaðar leiðbeiningar sóttvarnalæknis.

Drög að breytingum á reglugerð um fuglaveiðar í Samráðsgátt

Umhverfis- og auðlindaráðuneytið hefur sett til kynningar í samráðsgátt stjórnvalda drög að breytingum á reglugerð um fuglaveiðar og nýtingu hlunninda af villtum fuglum. Í drögunum er lagt til að veiðitími helsingja í Austur-Skaftafellssýslum hefjist 15 dögum fyrr en verið hefur, þ.e. 10. september í stað 25. september.

Ríkisstjórnin samþykkir tillögur flóttamannanefndar

Ríkisstjórn Íslands samþykkti á fundi sínum í morgun tillögu forsætisráðherra, félags- og barnamálaráðherra, dómsmálaráðherra og utanríkisráðherra um að fallast á tillögur flóttamannanefndar vegna þess ófremdarástands sem hefur skapast í Afganistan í kjölfar valdatöku talibana.

Hraðpróf og sjálfspróf

Heilbrigðisráðherra hefur ákveðið að breyta reglugerð nr. 415/2004 sem fjallar m.a. um hraðpróf. Breytingin er unnin í samráði við sóttvarnalækni.

Ráðstefnan Tengjum ríkið haldin í annað sinn

Ráðstefnan Tengjum ríkið, þar sem fjallað er um stafræna framtíðarsýn hins opinbera og nýjungar sem unnið er að til að stórefla stafræna þjónustu, verður haldin 26. ágúst næstkomandi. Þetta er í annað sinn sem ráðstefnan er haldin, en hún fór fram í fyrsta sinn á síðasta ári.

Ítarlegri greining á stöðu eldri borgara í Tekjusögunni

Vefurinn tekjusagan.is hefur verið uppfærður með nýjum gögnum. Í vetur óskaði Félag eldri borgara eftir viðbótum við Tekjusöguna - gagnagrunni stjórnvalda um kjör landsmanna - til að sýna betur fram á hvernig kjör eldri borgara hefðu þróast.

Breytingar sem efla leikskólastarf

Starfshópur um styrkingu leikskólastigsins hefur skilað lokaskýrslu sinni til ráðherra. Hópurinn leggur fram fjölþættar tillögur um hvernig efla megi skólastarf á leikskólastigi, m.a. um endurskoðun á aðalnámskrá leikskóla, reglugerð um starfsumhverfi leikskóla og byggingarreglugerð.

COVID-19: Breyttar reglur um sóttkví í skólum

Sóttvarnalæknir hefur endurskoðað leiðbeiningar um sóttkví á öllum skólastigum og í frístundastarfi og félagsmiðstöðvum. Með breytingunum má gera ráð fyrir að færri þurfi að sæta sóttkví ef smit kemur upp. Í meðfylgjandi leiðbeiningum eru skilgreind viðmið um sóttkví eftir því hvort samvera við smitaðan einstakling hafi verið mikil eða ekki.…

Moody's staðfestir A2 lánshæfiseinkunnir ríkissjóðs með stöðugum horfum

Alþjóða matsfyrirtækið Moody's Investors Service („Moody's“) hefur í dag staðfest A2 lánshæfiseinkunn ríkissjóðs í innlendum og erlendum gjaldmiðli. Horfur eru áfram stöðugar.

Framlög til mannúðaraðstoðar vegna stöðunnar í Afganistan

Utanríkisráðuneytið hefur tilkynnt um 60 milljóna króna framlag til mannúðaraðstoðar í Afganistan. Verður framlaginu skipt jafnt á milli Flóttamannastofnunar Sameinuðu þjóðanna (UNHCR) og Alþjóðaráðs Rauða krossins (ICRC). Báðar stofnanirnar hafa sérstöðu á sínu sviði, einkum hvað varðar aðgengi og þjónustu við fólk á átakasvæðum.

Utanríkisráðherrar Atlantshafsbandalagsins funduðu um Afganistan

Guðlaugur Þór Þórðarson utanríkis- og þróunarsamvinnuráðherra tók í dag þátt í fjarfundi utanríkisráðherra Atlantshafsbandalagsins um Afganistan. Á fundinum var farið yfir þá alvarlegu stöðu sem upp er komin vegna valdatöku talibana.

Ríkisstjórnin fundar með Ungmennaráði heimsmarkmiðanna

Ríkisstjórnin átti í dag fund með Ungmennaráði heimsmarkmiða Sameinuðu þjóðanna um sjálfbæra þróun. Á fundinum kynntu fulltrúar ungmennaráðsins fyrir ríkisstjórn tillögur sínar að framgangi heimsmarkmiðanna hér á landi. Um er að ræða 40 tillögur á sviði menntamála, heilbrigðismála og umhverfismála.…

Beint streymi frá heilbrigðisþingi, föstudag 20. ágúst kl. 9-16

Framtíðarsýn um heilbrigðisþjónustu við aldraða verður meginefni heilbrigðisþingsins föstudaginn 20. ágúst sem hefst kl. 9.00 með ávarpi Svandísar Svavarsdóttur heilbrigðisráðherra. Fólk er hvatt til að fylgjast með áhugaverðu þingi í beinu streymi og taka virkan þátt í gegnum forritið Slido. Streymt er á vefnum www.heilbrigdisthing.is og þar eru einnig nánari upplýsingar um þingið.

Framboðsfrestur er ekki liðinn þótt utankjörfundaratkvæðagreiðsla sé hafin

Framboðsfrestur til Alþingis er til 12 á hádegi 10. september. Því liggur ekki fyrir hvaða stjórnmálasamtök bjóða fram lista í komandi kosningum til Alþingis.

Sérhæfð heilbrigðisþjónusta við aldraða í heimahúsum á höfuðborgarsvæðinu efld

Öldrunarteymið SELMA sem stofnað var á liðnu ári og veitir sérhæfða þjónustu við aldraða í heimahúsum í Reykjavík verður stóreflt og þjónusta þess aukin. Þjónustusvæðið verður stækkað þannig að þjónustan nái til allra sveitarfélaga á höfuðborgarsvæðinu og hún verður nú einnig í boði um helgar. Heilbrigðisráðherra hefur ákveðið að verja 250 milljónum króna af fjárlögum ársins til þessa verkefnis.…

Aðgerðaáætlun um heilsueflingu aldraðra birt

Komið verður á formlegu samstarfi ríkis og sveitarfélaga um heilsueflingu aldraðra, stefnumótun um heilsueflingu og virkni verður liður í sóknaráætlunum landshluta, hlutverk heilsugæslunnar á þessu sviði verður aukið, unnið verður að markvissri fræðslu fyrir aldraða um heilsueflingu sömuleiðis verður stuðlað að betra heilsulæsi aldraðra.…

Forsætisráðherra tók við yfirlýsingu kvennasamtaka um að uppræta verði ofbeldi gegn konum og stúlkum

Katrín Jakobsdóttir forsætisráðherra tók í dag á móti yfirlýsingu um að uppræta verði kynbundið og kynferðislegt ofbeldi gegn konum og stúlkum. Yfirlýsingin var afhent forsætisráðherra með rafrænum hætti að loknum heimsfundi kvennasamtaka og aðgerðarsinna sem berjast gegn kynbundnu og kynferðislegu ofbeldi.

Skýrsla um samræmda skiptingu stjórnsýslunnar

Starfshópur um samræmda skiptingu stjórnsýslunnar hefur skilað forsætisráðherra skýrslu sinni. Verkefni hópsins sem var skipaður síðastliðinn vetur var að fara yfir möguleika þess að samræma skiptingu stjórnsýslunnar í umdæmi í þeim tilgangi að bæta yfirsýn og samanburð á ýmsum þáttum íslensks samfélags.

Nýsköpunar- og þróunarsetur í samstarfi háskólanna á Vesturlandi verður að veruleika

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, Ragnheiður I. Þórarinsdóttir rektor Landbúnaðarháskóla Íslands og Margrét Jónsdóttir Njarðvík rektor Háskólans á Bifröst undirrituðu á Hvanneyri í dag viljayfirlýsingu um að hjá háskólunum tveimur á Vesturlandi byggist upp nýsköpunar- og þróunarsetur þar sem áhersla verður lögð á nýsköpun, rannsóknir, fræðslu og…

Forsætisráðherra ávarpaði World Pride Í Kaupmannahöfn

Katrín Jakobsdóttir forsætisráðherra ávarpaði fund World Pride með norrænum jafnréttisráðherrum í Kaupmannahöfn í gær. Á fundinum var sjónum beint að velferð unga fólksins í hinsegin samfélaginu og mikilvægi þess að Norðurlöndin snúi bökum saman þegar kemur að því styrkja stöðu og réttindi hinsegin fólks.

Forsætisráðherra opnar ráðstefnu gegn kynbundnu og kynferðislegu ofbeldi í Hörpu

Katrín Jakobsdóttir forsætisráðherra flutti í dag opnunarávarp á Reykjavík Dialogue í Hörpu, viðburði sem helgaður er baráttunni gegn kynferðislegu og kynbundnu ofbeldi. Annars vegar er um að ræða alþjóðlega ráðstefnu 16.-17. ágúst og hins vegar heimsfund aðgerðasinna og kvennasamtaka 17.-18. ágúst.

Forval vegna hönnunar nýbyggingar við endurhæfingardeild Grensáss

Aðstæður til endurhæfingar munu gjörbreytast og endurhæfingarrýmum fjölga með nýbyggingu við endurhæfingardeild Landspítala við Grensás sem er í undirbúningi. Ríkiskaup auglýsa nú eftir umsóknum um þátttökurétt í lokuðu útboði vegna hönnunar húsnæðisins. Áætlaður heildarkostnaður við nýbygginguna sem verður allt að 3.800 fermetrar er um 2,9 milljarðar króna.

Opnað fyrir umsóknir um framlög til verkefna á sviði almenningssamgangna

Samgöngu- og sveitarstjórnarráðherra hefur opnað fyrir umsóknir um framlög til verkefna á sviði almenningssamgangna, sem veitt eru á grundvelli stefnumótandi byggðaáætlunar fyrir árin 2018-2024

Kosningavefurinn kosning.is opnaður

Vefurinn kosning.is er upplýsingavefur fyrir framkvæmd alþingiskosninga 25. sept. 2021

Björn Þorvaldsson skipaður í embætti héraðsdómara

Dómsmálaráðherra hefur skipað Björn Þorvaldsson, saksóknara, í embætti dómara með starfsstöð við Héraðsdóm Reykjavíkur sem sinnir störfum við alla héraðsdómstólana.

Heiða Björg Pálmadóttir nýr skrifstofustjóri í heilbrigðisráðuneytinu

Svandís Svavarsdóttir heilbrigðisráðherra hefur ákveðið að skipa Heiðu Björgu Pálmadóttur í embætti skrifstofustjóra á skrifstofu innviða heilbrigðisþjónustu í ráðuneytinu. Ráðgefandi hæfnisnefnd um skipun í embættið mat Heiðu mjög vel hæfa til að gegna embættinu. Skipað verður í embættið til fimm ára.

Leiðbeiningar um sóttvarnir í skólastarfi haustið 2021

Með hliðsjón af reglugerð heilbrigðisráðherra um takmörkun á samkomum veitir mennta- og menningarmálaráðuneyti nánari leiðbeiningar til skóla um áhrif gildandi sóttvarnaráðstafana á mismunandi skólastigum.

Öldrunarlæknirinn doktor Samir Sinha gestafyrirlesari á heilbrigðisþinginu 20. ágúst

Minnt er á heilbrigðisþing 2021 sem heilbrigðisráðherra hefur boðað til 20. ágúst og fjallar um framtíðarsýn í heilbrigðisþjónustu við aldraða. Meðal fyrirlesara á þinginu verður Dr. Samir Sinha frá Kanada.…

Utankjörfundaratkvæðagreiðsla erlendis hefst í dag

Utankjörfundaratkvæðagreiðsla erlendis vegna alþingiskosninga 25. september 2021 hefst í dag, 13. ágúst, og fer fram í öllum sendiráðum Íslands erlendis og aðalræðisskrifstofum Íslands í New York, Winnipeg, Nuuk og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis.

Kosning utan kjörfundar getur hafist föstudaginn 13. ágúst

Kosningar til Alþings fara fram 25. september 2021 og getur kosning utan kjörfundar hafist föstudaginn 13. ágúst 2021.

Kosið verður til Alþingis laugardaginn 25. september 2021

Kosið verður til Alþingis laugardaginn 25. september 2021. Þetta kemur fram í forsetabréfi um þingrof og almennar kosningar sem birt hefur verið á vef Stjórnartíðinda.

Styrkveitingar haustið 2021

Atvinnuvega- og nýsköpunarráðuneytið auglýsir eftir umsóknum um styrki til verkefna og viðburða á málefnasviðum ferðamála-, iðnaðar- og nýsköpunarráðherra og sjávarútvegs- og landbúnaðarráðherra.

Ráðstefna og heimsfundur kvennasamtaka í Hörpu 16.-18. ágúst

Reykjavík Dialogue hefst í Hörpu 16. ágúst nk. og stendur til 18. ágúst. Viðburðurinn er helgaður baráttunni gegn kynferðislegu og kynbundnu ofbeldi. Annars vegar er um að ræða alþjóðlega ráðstefnu frá 16.-17. ágúst og hins vegar heimsfund aðgerðasinna og kvennasamtaka frá 17.-18. ágúst.

Lykiltölur um rekstur hins opinbera á opinberumsvif.is

Hvaðan koma peningarnir í sameiginlega sjóði og hvernig er þeim varið. Á nýjum vef, opinberumsvif.is, er hægt að skoða lykiltölur um hvernig ríkið og sveitarfélög, sem saman mynda hið opinbera, eru rekin.

Samið um áframhaldandi stuðning við Blábankann

Sigurður Ingi Jóhannsson, samgöngu- og sveitarstjórnarráðherra, og Ketill Berg Magnússon, stjórnarformaður Blábankans, hafa undirritað samning um áframhaldandi stuðning ráðuneytisins við rekstur Blábankans, nýsköpunar- og samfélagsmiðstöðvar á Þingeyr