Framtíðarsýn Flóahrepps í skólamálum lýtur á því að í sveitarfélaginu verði öflugt skólastarf sem byggir á einstaklingsmiðuðu námi með áherslu á að hlúa að styrkleikum nemenda og örva skapandi hugsun. Til þess að ná þeirri framtíðarsýn er lögð áhersla á fjóra megin flokka til að ná framtíðarsýninni; mannauð, samfélagið, umgjörð og umhverfið. Áherslur í mannauðsmálum sveitarfélagsins byggja á því að styrkleikar hvers og eins fái notið sín og er sérstök áhersla lögð á jafnrétti og vellíðan allra, nemenda, starfsmanna og foreldra. Mikilvægustu þættir umgjarðar um skólastarfið í sveitarfélaginu eru að standa vörð um það til þess að efla og viðhalda þekkingu og færni í samfélaginu. Hlutverk samfélagsins er að búa nemendur undir þátttöku í lýðræðissamfélagi með heilsueflingu í víðum skilningi, samstarfi og samvinnu. Skólarnir leggja mikla áherslu á að efla umhverfisvitund og leggja rækt við sérstöðu samfélagsins. Skólstarf er unnið eftir hugmyndafræði Landverndar: Skólar á grænni grein.