RARIK hefur markað stefnu í úrgangsmálum og sett sér það markmið að auka hlutfall flokkaðs efnis úr 92% árið 2020 í 95% árið 2025. Það verður gert með því að minnka óflokkaðaðan almennan úrgang sem fer til urðunar á móttöku- og söfnunarstöðvum. Í starfsemi RARIK er tekið tillit til hagkvæmrar notkunar aðfanga, endurnýtingar efnis og tækjabúnaðar og ábyrgrar förgunar á úrgangi. Unnið er markvisst að því að draga úr úrgangi sem fer til urðunar og efni sem til fellur hjá fyrirtækinu er komið í farveg til endurnýtingar eða -vinnslu. Ónothæfu efni er fargað í samræmi við reglur um umhverfisvernd þannig að það valdi sem minnstum óæskilegum áhrifum á umhverfið og mengi ekki vatn, jarðveg eða andrúmsloft. Með þessu styður RARIK við hringrásarhagkerfið og minnkar óbeina losun gróðurhúsalofttegunda.